Hiburu 2:15 - Nyindrou

¹⁵ Iri mwan ma badih, iri nane anoh ta amak. Na len marakon iri ado kon munyak, nohonoh tiri doh ta amekes iri, buku iri ado bolo kowah lulik ta balik. Arile Jises imek ta talou iri ado bolo kowah lulik ame len.

Hiburu 2:15 Referans Kwoze

La-ukei ta Pol atorou ili tiri lau badu kon Rom 8:15

Eme ya, aha bakohok Malawin Ndrabun ta nohowa aha bwe, arile, na Malawin Ndrabun le idih udu bolo oda aha mesekei aha asahan nadu Kindrei handru. Ma na iy le, taha aloh Kindrei anya, “Tama, tama.”

2 Timoti 1:7

Ou tutuni ndramas badeh, ma ou amekes gok Kindrei ndratiye ndrawek tam. Tasah, Malawin Ndrabun, Kindrei atehei eme tataha doh, iy winiyan babwidi taha banoh bwe. Iy badeh, ndranyuhi taha marakon na boto-on tan ta amekes gok tan, ma taha winiyan tikisi iri lau mari, ma taha winiyan atondrok ndrine taha amwenen.

2 Korin 1:10

Ehe, iri maha-an marakon doh anya kadi ahi kamak, arile Kindrei badeh, aseben ahi, ma ahi bamak bwe. Hamon ale, Kindrei kameh aseben ahi ta iri maha-an doh winiyan badi ahi bamak bwe. Ahi atehei budon tahi handru in ta Kindrei ta iri lakou doh.

La-ukei ta Pol atorou ili tiri lau badu kon Rom 8:21

Iri lakou mari doh atondrok le len Kindrei ndrasaniy ta amekes kandriyen ta imek ma abola kano. Na len doh amwenen iri lakou mari Kindrei mesekei kameh ado mwasin hawe iri nadu Kindrei, ma iri mara-ei kameh asahan i randrah labai. Iri kameh winiyan bamak ma babola bwe, ma Kindrei kameh edeu nyosowan solo-an solo-an i tiri.

Galesiya 4:21

Jo anya katiye taha, ta are lau oro anya ka-en hamon ta batanau malen tahi lau badu Isra-el: Aha banuhun batanau malen tiye i buku sah bwe le?

Hiburu 2:16

Handru labai, Jises mene bamekes gok doh ta aseben iri angelo bwe, iy amekes gok doh ta aseben lundriye Abraham iri.