Hiburu 13:5 - Nyindrou

⁵ Mada taha salikis ta luk. Iri saba lakou nane taha ndrakohok ma tataha udu aliy badeh, ndra winiyan ai. Kindrei ndratandrakan, “Jo winiyan bamani aha bwe-en, ma jo winiyan bakahei aha bwe.” Dutoronomi 31:6

Hiburu 13:5 Referans Kwoze

Jenesis 28:15

Ou kameh heh a heh jo kameh udu hawem ma madak kameh udu tam ano jo le kameh, tiyaniy ou ame hamon ja ame munyak dah. Jo kameh winiyan bakahei ou bwe, winiyan le lakou jo mene tandrakan ou barasahan.”

Metiu 6:25

Jises asehek ili le i buku doh, “Idah jo katiye tado, ado sabwerei ta manyah tado, saba lakou kameh ado aimon, ma saba lakou kameh ado a-un, ma ta bada ado ale, saba lakou kameh ado kataliye. Sebwe koha ado sakalawi nyamon, ma bada ado sakalawi kalawi ado, neh?

Metiu 6:34

Ya ado sabudon ta len bi-i, tasah len bi-i badeh, tan lomondra ma lahou tan labai. Kora-on aha kandruni maha-an ta bi-i ja, iy kameh sakalawi lakou nane ou abudon boto-on labai ta aliy na len dah.”

Kolosi 3:5

Aha badeh, ndramak hawe Krais. Eme ma, aha winiyan ba-en hamon ta kandriyen ndra-in ja bwe. Aha badeh, kadai iri kandriyen mari badu kon munyak udu ndrine aha ki-iu. Jo asehek ta kandriyen buku: Kandriyen ta karei, ma kandriyen ta amadin hawe badih o mwan tasou, ma kandriyen ta kereyani ndrine ndramak ta amekes karei, ma kandriyen ta ndrakok. Idoh i buku aha atehei bwili ndru-u aha i andri ili ta kindrei, iri amekes na sukumada kei. Tasah, lakou badu kon munyak badeh, akohok kon ta Kindrei udu bolo koha aha ja.

Tarou ta Luk 3:14

Eme iri lau rayah ta bahun ndremenya iy ja, “Ya, aso ka buku sah bah?” Eme iy tiye i toro, “Ado kasekesek ta sihine ado le. Ya ado sawendreya ta satara luk ta ari ndramak, ma ado sandres ndramak laleyah ta sahou.”

2 Pita 2:14

Arile, mada iri badeh, ndra ta karei le, ma oro badeh, abuyeh iri badih tasou ta amadin iri, eme iri winiyan baruwaniy ta amekes bwe. Ya, i buku iri anyolom are lau bales handru ta budon tan i ta Kindrei bwe, idah kameh iri asehek sahou nyaman ta atamas oro ka-en hamon tiri. Eme i san le doh kameh, iri amekes oro asahan lau tiri. Ma iri ale badeh, leheya iri le ta tanan mwasin labai ta aliu luk hawe lakou badu mine iri lau. Eme iri lau ta leheya tanan ta wasai doh badeh, Kindrei ndratandrakan ta iri kameh winiyan basahan ari ndramak awas bwe, oro ta amak le au.

1 Timoti 3:3

Ya iy badeh, sasahan lolo-ou ta gwa boto-on, ma iy badeh, sala ndramak ta ndrine reh. Arile, iy badeh, ki ndramak ta udu le, ma iy badeh, ki ndramak ta amekes mondrei; ma iy sala ndramak ta aseken luk labai.

Epesus 5:5

Jo asehek amwenen ewek taha. Iri mwan o badih, a-en hamon ta kandriyen ta karei, o, a-en hamon ta kandriyen bolo-an, o, a-en hamon ta kandriyen ta madalakis (idoh i buku le kandriyen ta atudun iri kindrei ta wasai); iri mwan ma badih doh kameh, winiyan bame bolon hawe iri lau ta Krais, ma Kindrei kameh winiyan batondrok iri, bwe.

2 Pita 2:3

Ma iri lau ta leheya tanan ta wasai badeh, ta ndrakok, ya iri kameh wendreya ado ta kadeu luk i tiri ta oro leheya ado. Iri kameh asehek kundruh ta wasai na budon tiri le. Eme ndra bwena bwena ndra-au, Kindrei ndrasani len ta kadeu iri ka ta sahou, ma idah kameh, maha-an tiri ta lakou iri mesekei atondrok iri.

