Hiburu 13:13 - Nyindrou

¹³ Eme ma taha karuwani iri lau rayah nane anya ka-en hamon ta kandriyen ta salom tiri Juwis. Taha kamani iri, ma kame hawe Jises Krais. Idoh i buku taha ala are manan ale, ma taha kabwese bwilima i buku le iy bwese.

Hiburu 13:13 Referans Kwoze

Hiburu 11:26

Moses atehei budon tan i buku doh: Buku iy andrei bwilima ta nyara Mesaya, idoh le kameh udu bwele-en labai ja ta sowa iri lakou marakon badu Ijip. Tasah, iy abudon boto-on labai ta sihinen mwasin kameh Kindrei edeu, eme iy anya kales boto-on kudu le buku doh.

Aposel 5:41

Eme oro aposel ame len ta mada iri kansol ma sekesek tinan labai ta Kindrei badeh, ndranyulumwi oro badeh, mwasin labai ta bwese maha-an ta nyara Jises.

Tarou ta Luk 6:22

Ou are lau, iri lau amekes budon ndra-in i tam, ya iri bwale iri ou, hawe iri aluhe, ma hawe iri kaloh ou anya malawin ndra-in udu la-um badeh, ou sekesek, tasah ou badeh, an hamon ta Nadu Ndramak Awas!

Metiu 16:24

Eme Jises tiye toro lau tan i buku doh, “Buku none ari ndramak anya ki-in hamon tek, mwasin, iy kamani iri so-ok tan mari, ya iy kabwese-ei kei tondreh tan, ya iy ki-in hamon tek.

2 Korin 12:10

Eme ma, gok jo amekes dah badeh, ta Krais. Buku jo nyamuk bwe, maha-an solo-an akohok jo, iri lau anya kadi jo, mwasin jo kasekesek le ai. Ya, buku jo nyamuk bwe, na len le doh, boto-on ta Kindrei udu bwele-ek.

Metiu 5:11

“Sekesek handru ewek tado tasah, iri lau asehek sahou ta bobose ado ma iri adai ado ma iri asehek sahou ndra-in handru ta wasai ewek tado, tasah ado a-en hamon tek.

Hiburu 12:3

Taha katehei iri budon tataha marakon kili le ta Jises. Iy ales boto-on labai ta iri lau atehei kona iri i tan ta kandriyen ndra-in tiri. Eme ma, taha sawoyah ta asehek sahou ma taha satobwak.

1 Pita 4:4

Ya idah iri lau badu leheleh mani iri atur ta aha bamekes kandriyen ndra-in buku le iri ja bwe, ma iri asehek sahou ma amekes kandriyen ndra-in solo-an ewek taha.

Metiu 27:32

Oro adek au ala len, oro ndruni ndramak ari badu Sairini nyaran Saimon. Oro lau ta bahun andrekei iy bwese-ei kei tondreh ta Jises.

Tarou ta Luk 9:23

Ano iy tiye i toro mari: “Buku none ari ndramak anya ki-in hamon tek, mwasin, iy kamani so-ok tan mari, ya iy kabwese-ei kei tondreh tan na len mari. Ya iy ki-in hamon tek.

Hiburu 12:2

Taha katehei mada taha kili le ta Jises, i buku le ndramak sakaliye ta nyorei, madan badeh, anyolom ili le bwena tan. Iy le ari kati budon tataha ma bwena, ma hamon kameh iy bwidi kundruh ta iri budon tataha marakon ano, ma udu mwasin labai ja. Iy ndrabwese-ei bwilima ta iri tatahi iy ili bada kei tondreh, arile iy babudon ta aliy bwe, tasah iy tanan hamon kameh iy udu ta sekesek ta iri lakou marakon iy ndrabwidiy. Na idah iy ndramanyah udu bada koyeu loboho mine Kindrei salin.

Hiburu 12:4

Handru, aha amekes bahun ta kandriyen ndra-in iu, arile bahun aha amekes badeh, ndraye aha bamou bwe, ma aha bamak bala buku Krais imek bwe.