Hiburu 12:2 - Nyindrou

² Taha katehei mada taha kili le ta Jises, i buku le ndramak sakaliye ta nyorei, madan badeh, anyolom ili le bwena tan. Iy le ari kati budon tataha ma bwena, ma hamon kameh iy bwidi kundruh ta iri budon tataha marakon ano, ma udu mwasin labai ja. Iy ndrabwese-ei bwilima ta iri tatahi iy ili bada kei tondreh, arile iy babudon ta aliy bwe, tasah iy tanan hamon kameh iy udu ta sekesek ta iri lakou marakon iy ndrabwidiy. Na idah iy ndramanyah udu bada koyeu loboho mine Kindrei salin.

Hiburu 12:2 Referans Kwoze

1 Pita 3:18

Aha abudon Krais ale. Kandriyen tan mwasin handru, arile iy akohok andra-i ale. Ma iy badeh, ndramak, san rasan le ta kandriyen ndra-in tataha. Iy bamekes ari kandriyen ndra-in bwe, arile iy ili i buku saluwe taha ta kandriyen ndra-in tataha. Eme ma, iy anya kakohok taha kala hawe Kindrei. Iri adai iy, odan buku none taha dah, arile iy amak eme awas ja na Malawin Mwasin.

Hiburu 1:3

Nadun doh leheyani lomada sun tinan ta taman Kindrei, ma lomadan tinan labai eme tataha, ma konen mara-ei i buku le Kindrei amwenen. Sahou tan nyamun labai, ma tawi iri lakou marakon udu munyak ma kandrah. Iy ndrabwidi gok tan ndrano ta talou iri mwan ma badih ado ta kandriyen ndra-in, ame ta kandriyen mwasin. Ano iy ili manyah udu kandrah mine Kindrei salin, iy boto-on labai.

Epesus 5:2

Kandriyen ta aso-ok iri mwan ma badih badeh, katondrok koha aha, buku iy mene atondrok koha Krais. Iy mene tikisi taha, ma iy atehei kohan amwenen eme ta aseben taha. Iy imek, ma atehei kohan ili ta Kindrei i nyara salom manahu buburen labai.

Pilipai 1:6

Tasah, jo badeh, tanan i mwasin handru ta aliy, ta Kindrei mene mesekei lahou udu bolo ado, ma ado a lau tan, winiya le barano na len ta Krais Jises kameh eme hamon ja.

Hiburu 9:28

I buku le Krais amwenen atehei iy san rasan le i nyara salom ili ta Kindrei ta talou iri kandriyen ndra-in ta lau solo-an. Hamon kameh iy eme kon munyak ja. Arile, iy eme ta bwese ndra-in tataha ja bwe. Iy eme doh ta aseben ma ta akohok iri lau nane atondrok iy, ame hamon hawen.

Tarou ta Jon 6:40

Budon ta tama badeh, iy aso-ok lau marakon kanyolom kili le ta nadun, ma iri katehei budon tiri kili le ta nadun. Idah kameh koha iri winiyan bano bwe, ta udu le buku doh. Jo eme kameh mete-ei iri lau amak, ame loken ja na len hamon.”

1 Pita 3:22

Ya idah Krais ndrala loken ndrala bolo kandrah, iy ere loboho lim salin ta Kindrei. Ma Kindrei ndratehei nyaran ndra tinan, ma atehei boto-on i tan, ta iy atondrok iri angelo hawe iri lakou boto-on handru badu kandrah ma munyak. Iri lakou mari ja badeh, ereu bahandran ale.

Aposel 5:31

Kindrei eme tutuni iy ere loken udu loboho limen salin, ma iy asahan kabin ma ndramak ta seben. Ma iy badeh, leheya madasan ta ado winiyan tubuni ndrine ado, ma iy winiyan sikine karei ma lomondra ndra-in tiri Isra-el.

Tarou ta Luk 24:26

Idoh mwasin o? Ta Krais mene bwese maha-an doh, ya eme iy winiyan ili bolo lomadan tan.”

La-ukei atorou Jut 1:21

Kindrei aseken aha handru, ya aha katehei aha kado ndra mirihik ta so-ok tan, buku aha abe-en ta tikisiy ta Laban tataha Jises Krais atiye kohan handru ta udu le buku doh ewek taha.

Hiburu 8:1

Eme ta kati sahou nane dah, taha ndrasehek i buku doh: Tinan tiri pris tataha udu aliy, eme iy ndrala ndramanyah udu loboho limen salin ta koyeu ta kabin badu kandrah.

2 Timoti 4:8

Ya, ndramas ari udu aliy abe-en jo. Ndramas doh i buku barak ari ta kandriyen mwasin labai jo ndramekes ta bolo nyorei. Laban badeh, anuhun sahou ta lau amwenen labai, ma udu ta len ta sahou, iy kameh edeu barak doh eme tek, ma i tare lau ja nane atehei budon tiri in ta anyolom iy eme hamon ja.

