Hiburu 13:22 - Nyindrou

²² Aha nadu kawas tek. Jo aso-ok aha kanuhun kamwenen ta iri sahou jo ndratorowenei ndrawek taha ta amekes budon taha kabadok. Tasah la-ukei nane jo atorou ndrawek taha se lawe-en bwe.

Hiburu 13:22 Referans Kwoze

1 Pita 5:12

Sailas badeh, iy nadu tine ari ai. Iy badeh, aseben jo ta atorou sahou tek in bolo la-ukei mo-on dah. Eme ma jo atehei ewek taha. In bolo la ukei dah, jo anya kaliu budon taha keme loken, ma jo asehek sahou handru ewek taha. Sahou jo atorou, hawe budon aha tawiy badeh, asahan ta tikisiy ta Kindrei nane, ma hawe kandriyen mwasin, iy amekes ewek taha. Eme ma, aha kales boto-on ta aliy.

Hiburu 3:1

Ado nadu tine i san ta Jises, Kindrei udu kandrah kodo-oh iy aloh ado ale. Ado kabudon kamwenen kili le ta Jises, Kindrei tiye iy eme ta asahan aposel ma tinan tiri pris. Taha ale atehei budon in tan, ma asehek nyaran ili ta lau marakon.

Galesiya 6:11

La-ukei dah mirihik ano ai. Aha ndranyolom tarou laba tinan jo atorou na minek amwenen aleu ewek taha. Jo aseken aha kanyolom ma kanuhun kamwenen sendrehendreh ta sahou batanau jo amwenen atorou ewek taha dah!

2 Korin 6:1

Ahi aposel badeh, abo gok hawe Kindrei, ma ahi tiye sahou boto-on ewek taha i buku doh, “Aha badeh, ndrakohok tikisiy ta Kindrei. Eme ma, kora-on aha karuwani laleyah.

2 Korin 5:20

Eme ma, ahi akohok boho Krais ma atiye sahou tan. Idoh, i buku Kindrei le amwenen aloh ili tiri lau na boho ahi. Ahi badeh, asehek sahou ta Krais amwenen ili tiri mwan ma badih, ma tiye tiri i buku doh: “Mwasin ta aha karuwani kandriyen ta bahun ma aha kasahan kawas ta Kindrei.”

Hiburu 4:11

Taha kabadok ta akohok amunyau doh. Kora-on ari mwan o badih in hamon ta kandriyen ta tebelese boho Kindrei, i buku le iri Isra-el bwena mene amekes, ma iri taku.

Hiburu 4:1

Tandrakan ta Kindrei ta atiye taha ala bolo kon ta amunyau udu aliy kahis. Eme ma taha kabudon kamwenen, kora-on Kindrei kanyolom ari tataha, iy winiyan bala bolo kon ta amunyau doh bwe.

Hiburu 2:1

Taha badeh, kanuhun kamwenen labai kili ta sahou handru, taha nane ndranuhun, ma taha samani sahou batanau doh labai.

2 Korin 10:1

Jo Pol, jo ndramak nane iri lau rayah taha asehek nyalak anya, “Pol kede-eh, iy inoh buku iy asehek sahou udu hawe taha, arile iy ja winiya banoh ta asehek sahou boto-on eme tataha ja bwe, buku iy iu ili len.” Ya, aha kanuhun! Krais badeh, batudun nyaran amwenen bwe, iy ta amekes le kandriyen mwasin. Eme ma, ta katin doh le, jo anya kandremenya aha:

Aposel 13:15

Udu hamon ta iri anuhun sahou aloh badu bolo batanau malen, hawe boho iri propet ano badeh, iri lau ta atondrok ndrahu atukum, suni sahou i turu anya, “Nadu tine ahi, i buku none ah sahou ta batanau ahi badeh, ah kasehek ai.”

Epesus 3:3

Sahou dah, ta lakou Kindrei amekes, bwena mene aton kahis, arile Kindrei le amwenen ndraleheyani ndrame tek, eme ma jo ndratorowenei sese ndrawek taha.

Hiburu 12:5

Buku sah? Sebwe aha ndramani sahou udu bolo buk ndrabun asehek, Kindrei badeh, aloh taha nadun amwenen: “Naduk, buku Laban amekes ari kandriyen ewek tam ta leheya ou, ou sabudon anya, idoh lakou ndra-in. Buku iy edeu maha-an ewek tam ta amekes ou amwenen, ya ndrinem sandra-i sala ta iri maha-an doh.

Hiburu 13:19

Jo aso-ok aha kasolom kili ta Kindrei, ta iy kaseben jo, eme ma, jo kameh winiyan ewek hamon suwi ta anyolom aha ja.