Hiburu 2:3 - Nyindrou

³ Buku taha teleya lakou laba tinan ta akohok taha, taha katobwak barala buku sah handru? Laban ndrasehek nyala seben doh ma bwena ndrame tataha, eme iri lau nane anuhun sahou tan, ame asehek tataha ja, “Sahou doh ndra handru le.”

Hiburu 2:3 Referans Kwoze

Hiburu 12:25

Bale aha ki-in taha, kora-on aha katunuhun, ma aha ba-en hamon ta boho Kindrei bwe. Tasah, ma bwena mene Kindrei ere bwele-e mandrei Sainai asehek sahou boto-on ili tiri lau badu Isra-el are kabede mandrei doh, arile iri tebelese bohon. Eme ma, na bolo len bwena mene doh, iri winiyan batobwak ma bateleyani ndramas ta kandriyen ndra-in tiri bwe. Na idah, Kindrei udu kandrah, ma iy asehek sahou boto-on labai ja eme tataha. Buku taha atehei kona taha i tan, taha winiyan batobwak ma bateleyani ndramas ta kandriyen ndra-in nane doh bwe, handru en.

La-ukei ta Pol atorou ili tiri lau badu kon Rom 2:3

Ya ou badeh, ndramak laleyah le; buku ou anya aleben iri lau rayah ja, arile ou amekes kandriyen ndra-in i le buku aliy; ou anya kameh, ou baratobwak ta bolo maha-an ta Kindrei barala buku sah?

Hiburu 5:9

Ma idoh bwidi iy asahan ndramak handru ta in hamon ta sahou ta Kindrei. Eme ma iy asahan kati kandriyen handru ta aseben ma ta akohok are lau iy in hamon ta sahou tan, ta iri kameh are le buku doh.

Aposel 4:12

Taha badeh, winiyan batakalahei ari seben bare ta ari lau ja bwe; tasah ari lau udu baha kandrah ja kada-ah atehei iy ki nyara seben tataha bwe.”

Hiburu 4:11

Taha kabadok ta akohok amunyau doh. Kora-on ari mwan o badih in hamon ta kandriyen ta tebelese boho Kindrei, i buku le iri Isra-el bwena mene amekes, ma iri taku.

Hiburu 1:2

Arile udu bolo len tataha hamon kada-ah, Kindrei asehek sahou eme tataha i san ta nadun ari le mwan. Kindrei leheyani nadun doh ta akohok iri lakou marakon. Na nadun le, iy bwidi lakou marakon asahan.

Tarou ta Luk 1:2

Oro atorou ta nyala lakou mene to ndranuhun bwena mene ndra-au. Ya lakou doh mene, oro atou na mada oro amwenen, udu ndra bada katin eme, eme ma oro a lohowan ta atiye.

Rebelesen 7:10

Iri mara-ei atehei boho iri i le se ma aloh i buku doh: “Ahi mara-ei atudun nyara Kindrei tataha, iy manyah udu bada koyeu ta kabin, hawe Nadu Sipsip tan. Uru mala-uh badeh, andrei taha ndrame hamon, ma taha ado mwasin labai mara-ei!”

Taitus 2:11

Katin ta ou leheya, ma batanau iri lau ta Kindrei, ka-en hamon ta kandriyen doh badeh, asah i buku doh: Na tikisiy ta Kindrei le, eme la-u taha mari badeh, mesekei iy suni Jises Krais eme munyak, ta sikine karei ma lomondra ndra-in tataha.

1 Timoti 1:15

Ya sahou tek dah lau kanuhun, idah sahou handru aha kanuhun: Krais Jises eme andri bolo munyak ta aseben lau ta karei ma ta lomondra ndra-in. Ya jo dah badeh, ndra-in labai ja, sakalawi lau mari.

Metiu 23:33

“Ado mwak ndra-in. Kindrei kameh atehei ado ala ta mada sahou, ma ado kameh ala bolo jih. Ya ado kasahan kamwenen ki buku sah handru?

Hiburu 4:1

Tandrakan ta Kindrei ta atiye taha ala bolo kon ta amunyau udu aliy kahis. Eme ma taha kabudon kamwenen, kora-on Kindrei kanyolom ari tataha, iy winiyan bala bolo kon ta amunyau doh bwe.