Pilipai 3:20

Arile, kon tataha handru badeh, bado kon munyak dah bwe; kon tataha handru badeh, udu bolo kandrah. Ya eme taha abe-en ndramak ta aseben taha ta kandriyen ndra-in mene, ala Laban Jises Krais udu doh kameh eme.

Tarou ta Mak 14:36

Eme ma iy anya, “Tama, tama, lakou mari badeh, ou ndra winiyan le ai. Ou andrei bwiniu dah ki-iu ki len tek, arile idoh budon tek le, ou amekes saba lakou ou tanam mwasin.”

Rebelesen 2:8

Iy ndramak doh tiye jo ja i buku doh, “Ou atorou rayah sahou kili ta angelo ere bwena tiri lau ta Kindrei are kon Semena. Sahou i buku doh: ‘Jo ndra bwena, bwena labai, ma jo ndrobek handru. Jo mene imek, arile jo amak eme awas ja, ma jo udu kada-ah. Jo amwenen asehek sahou ewek taha dah:

Hiburu 13:13

Eme ma taha karuwani iri lau rayah nane anya ka-en hamon ta kandriyen ta salom tiri Juwis. Taha kamani iri, ma kame hawe Jises Krais. Idoh i buku taha ala are manan ale, ma taha kabwese bwilima i buku le iy bwese.

Hiburu 5:9

Ma idoh bwidi iy asahan ndramak handru ta in hamon ta sahou ta Kindrei. Eme ma iy asahan kati kandriyen handru ta aseben ma ta akohok are lau iy in hamon ta sahou tan, ta iri kameh are le buku doh.

Tarou ta Jon 13:3

Jises tanan taman badeh, ndratehei iri boto-on marakon ndrala bahandra tondrok tan, iy udu hawe Kindrei eme, ano iy kameh iu ili loken hawen ja.

Tarou ta Luk 17:5

Eme oro aposel tiye i ta Laban anya, “Ou mesekei budon handru taso ki tinan!”

Tarou ta Mak 9:24

Eme tama nah nane dah aloh, “Laban, jo badeh, budon tek sese le in tam, arile ou aseben jo ja ya budon tek handru ki tam.”

Hiburu 12:3

Taha katehei iri budon tataha marakon kili le ta Jises. Iy ales boto-on labai ta iri lau atehei kona iri i tan ta kandriyen ndra-in tiri. Eme ma, taha sawoyah ta asehek sahou ma taha satobwak.

Epesus 2:16

Ehe, Krais imek udu bada kei tondreh, ma ta gok doh, iy ndrasani kandriyen ta adai lau laleyah udu ndrokowa iri mwan ma badih badu Isra-el amwenen, ma iri mwan ma badih badu kon leheleh, kasahan rabuk le. Eme ma, iy ndradai kandriyen ta bahun laleyah ndra-au.

Aposel 5:41

Eme oro aposel ame len ta mada iri kansol ma sekesek tinan labai ta Kindrei badeh, ndranyulumwi oro badeh, mwasin labai ta bwese maha-an ta nyara Jises.

Tarou ta Jon 12:32

Na idah jo udu kon munyak, arile hamon kameh iri tutuni jo ere loken, ma jo kameh aruwi iri lau marakon ame le hawek.” (

1 Pita 1:11

Malawin Mwasin ta Krais badeh, udu bolo iri propet, ma Malawin Mwasin asehek sahou i boho iri, ta iri sisi-in solo-an labai kameh Krais bwese, ma ta iy kameh akohok nyaran tinan ale. Iri propet badeh, abo gok boto-on ma ndremenya i buku doh, “Saba len handru iy ndramak ta akohok taha, kameh eme hamon?” Ma, “Saba lakou handru kameh asahan na bolo len doh?”

Hiburu 10:14

Ta salom tan ari le, iri lau Kindrei aloh iri ndra tan, iy eme ndrasikinei kandriyen ndra-in tiri marakon ndra-au, ma iy ndrabwidi iri ndrasahan mwasin labai ta are le buku doh.

Tarou ta Jon 12:24

Jo tiye tado handru, i buku badu kalom ari bataku bala bwele-e munyak bwe, ma iy bamak bwe, badun ari le udu. Arile, i buku iy imek, idah kameh iy asahan ma iy ato-ou salin solo-an labai.

Tarou ta Jon 8:56

Tama aha Abraham ndrasekesek ndrandra-i labai, ta anyolom len tek nane dah. Iy anyolom ma iy sekesek tinan labai.”

Tarou ta Jon 1:29

Udu len ari ja, Jon anyolom Jises edek ales eme hawen, ma iy aloh, “Kede-eh Nadu Sipsip ta Kindrei, iy le adeh andrei taha ame len ta kandriyen ndra-in badu kon munyak.

Tarou ta Luk 23:11

Ano Herot hawe oro lau ta bahun tan bobose iy, ma atehei kolau moroyan i la-un, ma suni iy i hamon hawe Pailat ja.

