Hiburu 11:8 - Nyindrou

⁸ Abraham atehei budon tan handru in ta Kindrei, eme ma bwidi iy anuhun boho Kindrei aloh iy ta ili kon ari nane doh, Kindrei ndratandrakan ta edeu ili tan. Iy ruwani kon tan amwenen, iy bala tanan saba kon handru kameh iy ili aliy bwe.

Hiburu 11:8 Referans Kwoze

1 Pita 1:22

Ya na idah, aha ndranuhun sahou handru nyala Krais, ma iy ndramani iri kandriyen ndra-in taha mari, ma aha ndrasahan lau ha-un. Ma iy ndramesekei aha ndraso-ok ndramak ari ja ta Kindrei. Aha badeh, kaso-ok ndramak ari ja na budon hawe ndrine aha handru na len mari.

Jenesis 22:18

Ya nyosowan ta lundriye nadum oro kameh ili la-u kon munyak mari, tasah na ou anuhun sahou tek.”

Jenesis 12:7

Eme Laban asahan hawe Abram ma iy tiye i tan i buku doh, “I dah kon munyak kameh jo edeu i ta lundriyem oro ai.” Ano Abram tukumwi bek i ta Laban mene asahan hawen.

La-ukei ta Pol atorou ili tiri lau badu kon Rom 10:16

Arile, iri lau solo-an badu Isra-el baseken sahou mwasin bwe, oro rayah le. Aisaya amwenen asehek i buku doh, “Laban, are lau handru atehei budon tan in ta sahou tam aso ndrasehek.” Aisaya 53:1

1 Pita 4:17

Ya, aha mari kasekesek ki ta Kindrei, buku none iri lau badu kon munyak amekes ndra-in, ma adeu sisi-in ewek taha. Tasah, len ta Kindrei ta anuhun sahou ndrame ai, ya buku none Kindrei anuhun sahou tiri lau tan mwasin bwena, Kindrei kameh amekes saba lakou handru ili tiri lau ale banuhun sahou mwasin ta Krais bwe? Iy kameh anuhun sahou tiri ano, iri kameh ala bolo jih.

Hiburu 11:33

Oro lau doh atehei budon toro handru in ta Kindrei. Eme ma, oro banoh ta ari bahun bwe, oro adi iri lau solo-an tiri kabin rayah ja amak, oro ale andrei lakou nane Kindrei tandrakan ta edeu i toro. Oro ale ndremenya Kindrei ta atondrok oro, eme ma oro tawi boho iri layon ta winiyan baimon oro bwe.

La-ukei ta Pol atorou ili tiri lau badu kon Rom 6:17

Arile, wurah ki ta Kindrei! Tasah, na len ndra-au aha asahan bonyo-ou ta karei ma lomondra ndra-in; arile ano ja, aha anuhun sahou handru na ndrinem mari udu bolo leheya aha akohok dah.

Jenesis 26:3

Ou ado munyak dah ado sese, jo kameh udu hawem ma jo kameh atehei nyosowan i tam. Jo kameh edeu tam hawe edeu ta lundriyem oro ta munyak dah ma jo kameh leheya tandrakan tek handru mene i ta tama Abraham.

Jenesis 17:8

Ou badeh badu leheleh ta kon Kenan mari, jo kameh edeu i tam ma i ta lundriyem oro udu le buku doh ma jo kameh i Kindrei toro.”

Jenesis 15:5

Eme Laban kuhi iy eme manan ma tiye, “Ou anyolom ki loke bada kandrah ya none ou ondrek ndrau se, ou kameh lundriyem oro kameh i solo-a ndrau don.”

1 Pita 3:1

Buku none le iri lau ta gok nane anuhun sahou tiri lau an bwena tiri, aha badih ndratasou, aha ka-en bahandra udu aha iri, ma aha kanuhun sahou tiri. Tasah, udu aha iri rayah badeh, ba-en hamon ta sahou ta Kindrei bwe. Mwasin, iri baranyolom aha udu iri badeh, bamekes sahou ta aliu budon tiri bwe. Iri anyolom aha amekes kandriyen mwasin le. Idoh kameh mesekei iri atehei budon tiri i ta sahou ta Kindrei, ma bwidi iri tubuni ndrine iri, ma iri ame an hamon ta Krais.

Hiburu 5:9

Ma idoh bwidi iy asahan ndramak handru ta in hamon ta sahou ta Kindrei. Eme ma iy asahan kati kandriyen handru ta aseben ma ta akohok are lau iy in hamon ta sahou tan, ta iri kameh are le buku doh.

2 Korin 10:5

Boto-on ta Kindrei le winiya sani sahou tebelese tiri lau anya kamekes, ma iri budon mara-ei nane turuki san tiri mwan ma badih anya katanan Kindrei. Ma na le boto-on ta Kindrei, badeh, kameh ahi winiyan ta aruwi budon tiri mwan ma badih nane amekes bahun i ta Kindrei, ma katubuni ndrine iri ka-en hamon ta budon ta Krais.

La-ukei ta Pol atorou ili tiri lau badu kon Rom 1:5

Na iy le badeh, Kindrei atehei lahou dah eme kani aso, ma iy atehei seben eme taso ale, eme ma aso asahan aposel i nyara Krais ta atiye sahou, hawe kaliu iri lau badu kon leheleh mari kanuhun sahou, ma katehei budon tiri handru ki ta Kindrei.

Jenesis 11:31

Tera kuhi nadun Abram hawe udun Sarai ma hawe nadu tubun Lot, iu ndrine Haran. Eme ma oro au ame len ta kon tinan Ur udu bolo Babilon ma au ala munyak Kenan. Eme oro ala asos Haran ma ado aliy ai.

Jenesis 12:5

Eme Abram andrei udun Sarai hawe Lot, nadu uru nadu tinen Haran, ma hawe lakou tan mari hawe iri lohowan tan. Iri mene ado Haran au ala munyak Kenan. Len oro asahan Kenan badeh

Jenesis 20:13

Eme Kindrei tiye jo eme len ta munyak, eme kon leheleh, eme badeh jo tiye i tan ta iy badeh kaleheya mwasin tan hawe seken tan udu tek handru ki tiri kon mari, ta jo badeh nadu tinen.”

Metiu 2:21

Eme ya Josep amak iy andrei iy nah dah ma hawe tinen oro au ala hamon ala munyak Isra-el.