Hiburu 13:9 - Nyindrou

⁹ Eme ma aha satehei aha sala bolo iri sahou solo-an, eme ta ariu budon taha, ma aha mani san mwasin ta Kindrei. Kindrei amekes kandriyen mwasin labai eme tataha, ma idoh amekes taha abadok ta a-en hamon tan. Buku taha a-en hamon ta iri batanau ta beleben nyamon solo-an labai, idoh baseben taha ta a-en hamon ta Kindrei bwe. Tasah kandriyen doh, baseben iri lau bwena mene ba-en hamon ta aliy bwe le.

Hiburu 13:9 Referans Kwoze

Epesus 4:14

Buku taha asahan i buku doh, badeh, taha winiyan bado buku nadu nah bwisik ja, ta budon taha ateu bwe. Ma iri sahou wasai marakon tiri lau ta tamar winiyan batoroyani budon tataha bwe, ma taha winiyan asahan buku ndron udu bolo bayau. Ma idoh ale winiyan baruwi taha buku jor aluhi ndron bwe, ma taha winiyan bateheh laleyah bwe, ma mani budon handru.

Epesus 5:6

Aha katondrok aha kamwenen. Kora-on aha ka-en hamon ta sahou wasai tiri lau anya kariu aha ta a-en hamon tiri kandriyen ndra-in doh, jo mene ndrasehek ta aliy. Tasah, ndrine Kindrei irih tiri mwan ma badih nane tebelese sahou tan, ma a-en hamon tiri kandriyen ndra-in buku doh.

La-ukei ta Pol atorou ili tiri lau badu kon Rom 14:6

Are lau oro abudon ma aleben anya, “Len rayah badeh, ndrabun ta len rayah” badeh, oro amekes ta atudun Laban; ya are oro ta kaniya nyamon mari badeh, oro amekes ta atudun Laban ale, tasah iy edeu wurah i ta Kindrei ta nyamon nane doh. Ma hawe are lau oro beleben ta baimon nyamon rayah bwe badeh, amekes ta atudun Laban hawe adeu wurah i ta Kindrei i le buku oro ale.

1 Jon 4:1

Wurah lomada aha kawas tek ta Kindrei, iri propet solo-an ta wasai ndradek bolo kon munyak, aha satehei budon taha boto-on sala ta sahou tiri mari aha anuhun, ndri-iy labai. Lau solo-an kameh anya, “Kindrei atehei sahou tan eme tek ta asehek ewek taha.” Arile, aha kanyolom ma kanuhun sahou kamwenen, kora-on sahou doh ta Kindrei bwe, ya iy sawendreyani aha.

Aposel 20:30

Ma na len eme kameh, lau rayah badu bolo ado badeh, kameh tebeya wasai ta aliu iri mwan ma badih ame len ta budon handru, ma ta iri ka-en hamon toro.

La-ukei atorou Jut 1:12

Len mari ado atukum, ya amekes kandriyen ta leheya buku, ndrine ado udu mwasin, ya ado sekesek, hawe ado aso-ok iri mwan ma badih ta Kindrei. Arile, iri lau ta tebelese nane doh banoh ma bwili iri bama bwe, iri abudon le iri amwenen, i buku ndramak ndra-in ta atondrok sipsip abudon iy le amwenen. Iri badeh, buku jor oloh asi kandrah iu, ta ur winiyan bandruk bame andri bwe. Iri ale badeh, a buku kei ari la-un bwe, iri sudiy ma kandron, iy asara ma winiyan bato-ou salin bwe.

1 Timoti 6:20

Eme ya Timoti, ou tawi lahou udu kanim badeh, kamwenen labai. Ma ou teleya ou, ta tanan ta wasai ala iri aloh anya, “Tanan handru.” Arile bwe. Badeh bamwenen ta sahou ta kindrei bwe, badeh.

La-ukei atorou Jut 1:3

Wurah lomada ado kawas tek, jo ndrabwetenei ta atorou la-ukei ewek, ta tiye nyala aha ta gok, Kindrei mene amekes ta akohok taha mari. Arile, nadah ja badeh, jo abudon ta atorou sahou randra ja ewek taha i buku doh: Aha kabadok ta aseben ma atondrok iri budon handru, Kindrei mene ndratehei ndrame tataha lau tan. San rasan le, Kindrei mene atehei budon doh, eme tataha mwan ma badih tan.