Metiu 20:28

Idoh le Nadu Ndramak Awas eme ta iri lau kabo gok i tan bwe. Iy eme ta aseben iri, ma ta edeu kohan ta akunoh lau mari.”

Metiu 16:21

Kala doh Jises leheya oro lau tan anya iy ki-iu kili Jerusalem. Ya iy kameh akohok sisi-in solo-an labai ereu mine iri lau tinan areu bwena, ma hawe iri lau tinan tiri pris, hawe iri lau tanan ta sahou batanau. Ya iri kameh adai iy imek, ya len taloh ano iy kameh amak ja.

Rebelesen 1:17

Jo anyolom le iy badeh, ma jo taku ili bada katin, jo ndramak ndra buku bada kei. Iy atehei minen salin eme bwele-ek ma iy asehek sahou eme tek i buku doh, “Ou sanoh! Jo ma bwena labai, ma jo ndrobek handru!

Rebelesen 1:11

Ma iy asehek i buku doh, “Lakou mara-ei, ou anyolom, ou torowenei kili bolo buk, ano ou atehei kili tiri mwan ma badih ado kon ma ndro taloh udu bolo Esiya. Ou atehei ari, ari kili tiri kon mara-ei doh: Epesus, Semena, Pegamum, Tayataira, Sadis, Piladelpiya ma Leyodisiya.”

Hiburu 7:19

Iy babwidi ari lakou basahan bala mwasin bwe. Eme ma Kindrei sihi madasan rasan ja, idoh udu mwasin ja ta kandriyen malen. Taha atondrok madasan doh, eme ta madasan le doh, taha kameh winiyan ala mirihik ta Kindrei.

Hiburu 1:13

Kindrei winiyan basehek bala ta ari angelo tan bwe: “Ou ame manyah ado loboho minek salin, winiya jo le baratehei iri lau ta amekes budon ndra-in i tam barado bahandra katim.” Wari 110:1 Kindrei asehek sahou doh ili ta nadun amwenen.

Aposel 2:36

“Eme ya ado lau mari badu Isra-el ki tana ado kudu mwasin ta lakou doh: Kindrei badeh, ndrabwidi Jises, ado mene atahi iy i bada kei tondreh, iy ndrasahan Laban ma Krais.”

Tarou ta Mak 9:12

Eme iy tiye i toro anya, “Sahou badeh, handru. Alaija eme bwena handru ta lowosa iri lakou mari. Ya i buku sah handru ja sahou mene torowenei anya idah kameh Nadu Ndramak Awas kameh akohok sisi-in solo-an ma iri kameh bwale iri iy?

Rebelesen 1:8

Laban Kindrei, boto-on mara-ei udu tan, iy asehek i buku doh: “Jo ma mwena handru, ma jo in ndrobek mara-ei.” Na len dah iy udu hawe taha kada-ah, bwena handru labai iy udu aliy ale, ma hamon kameh iy eme hawe taha.

Hiburu 11:36

Oro rayah ja, iri bobose oro, ma a-um oro na malou sakabuk i bek. Ma oro rayah ja, iri bawei oro na sen, ano atehei oro ala bolo asiu lulik.

Hiburu 10:33

Len rayah mene iri atehei aha ales are alih tiri lau, ma iri lohani aha, ma iri adeu maha-an ewek taha. Ma len rayah ja, aha ales are kona iri lau, ta aseben iri ta bwese maha-an hawe iri, buku le mwena mene aha bwese.

Tarou ta Mak 16:19

Ya eme Laban Jises asehek sahou i toro ano, ma Kindrei andrei iy iu i loken bolo kandrah, ma iy ili manyah udu loboho mine Kindrei salin.

Aposel 3:15

Aha badeh, adai ndramak ta edeu kohan handru ta udu le buku doh. Arile, Kindrei le mete-ei iy ta imek eme loken. Eme aru badeh, anyolom na mada aru amwenen ma aru asehek nyala aha.

1 Korin 1:18

Iri sahou ta nyala Krais imek udu bada kei tondreh badeh, ari moson bwe, ta ndranye iri lau ndramai, ma bakohok seben tan bwe. Arile, ta taha lau ndrakohok seben ta Krais, sahou nane doh, boto-on ta Kindrei.

1 Korin 1:23

Arile ahi atiye iri sahou mwasin ta Krais badeh, iri tatahi iy ili bada kei tondreh. Sahou doh badeh, bokoro-ei budon tiri lau Juwis, ma iri atehei kona iri i tan. Ya, iri lau badu leheleh anya, sahou nane doh ta laleyah le.

Jemis 2:1

Aha nadu tine mwan ma badih tek amwenen, aha ndratehei budon taha ndra-en ta tinan tataha Laban Jises Krais. Iy Laban ta lakou mwasin mara-ei badu kandrah. Eme ma, kora-on aha kabo gok ta amekes kandriyen mwasin ili le tiri lau nyara iri tinan, ma aha atehei kona aha ili tiri mwan ma badih nyara iri bwe. Aha badeh, kamekes kandriyen mwasin randra le kili tiri mari.