Hiburu 13:2 - Nyindrou

² Aha samaniy ta asumon iri lau badu kon leheleh ame bolo kon tam. Aha ndratanan, bwena mene iri lau rayah amekes i buku aliy, ma iri andrei iri angelo rayah ala asiu hawe iri, ma tondrokei iri. Arile, iri bala tanan ta angelo eme bwe, iri anya ndra ndramak awas le ai.

Hiburu 13:2 Referans Kwoze

Metiu 25:35

Tasah, bwena jo imek son, ou adeu nek nyamon, balek amar ou atehei wa-ik gwa, jo lau badu leheleh ou luhi jo ili asiu.

Jenesis 18:1

Ano na len, kon i nyarahan badeh Abraham eme manyah udu mada san ta asiu balei tan, eme ya Kindrei asahan hawen. Madan eme loke badeh iy anyolom lau taloh badeh ales.

La-ukei ta Pol atorou ili tiri lau badu kon Rom 12:13

Ou anyohan lakou ki toro lau ta Kindrei, i buku none oro andriliu ta lakou. Ma ou asumon iri lau badu heh, badu heh kawek asiu.

1 Pita 4:9

Ya, buku none iri lau ra-on ja ta Kindrei ame areu hawe aha, mwasin, aha katondrok iri kamwenen. Ndrine aha sandra-i ta amekes kandriyen mwasin i tiri.

Metiu 25:43

Jo lau badu leheleh ado baluhi jo bawek asiu bwe, jo kolau ta taliye bwe, ado badeu kolau bame tek ta taliye bwe, jo ibo sik ma jo in bolo kou ado bame banyolom jo bwe.’

Taitus 1:8

Arile, iy badeh, ki ndramak ta asumon lau mari kame asiu tan, ma aseken ta aseben lau. Ma iy badeh, ki ndramak ta budon ta amekes lakou kamwenen le. Ma iy ale ki ndramak ta amekes kandriyen mwasin i tiri lau ari ari. Ma hawe iy badeh, ki ndramak ta atehei iy mari i mine Kindrei, ma iy ki ndramak ta winiyan atondrok iy udu mwasin ta kandriyen ndra-in.

Metiu 25:40

“Ya kabin kameh asumon i buku doh, ‘Handru, jo tiye tado, buku none ou ndrabwidiy ndrala ta ari nadu tinek laleyah kede-eh, ou ndrabwidiy ndrame tek.’

1 Timoti 5:10

Ma iri badeh, nyara iri bandra-i bwe, hawe iri badeh, mene ta leheya nadu iri ta kandriyen mwasin. Ya eme mesekei iri lau badu leheleh badeh, adah asiu. Ma iri badeh, mene badih ta leheya kandriyen mwasin, i buku none lohowan sikine kati iri lau ta Kindrei. Ya ma iri ale badeh, aseben iri lau ado ta maha-an, ma iri atehei ndrine iri badeh, i ta kandriyen mwasin.

1 Timoti 3:2

Ndramak ta atondrok lau ta Kindrei, iy badeh ki ndramak, ari ndra-in badan bwe, ya iy badeh, kasoh badih ari le, iy badeh, ki ndramak ta budon mwasin; ma iy badeh ki ndramak ta atondrok badan kudu mwasin. Ma iy badeh, ki ndramak nyaran mwasin handru, ma lau kamasiye iy, ma iy badeh, ki ndramak ta asumon lau mari kame asiu, ma hawe iy badeh, ki ndramak ta tanan ta leheya;

La-ukei ta Pol atorou ili tiri lau badu kon Rom 16:23

Ma Gayus ale tiye sekesek tan ewek taha. Iy aloh ma atukum aso lau mara-ei ta Kindrei ala asiu tan, ma hawe iy atondrok aso. Ya Erastus ndramak ta atondrok luk ta kon tinan ma hawe nadu tine taha Kuwartus tiye sekesek turu ewek taha ale.

Aposel 16:15

Eme iy hawe lowan oro mara-ei badeh, alomwa oro, ya eme iy kuhi aso ala asiu tan. Ma eme iy tiye i taso ma indrek aso anya, “I buku none ado lomondra jo badih ta budon handru i ta Laban eh, ado kame kado asiu tek.”

Jenesis 19:1

Lot badeh manyah udu mada san ta i bolo kon na beyeh, eme badeh uru Angelo la-uh asahan hawen. Iy anyolom uru le badeh iy edek ili hawe uru ma akor ma bulin i andri bada munyak.

3 Jon 1:5

Wurah lomadam, kawas tek, ou badeh, amekes gok mwasin labai ta aseben iri nadu tine taha rayah na len iri adek san ma atiye sahou ta Laban. Ou tanam iri bamwenen bwe, arile ou amekes mwasin ili tiri.