Hiburu 2:18 - Nyindrou

¹⁸ Iri lakou marakon doh ndrasahan tan, iy le ari eme badeh, akohok sisi-in ta aliy. Eme badeh, ma iy winiyan sebenei iri lau marakon, i buku lakou ndra-in anya kawendreya iri.

Hiburu 2:18 Referans Kwoze

1 Korin 10:13

Buku iri none asahan taha, aha winiya atanan, idoh mene ndrasahan tiri mwan ma badih rayah. Arile, Kindrei badeh, in hamon tiri batanau tan, ma iy winiya balelei ari none ta atisih boto-on taha bwe-en. Buku iri none asahan taha, Kindrei kameh amekes san ta aseben aha. San i buku doh: Iy kameh atadau aha abadok, ma aha winiya ales boto-on ta tawiya none doh.

La-ukei atorou Jut 1:24

Kindrei badeh, winiyan tondrokei aha ado mwasin, ma aha winiyan bataku ta kandriyen ndra-in bwe. Iy winiyan andrei aha ala bolo lomadan ma ado kon tan mwasin. Eme ma, iri lau kameh winiyan basehek kandriyen taha bwe, aha kameh are ta sekesek le ai.

Hiburu 5:2

Iy tanan, iy nyamun bwe, ma iy winiyan bamekes iri lakou solo-an bwe. Eme ma iy amekes amunum le ili tiri lau tana iri lakou bwe, ma ta iri lau ndramani san mwasin ta Kindrei.

Rebelesen 3:10

Aha badeh, a-en hamon ta sahou tek, ma aha ales boto-on labai tiri maha-an marakon. Eme ma, jo kameh atondrok aha ta iri lakou anya kasahan ta none iri mwan ma badih badu kon munyak mara-ei, idoh kameh winiya bandruni aha bwe.

2 Pita 2:9

Ya, i buku idoh handru eh, badeh, Kindrei tanan labai ta aseben iri lau ta amekes kandriyen mwasin ado ta bolo iri maha-an. Ma iy ale tanan labai ta tawi iri lau ta amekes kandriyen ndra-in ado abe-en len ta sahou, ma iy kameh edeu maha-an i la-u iri. Maha-an hawe isi i tiri badeh, kameh udu la-u iri udu le gwek ai, ta abe-en le len ta mada sahou ta Kindrei barasahan.

2 Timoti 1:12

Eme ma, jo bwese maha-an doh, ma jo eme udu bolo asiu lulik kada-ah. Arile, bwilik bama ta udu bolo asiu lulik ma bwese maha-an kada-ah, bwe. Tasah, jo ndratanan Krais Jises, ma jo atehei budon tek handru in tan. Ma jo tanan, iy winiyan tondrokei gok ta atiye sahou tan dah udu mwasin, iy ndratehei ndrame minek, ma gok doh kameh udu mwasin mara-ei ili winiyan le len iy eme hamon ja.

Tarou ta Jon 10:29

Tama amwenen, iy ndratehei iri ndrame tek, iy udu bwele-en labai tiri lakou marakon, ma ari ndramak winiyan baruwi iri ado mine tama ame len bwe.

Tarou ta Luk 22:53

Jo badeh, udu hawe ado na len mari udu asiu tinan ta Kindrei, eme ya ado bateu jo bwe. Arile, na ben dah, ben tado ta amekes ai, tasah boto-on ta balik badeh, ndratondrok kon ai.”

Pilipai 3:21

Iy eme kameh nyuruwini lakou mari na boto-on tan kameh udu baha tondrok tan. Ma idah kameh, iy tubuni bada taha badu munyak dah kameh i randrah labai, asahan ha-un i le buku badan, ta udu le buku doh.

Tarou ta Luk 22:28

Ado le badeh, baruwani jo bwe, ado an hawek na len mari jo bwese maha-an.