2 Tesalonaika 2:17

Eme ma, aso asolom, ta iy katadau ndrine aha hawe koha aha kabadok, ma kaseben aha ta amekes iri kandriyen mwasin, ma asehek sahou mwasin.

Metiu 24:24

Tasah, idah kameh, krais ta wendreya ma hawe propet ta wendreya kameh asahan. Ya iri kameh amekes iri lahou tinan ma kalem ta wendreya iri lau, ma iri ale anya kanone iri lau ala budon ta Kindrei udu tiri kataku.

Metiu 24:4

Jises asumon oro i buku doh, “Ado kanyolom kamwenen, ya ari ndramak sawendreyani ado, ndri-iy.

Kolosi 2:4

Jo amekes sahou dah, tasah jo baso-ok ta lau rayah kameh wendreya aha ta iri sahou ta atamar ma aha kameh winiyan ba-en hamon ta sahou rayah ta Kindrei bwe.

2 Korin 1:21

Kindrei leheya ahi i buku doh: Ahi hawe aha Korin, taha marakon badeh, Kindrei bwidi taha winiyan ales boto-on hawe Krais. Ma ale, Kindrei mene atehei ahi ta amekes gok aposel dah.

1 Korin 8:8

Arile nyamon le winiya batiyani taha bala mirihik ta Kindrei bwe. Buku taha baimon nyamon bwe, idoh winiyan bamekes taha asahan ndraka-an ta madan, bwe. Ya, buku taha aimon nyamon, idoh ale winiyan bamekes taha asahan mwasin ta madan bwe le.

La-ukei ta Pol atorou ili tiri lau badu kon Rom 14:17

Tasah, tondrok ta Kindrei badeh, bala buku none kandriyen ta aimon nyamon ma a-un gwa mari, ma hawe bala buku none kandriyen ta beleben, bwe. Arile, lakou laba tinan ta tondrok ta Kindrei badeh, ndra kandriyen mwasin le, ma kandriyen ta mondrei le, ma hawe kandriyen ta sekesek le i san ta Malawin Ndrabun.

La-ukei ta Pol atorou ili tiri lau badu kon Rom 14:2

Ndramak ari badeh, budon tan abadok, ma eme winiyan mesekei iy aimon nyamon mari. Arile, ndramak ari ja badeh, budon tan babadok bwe ma eme, mesekei iy aimon le nyamon badu bilin.

Aposel 20:32

“Ya eme ta sendrehendreh ta aliy, na dah jo edeu ado ala baha tondrok ta Kindrei, ma jo aseken ado abudon sahou ta nyala tikisiy tan. Ya sahou doh kameh winiyan mesekei ado abadok, ma winiyan amekes kandriyen tado ki mwasin winiya ado akohok manyah mwasin, Kindrei ndralebelei ndra ta lau tan.

2 Tesalonaika 2:2

Mani aha satur laleyah ta sahou rayah, aha anuhun ta Laban Jises, anya iy mene ndrame hamon. Arile, bwe! Kahis. Sebwe malawin ari ta wendreya le atehei sahou doh ndrala ta ari ndramak. O, sebwe ari ndramak asehek na le budon tan amwenen, nadeh. O, sebwe iri rayah anya, aso badeh, atorou la-ukei i buku doh ili tiri. Bwe labai. Buku aha ndranuhun sahou solo-an doh, aha sabudon solo-an ta aliy. Tasah, sahou doh wendreya.

1 Korin 6:13

Lau rayah asehek i buku doh, “Nyamon badeh, ta ndrine taha le. Ya ndrine taha badeh, ta akohok nyamon le.” Sahou marakon doh handru, arile Kindrei kameh andrei iri nyamon hawe bada taha iu. Eme ma, aha sakeh bada aha sala ta kandriyen ta karei. Tasah, Laban badeh, atondrok bada taha, ma taha badeh, kalowosa bada taha kamwenen ta amekes gok tan.

Galesiya 6:1

Aha nadu tine mwan ma badih, ki buku none aha ari kamekes kandriyen ndra-in, aha are an hamon ta Malawin Ndrabun badeh, kaleheya iy kasahan ta budon mwasin i san ta manamun; arile, bale aha ale ki-in taha, kora-on aha kataku ja.

Tarou ta Luk 5:38

Arile, waen ha-un badeh, ki bolo ku-i me ale ma bweseken kahis le.”