Hiburu 2:17 - Nyindrou

¹⁷ Kindrei ndrabwidi iy ndrasahan i buku le nadu tinen oro amwenen, ta iy kameh asahan tinan tiri pris toro. Iy asahan tinan tiri pris ta tikisi oro, ma iy in hamon tiri sahou marakon ta Kindrei ma iy amekes gok tan. Gok doh, ta akunoh ma ta mani kandriyen ndra-in ta lau marakon ano.

Hiburu 2:17 Referans Kwoze

Hiburu 4:14

Tinan tiri pris tataha badeh, in aliy. Nyaran Jises, iy Nadu Kindrei. Iy ndra-au ndrala kandrah hawen. Eme ma taha katawi iri budon marakon nane taha ndrasehek ndrala tiri lau badeh, kihis mara-ei.

Hiburu 2:14

Oro nah nane Jises asehek doh, oro lau mwan ma badih. Eme Jises asahan ndramak awas ma konen i buku le oro, iy kameh winiyan imek, ma iri kandriyen doh kameh winiyan sulumwi boto-on ta balik nane, amekes iri lau amak.

Hiburu 7:26

Jises doh, iy tinan tiri pris. Iy le ari winiyan sebenei taha. Iy ndrabun labai; iy ari budon ndra-in bwe; ma iy ndra nyikilikin labai ta mada Kindrei. Eme Kindrei atehei iy udu len labai ja tiri lau ta amekes iri kandriyen ndra-in. Ma iy andrei iy iu ili loken ili kandrah, ma atehei nyaran ndra tinan labai.

La-ukei ta Pol atorou ili tiri lau badu kon Rom 5:10

Bwena mene taha amekes bahun hawe Kindrei kahis le badeh, na le len doh Nadu Kindrei imek. Ta gok ta imek nane doh iy ndrabwidi kandriyen ta bahun mari udu ndrokowa Kindrei hawe taha, ma iy bwidi ndrine taha udu mwasin hawe Kindrei. Na dah, Nadu Kindrei, kohan handru ta udu le buku doh, winiyan bamak ja bwe. Eme ma, taha winiyan atanan handru, na koha nadun le doh, Kindrei kameh andrei taha ame hamon, ma iy kameh aseben taha tinan labai ja.

Hiburu 2:11

Taha tanan, Jises amekes iri lau mwan ma badih asahan lau ta Kindrei, ma iri lau nane iy ndrabwidi, iri a ndrabun. Iri marakon doh badeh, tama oro ari le, ma Jises eme aloh oro, nadu tinen, ma bwilin bama ta aloh oro bwe.

Hiburu 3:5

Moses badeh, buku ndramak ta amekes lahou ta Kindrei, iy in hamon handru ta sahou ta Kindrei, ma iy amekes gok in asiu tan. Gok tan ta tiye iri lakou Kindrei asehek ta aliy kameh asahan hamon.

Kolosi 1:21

Aha ale ado mwasin hawe Kindrei. Arile, bwena mene aha are len labai ta Kindrei, ma aha ta bahun hawen. Tasah, budon taha mene amekes bahun i tan, ma aha amekes kandriyen ta lomondra ndra-in.

Hiburu 7:28

Kandriyen malen ta Moses ta akohok ndramak asahan tinan tiri pris, iri akohok ndramak nyamun bwe, ma iy ta amekes kandriyen ndra-in. Arile sahou ma tandrakan ta Kindrei badeh, asahan hamon labai ta kandriyen malen ta Moses. Eme ma sahou nane doh, atehei nadun asahan tinan tiri pris handru. Iri gok mari Kindrei aso-ok iy kamekes, iy bwidi marakon ndrano, ma ndra mwasin le ai.

Epesus 2:16

Ehe, Krais imek udu bada kei tondreh, ma ta gok doh, iy ndrasani kandriyen ta adai lau laleyah udu ndrokowa iri mwan ma badih badu Isra-el amwenen, ma iri mwan ma badih badu kon leheleh, kasahan rabuk le. Eme ma, iy ndradai kandriyen ta bahun laleyah ndra-au.

