Hiburu 2:16 - Nyindrou

¹⁶ Handru labai, Jises mene bamekes gok doh ta aseben iri angelo bwe, iy amekes gok doh ta aseben lundriye Abraham iri.

Hiburu 2:16 Referans Kwoze

Galesiya 3:29

Ya, buku none aha badu hawe Krais handru, badeh, aha nadu Abraham ai. Ma idah kameh, aha akohok kohan ha-un ma manyah mwasin mene Kindrei tandrakan ta aliy.

Galesiya 3:16

Eme ma, udu bolo buk ndrabun, Kindrei amekes i buku le aliy. Iy amekes iri tandrakan i ta Abraham hawe lundriyen oro. Sahou ta Kindrei batiye anya “toro lundriyem solo-an,” bwe. Badeh tiye, “i ta lundriyem ari” le. Jenesis 12:7; 13:15; 24:7 Ya iy doh badeh, Krais.

Jenesis 22:18

Ya nyosowan ta lundriye nadum oro kameh ili la-u kon munyak mari, tasah na ou anuhun sahou tek.”

Hiburu 12:10

Tama taha badu kon munyak dah, iri batanau taha sese luluwen bwe, iri amekes i buku iri abudon mwasin. Arile Kindrei batanau taha ta iri kandriyen mwasin ta aseben taha handru, tasah iy aso-ok taha kala ndrabun ki buku le iy.

Hiburu 6:16

Buku ari ndramak asehek sahou kili handru, iy kameh aloh nyara ari tubun oro lau-en. Sahou tandrakan tan nane winiyan bwidi sahou tan abadok, ma iri lau winiyan basehek ja bwe.

La-ukei ta Pol atorou ili tiri lau badu kon Rom 2:25

I buku none ou an hamon ta batanau malen, idah kameh, kandriyen ta asan ku-im, kameh bundruwen udu aliy ai. Arile, i buku none ou ba-en hamon ta kandriyen malen bwe, idah kameh ou asahan buku ndramak basan ku-in bwe, ma ou are len ta Kindrei labai.

1 Pita 1:20

Bwena mene Kindrei babwidi kon munyak dah bwe le badeh, iy ndranyowonyani Jises Krais ta amekes gok ta akunoh taha ame hamon. Ya, na len dah, Kindrei ndraleheyani iy ndrame lewan udu kala iy mene imek ereu bada kei tondreh ereu mada lau mari. Iy imek ta aseben taha lau mara-ei badu munyak.

Hiburu 2:15

Iri mwan ma badih, iri nane anoh ta amak. Na len marakon iri ado kon munyak, nohonoh tiri doh ta amekes iri, buku iri ado bolo kowah lulik ta balik. Arile Jises imek ta talou iri ado bolo kowah lulik ame len.

Hiburu 2:17

Kindrei ndrabwidi iy ndrasahan i buku le nadu tinen oro amwenen, ta iy kameh asahan tinan tiri pris toro. Iy asahan tinan tiri pris ta tikisi oro, ma iy in hamon tiri sahou marakon ta Kindrei ma iy amekes gok tan. Gok doh, ta akunoh ma ta mani kandriyen ndra-in ta lau marakon ano.