Hiburu 12:13 - Nyindrou

¹³ Eme, “Aha kadek san monen.” Tanan 4:26 Ya, i buku ari ndramak iy badek bamwenen bwe, iy kameh edek amwenen ja.

Hiburu 12:13 Referans Kwoze

Galesiya 6:1

Aha nadu tine mwan ma badih, ki buku none aha ari kamekes kandriyen ndra-in, aha are an hamon ta Malawin Ndrabun badeh, kaleheya iy kasahan ta budon mwasin i san ta manamun; arile, bale aha ale ki-in taha, kora-on aha kataku ja.

Jemis 5:16

Eme ma, aha ari ari badeh, kasehek nyala kandriyen ndra-in taha nane ki tiri lau ta Kindrei ra-on ja. Ya aha kasolom kili ta Kindrei ta iy kamesekei aha kasahan kamwenen ja. Tasah, buku are mwan o badih, iy mwasin mara-ei ta mada Kindrei, ya salom tan nyamun labai, badeh kameh winiyan sebenei lau solo-an labai asahan mwasin.

Tarou ta Luk 3:5

Bolo sa-eu badeh, katurukiy kanyemes keme loke, ma hawe iri bwili ndrondro-ou hawe mandrei badeh, katiriy kanyemes keme andri, Ma san mwekele-eu badeh, kales le, Ma san totokon badeh, kanyemes le.

Galesiya 2:14

Eme, jo anyolom oro ba-en hamon ta sahou handru ta sahou mwasin bwe. Eme jo tiye i ndranye Pita udu mada iri lau mari i buku doh, “Ou badeh, Juwis labai, arile manyah tam ndra buku iri lau badu leheleh. Eme ya ou bala Juwis bwe. Arile na dah, ou barandresei iri lau badu leheleh barakohok kandriyen tiri Juwis barala buku sah handru?”

1 Pita 2:24

Krais mene ndrabwese-ei kandriyen ndra-in tataha mari ere bolo odan, kala iy mene sukik udu bada kei tondreh. Iy mesekei kandriyen doh ta sikinei taha ta kandriyen ndra-in tataha, ma mesekei taha asahan lau ha-un ja. Ma taha kamekes kandriyen buku Kindrei le aso-ok, tasah Krais ndramak ta kandriyen ndra-in tataha, ma mesekei taha ndrasahan ndramwenen ja.