Hiburu 13:6 - Nyindrou

⁶ Eme ma, taha winiyan amekes budon tataha abadok, ma amekes i buku le ta sahou udu bolo buk ndrabun asehek, “Laban kede-eh iy aseben jo. Jo winiyan banoh bwe. Iri lau kameh winiyan bamekes kandriyen ndra-in bame tek bwe, ma iri winiyan babwidi jo bamani seben ta Kindrei bwe.” Wari 118:6-7

Hiburu 13:6 Referans Kwoze

La-ukei ta Pol atorou ili tiri lau badu kon Rom 8:31

Ya abo, taha katiye sasah ki tiri lakou mari Kindrei amekes doh? Ki buku none iy badu hawe taha ma aseben taha, idah kameh, are lau katikahei taha ai? Winiyan bwe!

Hiburu 4:16

Taha sanoh ta ala mirihik ta koyeu ta Kindrei, iy ndrinen mwasin ma iy ta tikisiy. Iy winiyan aseben taha, buku maha-an tataha tinan labai, ndrinen mwasin ma tikisiy tan kameh winiyan sebenei taha.

Metiu 10:28

Ado sanoh tiri lau ale winiyan idi bada ado na dah, arile iri winiyan badai malawi ado bwe. Arile ado kanoh labai ta Kindrei, tasah iy winiyan idi malawim ma badam udu bolo jih ale anya udu le buku doh.

Jenesis 15:1

Ano hamon ja badeh lele asahan ta Abram, eme iy anuhun Laban tiye i tan, “Abram, ou sanoh! Jo kameh i turuk tam ma jo kameh edeu nyosowan tinan labai i tam.”

Epesus 3:12

Taha ndrahis hawe Krais na budon tataha. Jises badeh, san tataha ta ili asahan hawe Kindrei. Eme ma, taha winiyan banoh ta ame hawen bwe. Tasah, taha tanan iy kameh sekesek labai ta taha ame hawen.

Hiburu 10:19

Ado nadu tine, ndraye Jises le badeh, ndrasikinei iri kandriyen ndra-in tataha ndrano ndra-au, eme ma taha sanoh ta ala bolo asiu ndrok ndrabun, ndrabun labai ta Kindrei.