Hiburu 13:7 - Nyindrou

⁷ Aha samani iri lau ta Kindrei nane a-en mwena taha, iri mene leheya aha ta sahou ta Kindrei. Aha kabudon saba kandriyen asahan ta manyah ma tekedek tiri, ma aha katehei budon taha ki buku le iri.

Hiburu 13:7 Referans Kwoze

Hiburu 13:17

Aha kanuhun boho iri lau ta Kindrei nane a-en bwena taha, aha ka-en hamon ta saba lakou iri aso-ok aha kamekes. Tasah, iri atondrok aha, ano iri kameh asehek ili ta Kindrei ta tondrok tiri i buku sah. Eme ma aha kanuhun sahou tiri. Buku aha amekes i buku doh, iri kameh winiyan sekesek ta ateu gok tiri, ma iri winiyan batona maha-an ta aliy bwe. Ya, buku iri basekesek ta atondrok aha bwe, idoh kameh winiyan basebenei aha bamwenen bwe.

Pilipai 3:17

Eme ya ado nadu tine badu hawek i san ta budon handru, ado ka-en le hamon ta kandriyen tek, ma ado ale ka-en hamon ta kandriyen toro lau mene na len aso ado hawe ado.

Hiburu 6:12

Ahi baso-ok aha asahan gwaman bwe, arile ahi aso-ok aha ka buku le iri lau atehei budon tiri in tan, ma atondrok iy. Iy are lau iy amekes i buku doh, iy kameh akohok lakou Kindrei ndratandrakan ta aliy.

1 Tesalonaika 1:6

Aha badeh, a-en hamon le ta kandriyen taso, ma ta kandriyen ta Laban ale. Lakou i buku doh: Udu bolo len aha anuhun sahou ta Kindrei, ma aha a-en hamon ta aliy, iri lau amekes ndra-in ewek taha, ma maha-an solo-an asahan taha. Arile, ndrine aha baden ta aliy bwe. Eme ma, Malawin Ndrabun suruni aha, ma bwidi aha sekesek.

Aposel 14:23

Ano Pol uru Banabas atehei lau mwasin kasahan batun ta atondrok iri lau ta Kindrei badu kon rakon rakon. Eme iri abeles iri ta aimon nyamon, ma amekes salom i toro ma atehei oro a mine Laban ta lahou iri atehei i kani oro ta amekes.

Metiu 24:45

“Are lau iy mwasin ta gok, ma iy budon mwasin? Iy don adeh, tinan tan ndratehei tondrok tiri lau tan ra-on ja ndra-en bahandran ta adeu niri nyamon na len ari ari, iy le tanan.

1 Timoti 3:5

I buku none are lau winiyan batondrok udun ma nadun bwe, iy winiyan batondrokei lau ta Kindrei bwe le.

Hiburu 13:24

Aha katiye sekesek taru ma la-uh kili tiri lau ta Kindrei a-en mwena taha, ma hawe iri lau mwan ma badih marakon ta Kindrei. Iri lau badu kon munyak tinan Itali tiye sekesek tiri ewek taha ale.

1 Tesalonaika 2:13

Aso winiyan bamunyau ta adeu wurah ili ta Kindrei bwe. Tasah, ma bwena mene aha anuhun sahou ta Kindrei aso asehek ewek taha, ma aha a-en hamon ta aliy. Aha babudon anya, idah sahou ta lau le, bwe! Aha ndrandrei, buku sahou handru ta Kindrei, ma aha a-en hamon ta aliy. Ma sahou doh abadok ta amekes manyah ma budon taha mwan ma badih kudu mwasin ta madan.

1 Korin 4:16

Ma, jo aso-ok aha kanyolom kandriyen tek, ma aha ka-en hamon ta aliy.

La-ukei ta Pol atorou ili tiri lau badu kon Rom 10:17

Eme ma, taha tanan, taha anuhun sahou ta Kindrei, ya sahou tan badeh, tiyani budon tataha handru asahan. Ma sahou asehek doh badeh, sahou ta nyala Krais.

Aposel 4:31

Oro asolom ano, kon nane oro atukum are aliy dah, totoreh. Ma eme oro mari badeh, adah na boto-on ta Malawin Ndrabun ma oro abadok ta asehek sahou ta Kindrei.

Rebelesen 6:9

Ano ja badeh, jo anyolom Nadu Sipsip ta Kindrei asoh tobwe ari ja iu, idoh i buku limeh ai, nane tobo-ei buk. Eme ma jo atou malawi iri lau mwasin rayah ndramak bwena ndra-au badeh, are bahandra mada koto-ok ta Kindrei. Malawi iri mwan ma badih doh, iri mwena mene ateu sahou ta Kindrei boto-on labai, ma atiye sahou ta budon handru doh, eme ma iri lau adai iri amak.

