Hiburu 12:5 - Nyindrou

⁵ Buku sah? Sebwe aha ndramani sahou udu bolo buk ndrabun asehek, Kindrei badeh, aloh taha nadun amwenen: “Naduk, buku Laban amekes ari kandriyen ewek tam ta leheya ou, ou sabudon anya, idoh lakou ndra-in. Buku iy edeu maha-an ewek tam ta amekes ou amwenen, ya ndrinem sandra-i sala ta iri maha-an doh.

Hiburu 12:5 Referans Kwoze

Rebelesen 3:19

Jo ibolosen i tiri lau, ma asehek nyala kandriyen iri amekes, tasah jo badeh, aso-ok iri labai. Eme ma, aha katubuni ndrine aha, ma katehei budon taha kirih ta a-en hamon ta Kindrei.

1 Korin 11:32

Arile, i buku Laban edeu maha-an eme tataha, idoh ta aseben taha asahan nadun. Iy amekes i buku doh, ta taha sataku sala hawe iri lau badu kon munyak.

Jemis 1:12

Kindrei kameh winiyan nyosowani ou are lau, buku ou ales boto-on handru ta bwese iri maha-an. Ma iy kameh edeu kohan handru i ndramas i tiri ta udu le buku doh. Kindrei badeh, ndratandrakan ndrala tare lau nane atehei budon tiri mara-ei in tan ma aseken iy labai.

Hiburu 12:7

Handru, Kindrei badeh, aso-ok iri lakou ndra-in doh kasahan tataha, ta amekes taha kamwenen ma taha kado le. Tasah iy amekes kandriyen doh eme tataha i buku ndramak amekes ili ta nadun amwenen. Tama taha iri mwasin, len marakon badeh, iri batanau taha ta iri kandriyen ma lakou mwasin.

Tarou ta Luk 24:6

Ado ndramani sahou mene iy tiye tado udu Galili ja? Iy bado dah bwe; Iy ndramak ja!

Tarou ta Luk 24:8

Ano badeh, oro baralomondrani ai.

Galesiya 6:9

Eme ya, taha sawoyah ta amekes kandriyen mwasin; ya, i buku none taha baruwaniy bwe, badeh kameh, taha akohok ndramas ta aliy na len hamon. Idoh i buku ndramak ta bilin akohok sali nyamon ta lahou boto-on mene iy amekes.

1 Timoti 1:20

Eme udu bolo oro badeh, Himeneyus hawe Aleksandra. Jo ndratehei uru ndra mine tama balik Satan. Idoh kameh ki bale uru ya hamon badeh, uru samekes luhe ndra-in ja sala ta Kindrei.

Hiburu 13:22

Aha nadu kawas tek. Jo aso-ok aha kanuhun kamwenen ta iri sahou jo ndratorowenei ndrawek taha ta amekes budon taha kabadok. Tasah la-ukei nane jo atorou ndrawek taha se lawe-en bwe.