La-ukei ta Pol atorou ili tiri lau badu kon Rom 15:17

Ya eme in bwele-e sahou nane ndrasehek ndra-au, jo winiyan sekesek ta aliy. Tasah jo badeh, ndrahis ndrase hawe Krais Jises, ya aru amekes lahou ta Kindrei.

Hiburu 3:2

Kindrei ndratehei gok doh ndrala tan, ma iy in hamon ta sahou handru ta Kindrei ta iri kandriyen i buku le ta Moses bwena mene amekes udu asiu ta Kindrei.

Hiburu 2:16

Handru labai, Jises mene bamekes gok doh ta aseben iri angelo bwe, iy amekes gok doh ta aseben lundriye Abraham iri.

Hiburu 3:1

Ado nadu tine i san ta Jises, Kindrei udu kandrah kodo-oh iy aloh ado ale. Ado kabudon kamwenen kili le ta Jises, Kindrei tiye iy eme ta asahan aposel ma tinan tiri pris. Taha ale atehei budon in tan, ma asehek nyaran ili ta lau marakon.

Hiburu 4:15

Tasah, nyamu taha amwenen winiyan batisih iri kandriyen ndra-in iu bwe. Arile tinan tiri pris tataha amwenen doh, iy le ari winiyan tikisi taha. Tasah, iri maha-an asahan tataha, badeh, mene ndrasahan tan ta none iy ale. Arile iy bamekes ari kandriyen ndra-in bwe.

Hiburu 5:1

Kandriyen ta adeu ndramak asahan tinan tiri pris i buku doh: Kindrei le badeh, akohok ndramak badu ndrokowa iri lau, ma atehei iy ta aseben iri lau ta ndrokowa lau hawe Kindrei. Iy i saluwe iri lau mwan ma badih, ma iy edeu ndramas i ta Kindrei, ma edeu salom ta amekes kandriyen ndra-in tiri iu.

Hiburu 5:2

Iy tanan, iy nyamun bwe, ma iy winiyan bamekes iri lakou solo-an bwe. Eme ma iy amekes amunum le ili tiri lau tana iri lakou bwe, ma ta iri lau ndramani san mwasin ta Kindrei.

Hiburu 5:5

Ma Krais ale i buku aliy. Iy batudun nyaran ta asahan tinan tiri pris bwe. Kindrei le atehei iy ili aliy ta amekes iri gok doh. Kindrei eme tiye i tan: “Ou naduk handru, Na dah jo ndrasahan tamam kabwe.” Wari 2:7

Hiburu 5:10

Eme ma Kindrei atehei iy asahan tinan tiri pris, ma iy asehek i buku doh, “Ou kameh asahan tinan tiri pris in hamon ta gok ta pris ari mene nyaran Melkisedek.”

Hiburu 6:20

Ta akohok kon tataha, Jises ndrala mwena tataha ndrala bolo asiu ndrok doh. Eme ma iy ndrasahan tinan tiri pris ta udu le buku doh, in hamon ta gok ta pris ari mene nyaran Melkisedek.

Hiburu 8:1

Eme ta kati sahou nane dah, taha ndrasehek i buku doh: Tinan tiri pris tataha udu aliy, eme iy ndrala ndramanyah udu loboho limen salin ta koyeu ta kabin badu kandrah.

Hiburu 8:3

Iri tinan tiri pris marakon badeh, gok tiri ta atiye ndramas, ma ta adi iri lakou buku bulumakau i ta salom ili ta Kindrei. Eme ma Jises kamekes iri lakou doh ale.

Hiburu 9:11

Arile Krais ndrame ndrasahan tinan tiri pris ta iri lakou mwasin nane ndrame tataha. Iy ili bolo asiu balei handru ta Kindrei udu kandrah. Asiu balei doh ja, mwasin labai ta asiu balei tiri mwena. Asiu balei badu kandrah nane doh, iri lau bamekes na mine iri bwe, tasah iy badu kon munyak dah bwe.

Hiburu 10:21

Tinan labai tiri pris tataha udu aliy ta atondrok asiu ta Kindrei.