Hiburu 11:9 - Nyindrou

⁹ Abraham atehei iri budon tan mara-ei handru, eme ma iy manyah i buku ndramak badu kon leheleh udu bolo kon ta tandrakan nane doh. Ndrahunen badeh, udu bolo balei, i buku le Aisik uru Jekop. Uru akohok tandrakan ta Kindrei i buku le Abraham le mene akohok.

Hiburu 11:9 Referans Kwoze

Jenesis 12:8

Ano badeh iy edek ili loboho kum kon mandrei solo-an udu loboho lan eme loken kon tinan nyaran Betel, ano iy tahi asiu balei udu loboho an i andri ndrokowa Betel hawe Ai, udu loboho an eme loken. Ano iy tutuni bek ma iy aloh nyara Laban.

Jenesis 13:18

Eme Abram ili tahi asiu udu mirihik ta kei ndrabun loboho Mamre udu Hibron, eme udu doh badeh iy tukumwi bek ta salom i ta Laban.

Hiburu 6:17

Bwena mene Kindrei amekes tandrakan ta iy kameh amekes mwasin eme tataha nadu tubu Abraham. Iy eme leheyani taha amwenen labai, ta iy winiyan batubuni budon tan bwe, eme ma iy tandrakan ili loken handru labai ta amekes sahou tan abadok ma ili handru.

Jenesis 18:9

Eme oro ndremenya iy, “Udum Sara ndraheh?” Eme iy anya eh, “Iy udu bolo asiu balei.”

Jenesis 13:3

Ano badeh iy udu doh edek i rakon rakon ili Betel. Eme iy asahan kon mene ndrokowa Betel hawe Ai kon mene iy udu aliy bwena.

Jenesis 35:27

Ano Jekop ili hawe Taman Aisik ili Mamre mirihik ta Kiriyat Arba, loboho mene Abraham uru Aisik manyah are aliy.

Jenesis 28:4

Hawe iy badeh katehei nyosowan ki ta lundriyem oro, i buku none iy atehei nyosowan i ta Abraham. Ma hawe ou andrei lakou mari badu munyak ou manyah ado aliy dah, lakou mene Kindrei atehei i ta Abraham.”

Jenesis 25:27

Uru ma la-uh badeh a tinan ma Iso badeh asahan ndramak ta mwi. Iy ndramak ta edek i lokei. Arile Jekop badeh ndramak bohon bwe, iy badu bolo iri asiu balei le.

Jenesis 23:4

“Jo badeh badu leheleh eme udu ndrokowa ado. Jo anya kisih sese munyak loboho dah eme ya jo ka-eh uduk ki aliy.”

Jenesis 18:6

Ano Abraham i bolo balei badeh asehek i ta Sara, “Suwi Ou andrei rayah palawa ma ou asun sabe jabi ramen.”

Jenesis 17:8

Ou badeh badu leheleh ta kon Kenan mari, jo kameh edeu i tam ma i ta lundriyem oro udu le buku doh ma jo kameh i Kindrei toro.”

Jenesis 36:7

Iy iu badeh, tasah munyak nane uru nadu tinen Jekop ado aliy doh nane winiya uru bwe; uru badeh turu katin haka solo-an labai.

Jenesis 47:9

Eme Jekop tiye, “Jaha tek ta jo edek le badeh asahan rinek tonoh (130). Ya udu bolo oro jaha doh badeh sola bwe, arile jo akohok maha solo-an, bala buku none jaha ta tubu oro mene solo-an bwe.”

Jenesis 21:34

Eme Abraham badeh manyah ili eme udu munyak ta Pilistin luluwen labai.

Jenesis 31:25

Jekop badeh tahi asiu balei tan badeh udu bolo mandrei Gileyat, amwenen le na len Leban oro lowan ala asos ma oro amadin doh ale.