Aposel 2:22

“Ado lau badu Isra-el kanuhun sahou doh. Jises Krais badu Nasaret mene, Kindrei suni iy ewek hawe ado. Ya iy mene amekes lahou tinan ma amekes kalem tinan na boto-on ta Kindrei edeu i tan udu ndrokowa ado. Ya ado tanan iy.

Aposel 1:22

Udu ndra kabatana Jon ta alomwa eme, eme taku kabatana andrei Jises udu hawe to iu i loken. Iy doh badeh, keme hawe to ta asehek nyala Jises mene amak eme awas ja.”

Tarou ta Jon 15:27

Eme ma aha ale kameh asehek jo, tasah aha ado hawek ndra bwena labai, eme asahan nane dah.

Tarou ta Luk 24:19

Eme iy anya, “Saba lakou asahan deh?” Eme uru anya, “Aru badeh, asehek nyala Jises badu Nasaret. Iy badeh, propet. Iy asehek sahou badeh, sahou tan nyarahan labai, ma iy badeh, udu mwasin labai udu mada iri lau mari, ma udu mada Kindrei, ta bolo lahou tan mari iy amekes.

Tarou ta Mak 1:14

Ano hamon ta iri ndratehei Jon ta alomwa ndrala bolo kou, Jises eme asahan Galili ta atiye sahou mwasin ta Kindrei.

1 Tesalonaika 5:3

Iri mwan ma badih batehei budon tiri bala ta Kindrei bwe, iri asehek i buku doh: “Aha sabudon! Idah len, mwasin ai, ari bahun ja bwe.” Arile, na le len doh, se nawin bwe, Laban kameh bwidi iri ala munya-un ndra-in labai. Ma lakou doh kameh asahan suwi labai, buku sisi-in ale asahan ta badih iy anya kedeu nadun, ma iri winiyan bateleyani lakou doh bwe.

Tarou ta Luk 1:69

Iy atehei ndramak ari boto-on eme ta seben taha, badu boho kamen ta lohowan tan Debit,

Metiu 4:17

Udu bada len doh Jises asehek sahou ma bwena handru, eme ma iy tiye i buku doh: “Ado katobolowe ndrine ado, ma ado katikisiy handru ta kandriyen ndra-in tado, tasah tondrok ta Kindrei ndrame mirihik.”

La-ukei ta Pol atorou ili tiri lau badu kon Rom 11:14

Tasah, jo abudon i san doh, kameh winiyan mesekei iri lau badu hawek, iri Isra-el kameh, mada iri alikis ta aliy. Ma idah kameh, winiyan sebenei iri rayah ado mwasin.

1 Korin 1:21

Kindrei in hamon ta budon tan amwenen, ma ta idoh, iy sani san tiri lau ta tanan, iri anya, iri winiyan atanan iy. Tasah, iri winiyan bala tanan Kindrei ta iri budon solo-an badu munyak ta iri a-en hamon ta aliy, bwe. Kindrei anya kakohok iri mwan ma badih i buku doh: Iri mwan ma badih anuhun sahou mwasin nane ahi aposel atiye, iri lau solo-an badu kon munyak aloh, “sahou moson bwe.” Arile, are lau iri atehei budon tiri ili le ta Krais, Kindrei badeh, sekesek ta akohok iri ame hamon ja.

Hiburu 1:1

Bwena mene Kindrei asehek sahou ili ta tubu taha iri san solo-an, ma i san solo-an labai ili tiri propet.

Hiburu 1:14

Iri angelo badeh, malawi iri le, iri ta amekes gok ta Kindrei. Kindrei tiye iri ala ta aseben lau, ta akohok iri kame hamon ja.

Hiburu 9:28

I buku le Krais amwenen atehei iy san rasan le i nyara salom ili ta Kindrei ta talou iri kandriyen ndra-in ta lau solo-an. Hamon kameh iy eme kon munyak ja. Arile, iy eme ta bwese ndra-in tataha ja bwe. Iy eme doh ta aseben ma ta akohok iri lau nane atondrok iy, ame hamon hawen.

1 Jon 1:1

Aso badeh, ta atorou la-ukei ewek taha, ta nyala sahou kohan handru in aliy. Sahou dah badeh, asahan bwena labai, ya aso ndranuhun, ma aso ndranyolom na mada aso amwenen. Ma aso ndratona na mine aso ale.

La-ukei atorou Jut 1:17

Arile, ado nadu tine handru, ado kabudon mene iri aposel ta Laban tataha Jises Krais asehek bwena.