Hiburu 13:1 - Nyindrou

¹ Taha samani kandriyen ta aso-ok nadu tine taha iri rayah ja i san ta nyara Jises.

Hiburu 13:1 Referans Kwoze

1 Jon 4:20

Buku none are ndramak anya, iy aso-ok Kindrei handru, arile iy baso-ok nadu tinen ari ja bwe, ndramak doh badeh, iy lau ta wasai. Tasah, buku none iy baso-ok nadu tinen ari ja bwe, iy atou na le madan, ki buku sah handru iy kaso-ok Kindrei, ale iy batou na madan bwe.

1 Pita 3:8

Sahou tek anya kano kere dan ai. Arile, aha badeh, ndrokowa aha ma manyah taha kudu mwasin. Aha kaso-ok ndramak ari ja, buku none nadu tinem amwenen. Aha katikisi ndramak ari ja, ma aha karuwani iri kandriyen ta bar ndra-in.

1 Pita 1:22

Ya na idah, aha ndranuhun sahou handru nyala Krais, ma iy ndramani iri kandriyen ndra-in taha mari, ma aha ndrasahan lau ha-un. Ma iy ndramesekei aha ndraso-ok ndramak ari ja ta Kindrei. Aha badeh, kaso-ok ndramak ari ja na budon hawe ndrine aha handru na len mari.

2 Pita 1:7

Ma hawe i bwele-e kandriyen ta bolo manyah tado i buku lau handru ta Kindrei badeh, ado kanone boto-on tado ta amekes kandriyen ta tikisiy kudu ndrine ado, ki tiri lau ari ari, ma hawe i bwele-e kandriyen ta tikisiy kudu ndrine ado ki tiri lau ari ari badeh, ado kanone boto-on ta amekes kandriyen ta aseken iri lau mari.

1 Pita 2:17

Aha kabeleben iri lau mari, ma aha kaso-ok iri lau atehei budon tiri handru in ta Kindrei. Aha kanoh Kindrei, ma kabeleben iri kabin badu kon munyak ale.

Hiburu 10:24

Taha ale kabudon iri lau mwan ma badih rayah ta Kindrei, ma taha kasilah san mwasin ta aseben iri ta aso-ok iri rayah ja, ma ta amekes kandriyen mwasin ili tiri lau.

2 Tesalonaika 1:3

Aha nadu tine, len marakon badeh, aso adeu wurah ili ta Kindrei ta aha. Handru, kandriyen ta tiye wurah i ta Kindrei doh amwenen. Tasah, budon taha badeh, asahan boto-on labai. Ma ale, aha marakon badeh, aso-ok nadu tine aha mwan ma badih rayah labai ja. Ma kandriyen mwasin asahan a sola le ai, ere ndrokowa aha.

1 Pita 4:8

Bwele-e lakou mari badu munyak, aha katehei kandriyen ta aso-ok ndramak ari ja ta Kindrei kereu bwena. Tasah, kandriyen ta aso-ok ndramak ari ja badeh, tubuluhiy ma sakalawi kandriyen ndra-in mari, ma mesekei aha mani kandriyen ndra-in tiri.

Galesiya 5:22

Arile, Malawin Ndrabun badeh, edeu kandriyen ta tikisiy, kandriyen ta sekesek, kandriyen ta amekes mondrei, kandriyen ta bohon bwe, kandriyen ta aseben, kandriyen mwasin hawe kandriyen ta amekes lahou mwasin ta budon tan handru,

Galesiya 5:13

Ya, aha nadu tine, aha ndrasahan mwasin, tasah Kindrei ndraluhi aha ndrame len ta batanau malen tiri Juwis. Arile, aha salelei kandriyen mwasin doh samesekei aha sa-en hamon ta budon ta bada aha badu munyak. Arile, kandriyen ta tikisiy badeh, kamesekei aha kaseben aha ari, ari.

Rebelesen 2:4

‘Arile, jo tek sahou udu taha i buku doh: Ma bwena handru mene aha atehei budon taha badeh, eme le tek, ma aha aso-ok jo labai, arile nadah ja badeh, aha baso-ok jo bala buku bwena mene aha amekes ja bwe.

1 Jon 3:23

Iy batanau taha i buku doh: Taha katehei budon tataha handru ki-in ta nyara nadun Jises Krais, ma taha kaso-ok ndramak ari ja buku none iy ndrabatanau taha.

Galesiya 5:6

Ma, Krais badeh, aso-ok taha labai, eme ma taha aso-ok iy ma a-en hamon tan. I buku ari ndramak iy anya kisan ku-in, o bwe, idoh lakou laleyah. Lakou laba tinan badeh, i buku doh: Taha badeh, katehei budon tataha handru ki-in le ta Krais, tasah taha badeh, aso-ok iy tinan labai.

Tarou ta Jon 15:17

Eme ma jo kabatanau aha buku doh: Aha kaso-ok nadu tine aha iri ari ja.

Epesus 5:2

Kandriyen ta aso-ok iri mwan ma badih badeh, katondrok koha aha, buku iy mene atondrok koha Krais. Iy mene tikisi taha, ma iy atehei kohan amwenen eme ta aseben taha. Iy imek, ma atehei kohan ili ta Kindrei i nyara salom manahu buburen labai.

Epesus 4:3

Malawin Ndrabun aseben taha ado mwasin, ma lakou doh iy amekes, i buku malou tabuwi taha ahis are le se. Eme ma aha kabadok ta ateu lakou doh kihis.

Aposel 4:32

Eme iri lau ta Kindrei, budon tiri hawe ndrine iri i le ari. Iri mari badeh, bamekes ndrakok bala ta sanuw tiri bwe. Arile, iri mari badeh, anyohan lakou tiri, i tiri ari ari.

Aposel 2:1

Eme len ta Pentikos asahan badeh, oro mari atukum ame kon rasi le.