Hiburu 2:11 - Nyindrou

¹¹ Taha tanan, Jises amekes iri lau mwan ma badih asahan lau ta Kindrei, ma iri lau nane iy ndrabwidi, iri a ndrabun. Iri marakon doh badeh, tama oro ari le, ma Jises eme aloh oro, nadu tinen, ma bwilin bama ta aloh oro bwe.

Hiburu 2:11 Referans Kwoze

Hiburu 10:14

Ta salom tan ari le, iri lau Kindrei aloh iri ndra tan, iy eme ndrasikinei kandriyen ndra-in tiri marakon ndra-au, ma iy ndrabwidi iri ndrasahan mwasin labai ta are le buku doh.

Hiburu 10:10

Taha ndrasahan ndra buku iri lau ndrabun, tasah Krais anuhun Kindrei, ma iy atehei badan amwenen i nyara salom san rasan le ma kabwe.

Tarou ta Jon 20:17

Jises anya, “Minem same badak o! Tasah, jo bala loken hawe tama bwe le. Arile ou ala tiye oro lau tek, ou tiye toro, ‘Jo kameh ilih loken hawe tama, iy tama ado. Jo ili hawe Kindrei tek ma Kindrei tado ale.’ ”

Hiburu 13:12

Jises ale akohok sisi-in tinan labai udu manan loboho madasan ta kon tinan, bado bolo kon amwenen bwe. Iy amekes i buku doh, ta amekes iri lau marakon asahan ndrabun, ma ndrayen amou ta akunoh taha ame hamon ja.

La-ukei ta Pol atorou ili tiri lau badu kon Rom 8:29

Ta katin doh, oro are lau le Kindrei ndratanan bwena mene, iy ale ndralebelei oro ndrare len ta iri kameh kakohok kone nadun ma hawe kandriyen tan le amwenen. Ya idah kameh, nadun asahan i tuluton tataha, ma taha asahan somwendreu tan.

Tarou ta Jon 17:19

Jo anya kaseben oro, eme ma jo atehei jo mara-ei ewek tam, ta oro katehei oro mara-ei kewek tam, ma ta oro kameh asahan oro lau tam handru.

Tarou ta Jon 17:21

Jo asolom ta oro kala le ari. Tama, oro kare hawe talu, i buku le ou ado hawek, ma jo udu hawem. Oro kasahan ari le, ta iri lau badu kon munyak kameh anyolom ma atehei budon tiri ewek tam, ta ou suni jo eme.

Metiu 25:40

“Ya kabin kameh asumon i buku doh, ‘Handru, jo tiye tado, buku none ou ndrabwidiy ndrala ta ari nadu tinek laleyah kede-eh, ou ndrabwidiy ndrame tek.’

Hiburu 2:14

Oro nah nane Jises asehek doh, oro lau mwan ma badih. Eme Jises asahan ndramak awas ma konen i buku le oro, iy kameh winiyan imek, ma iri kandriyen doh kameh winiyan sulumwi boto-on ta balik nane, amekes iri lau amak.

Galesiya 4:4

Eme na len ta aliy amwenen asahan, Kindrei suni nadun amwenen eme. Iy asahan eme len ta badih awas eme udu baha kandriyen ma batanau malen tiri lau badu Juwis.

Aposel 17:26

Iy bwidi lau mari asahan badeh, in hamon ta ndramak ari le, ma iy weleyani iri lau mari manyah ado kon rakon rakon udu bolo kon munyak. Ma iy le amwenen sani len ta kon iri manyah ado aliy, ma iy atehei iri kobek ta aliy.

Hiburu 11:16

Arile, koha iri ndrapwe ta ala kon mwasin labai ja udu kandrah. Ta idoh le, Kindrei bwilin bama ta iri aloh iy Kindrei tiri bwe. Tasah, iy ndranyuri kon tinan labai ta iri ala ado aliy.

Tarou ta Mak 8:38

Ou are lau bwilim ama jo ma ta sahou tek udu bolo lau rebesem dah ta maliye Kindrei ma lomondra ndra-in, Nadu Ndramak Awas kameh bwilin ama ou ale, i buku none len hamon kameh, iy eme ma hawe lomada taman hawe iri angelo, lau ndrabun badu loken.”

Metiu 28:10

Jises tiye turu, “Ah sanoh, ndri-iy, ah kala katiye ta nadu tinek oro kala Galili, ya oro katou jo kameh in doh.”

Aposel 17:28

Ma, na iy le badeh, taha ado mulin ma adek ala doh, ala doh ma to asahan awas dah. I le buku none lau ta asehek kundruh tado ndrasehek ndra-au anya, ‘Taha badeh, nadun labai.’

Tarou ta Luk 9:26

Ou are lau bwilim ama jo ma ta sahou tek, Nadu Ndramak Awas kameh bwilin ama tan ale, i buku none len hamon kameh, iy eme ma lomadan tan, hawe lomadan ta taman, ma hawe lomadan tiri angelo, lau ndrabun badu loken.

Tarou ta Mak 3:34

Iy anyolom ili eme i toro lau nane manyah dah, eme ma iy tiye, “Jo asehek tado, tine ma nadu tine oro handru, asah ado mari manyah kede-eh!

Hiburu 3:1

Ado nadu tine i san ta Jises, Kindrei udu kandrah kodo-oh iy aloh ado ale. Ado kabudon kamwenen kili le ta Jises, Kindrei tiye iy eme ta asahan aposel ma tinan tiri pris. Taha ale atehei budon in tan, ma asehek nyaran ili ta lau marakon.