Rebelesen 20:4

Ano ja, jo anyolom koyeu rayah buku tiri kabin, ma iri lau manyah ado aliy. Kindrei ndratehei gok ili tiri ta tunuhun sahou tiri lau. Jo ale anyolom malawi iri lau ndramak bwena. Iri lau mene ndrasani bale iri ma ndradai iri ndramak, tasah iri atiye sahou handru ta Jises mene asehek, ma hawe sahou ta Kindrei. Iri badeh, batehei bwili ndru-u iri bala andri bwe, ma batudun nyabwe munyak hawe malawin bwe. Iri ale bakohok kalem bado bwili iri ma mine iri bwe. Eme ma koha iri mwasin asahan eme hamon ja, ma iri asahan i buku iri kabin ta atondrok kon hawe Krais, udu gwek winiya le jaha ma rawa (1,000) ano.

Rebelesen 1:9

Jo Jon, jo nadu tine aha lau ta Jises. Jo badu hawe aha ta bwese maha-an ma akohok sisi-in, jo udu bilisiu ta Kindrei hawe aha. Ma taha mara-ei ales are le se atadau taha ta bwese maha-an. Jo mene atiye sahou ta Kindrei, ma jo asehek ta jo amwenen badeh, atehei budon tek mara-ei in ta sahou handru ta nyala Jises. Eme ma iri lau tinan badu Rom badeh, tikahei jo, ma atehei jo ili bolo kou udu busu ari, iri aloh Patmos.

2 Tesalonaika 3:9

Aso badeh, winiyan ndremenya aha ta aseben aso, arile aso abo gok ta aseben aso le, ta aha kanyolom ma ka-en hamon ta aliy.

1 Korin 11:1

Aha kanyolom tekedek ma kandriyen tek, ma aha ka-en hamon ta aliy, tasah jo in hamon ta kandriyen ta Krais.

Tarou ta Luk 12:42

Eme Jises tiye i hamon ja anya, “Are lau iy mwasin ta gok, ma iy budon mwasin? Iy don adeh, tinan tan kameh atehei iy ta atondrok iri lau tan ra-on ja an bahandran ta adeu niri nyamon na len ari, ari, iy le tanan.

Tarou ta Luk 8:11

Ano Jises tiye, “Sali sahou sokek asah i buku doh: Buwa wit badeh, moson i buku sahou ta Kindrei.

2 Tesalonaika 3:7

Tasah, aha ndratanan, aha badeh, ka-en hamon ta kandriyen taso. Bwena mene, aso are hawe aha, aso bamanyah laleyah bwe!

1 Korin 10:13

Buku iri none asahan taha, aha winiya atanan, idoh mene ndrasahan tiri mwan ma badih rayah. Arile, Kindrei badeh, in hamon tiri batanau tan, ma iy winiya balelei ari none ta atisih boto-on taha bwe-en. Buku iri none asahan taha, Kindrei kameh amekes san ta aseben aha. San i buku doh: Iy kameh atadau aha abadok, ma aha winiya ales boto-on ta tawiya none doh.

Aposel 13:46

Arile, Pol uru Banabas asehek sahou nyarahan labai i tiri anya, “Aru badeh, kasehek sahou ta Kindrei ki taha Juwis bwena op. Arile, aha badeh, baseken bwe, ma sahou taha badeh, leheya i buku, aha kameh winiyan bakohok manyah mwasin ta Kindrei ta udu le buku doh bwai. Eme ma aru kameh ruwani aha kon dah areu, ya, aru kameh ala aseben iri lau badu kon leheleh ai.

Tarou ta Luk 5:1

Ano na len ari ja, Jises badeh, ales udu babi ta gwa li ari aloh Genesaret. Ya iri lau badeh, awudi iy, kon aso, ta anya kanuhun sahou ta Kindrei.

1 Pita 4:11

Buku none ari ndramak ndrakohok ndramas ta Kindrei ta tiye sahou i ta lau, iy badeh, kasehek sahou ki ta lau, bwilin sama ndri-iy, tasah iy badeh, asehek buku le boho Kindrei. Buku none ari ndramak ibo gok ta aseben ndramak ari ja, mwasin, iy kibo gok ma boto-on na boto-on ta Kindrei ndratehei ndra tan. Buku none aha amekes i buku doh, iri lau kameh anyolom iri kandriyen mwasin asahan, ma iri kameh adeu nyaran tinan i ta Kindrei ta lakou mari Krais ndramesekei. Ma iy kameh akohok nyaran tinan, ma iy kameh atondrok lakou mari ereu le buku doh. Handru.