Epesus 5:3

Eme ma, kandriyen ta karei, ma lomondra ndra-in marakon, ma hawe kandriyen ta madalakis sasahan ndrokowa aha. Aha mwan ma badih ta Kindrei, kora-on aha kasihi san tiri mwan ma badih, korou sahou kewek taha amekes kandriyen i buku doh.

1 Korin 5:11

Kati sahou jo mene atorou ewek taha, i buku doh: Buku ari mwan o badih aha aloh iy nadu tine aha i san ta Jises, arile, iy ale ta amekes karei, o, iy ta madan alikis lakou, o, iy ta asolom sukumada kei, o, iy ta bobose, o, iy ta a-un gwa lolo-ou, o, iy ta bahana lakou ta ndramak ari ja, iri lau buku doh, aha sado hawe iri ma aha saimon nyamon hawe iri labai.

Tarou ta Luk 8:14

Ya buwa wit taku udu bolo malou bobodon badeh, i buku none oro lau doh, anuhun sahou ta Kindrei, arile oro ado badeh, abudon boto-on ta lakou solo-an badu kon munyak. Ya oro abudon boto-on labai ta atukum iri luk, ma hawe bale oro asin ta kandriyen badu bada oro tinan labai. Eme ma, oro badeh, buni ta budon bwe.

Tarou ta Mak 7:22

Ya i buku none kandriyen ta madalakis ta lakou ta ndramak, ya kandriyen ta ramwes, kandriyen ta wendreya l au, kandriyen ta aten lau, kandriyen ta atudun nyaram, ma hawe kandriyen ta nyaladan.

La-ukei atorou Jut 1:11

Mada iri katou! Tasah, sisi-in tinan labai kameh i bwele-e iri! Iri badeh, a-en hamon le ta kandriyen ta Ken, iri amekes kandriyen i buku le Balam mene amekes ta akohok le luk ta lau, ma aseben iri ta amekes kandriyen ndra-in. Iri ale, amekes bahun hawe Kindrei i buku le Kora mene amekes. Tasah, ta lakou mari doh kameh, oro mari kameh amak ano au.

1 Korin 6:10

ya iri lau ta bahana, iri lau mada iri alikis ta iri lakou tiri lau rayah ja, ya iri lau ale a-un gwa boto-on ta amekes batu iri ibo lolo-ou, ya iri lau ale ta bobose ma sondrokonya iri lau rayah ja, ya iri lau ale ta ariu lakou ta lau rayah ja. Iri lau marakon doh kameh winiya bala bolo tondrok ta Kindrei bwe.

La-ukei ta Pol atorou ili tiri lau badu kon Rom 1:29

Eme iri badeh, ndradah ta kandriyen ndra-in mari. Iri adah na kandriyen ta aseken lakou tiri rayah. Iri amekes budon ta amekes isi i tiri lau. Iri amekes madalakis i tiri lau, iri andra-i i la-u iri lau, ma adai iri lau amak. Iri sokolowa ta katehei budon tiri ki ta lakou handru bwe. Iri bahana sahou ndra-in asehek i tiri lau. Iri asehek sahou ta wasai tiri lau udu ndranye lau mari.

Jenesis 31:5

Eme iy tiye i turu, “Jo anyolom kandriyen ta tama ah amwekes eme tek bala buku none bwena mene bwe, arile Kindrei ta tama badeh udu hawek.

Metiu 6:19

Jises asehek ili le i buku doh, “Ado satukum tado iri lakou badu munyak, ndri-iy, tasah idah kameh iri amu-uk ma ndranyem kameh iniy ano iu, ma iri lau ta bahana kameh apwai asiu ma bene-ei iu.

2 Korin 4:9

Iri lau laleyah badeh, atikah ahi ta amekes ndra-in eme tahi, arile Kindrei baruwani ahi bwe. Iri a-um ahi, ma adeu kandriyen ndra-in solo-an eme tahi, arile ahi bamak bwe.

Jenesis 30:31

Eme iy lelen, “Jo katehei sasah tam?” Eme Jekop anya, “Ou sanyohan jo lakou. I buku none ou aseken tanan tek doh; jo badeh kameh atondrok katin haka tam ilih le: