Hiburu 11:7 - Nyindrou

⁷ Nowa atehei iri budon tan mara-ei ili le ta Kindrei, eme iy i tanan iri saba lakou iy banyolom bwena bwe kameh asahan hamon. Iy anuhun boho Kindrei, iy eme bwidi ndron ra-ei ta aseben iy, udun hawe nadun oro mara-ei ala bolon. Ta budon tan i ta Kindrei le badeh, iy atehei iri lau marakon badu kon munyak ala ta mada sahou, ma Kindrei aloh iy lau mwasin labai ta madan, tasah ta kandriyen tiri budon tan mara-ei ili le Kindrei.

Hiburu 11:7 Referans Kwoze

Jenesis 6:13

Eme Kindrei tiye i ta Nowa, “Jo badeh ndratehei budon ta edeu sendrehendreh i tiri lau mari. Jo kameh idi iri ma munyak amak, tasah munyak badeh ndradah ta lomondra ndra-in tiri.

1 Pita 3:20

Iri su-u doh badeh, malawi iri lau ndra-in bwena mene iri banuhun sahou ta Kindrei bwe, kala Nowa mene amekes ndron tinan. Iri lau solo-an bala bolo ndron bwe, oro lau ma ndru la-uh le, ala bolo ndron nane doh. Oro bamak bwe, tasah gwa eme sebenei oro, bwese-ei ndron, ma ndron telebek. Arile, iri lau mari mene areu manan, amak an bolo wadah tinan.

La-ukei ta Pol atorou ili tiri lau badu kon Rom 4:13

Kindrei tandrakan Abraham ta kon munyak mari kameh i tan, ma i ta lundriyen oro. Arile Kindrei tandrakan Abraham oro badeh, bala san ta oro a-en hamon ta batanau malen, bwe. Iy tandrakan oro kameh akohok munyak mari, tasah Abraham atehei budon tan mara-ei in tan, eme ma Kindrei aloh iy ndramak mwasin mara-ei ta madan.

Tarou ta Luk 17:26

“Len ta Nadu Ndramak Awas kameh asahan, buku le iri lakou mene asahan na len ta Nowa.

Pilipai 3:9

Jo ihis hawe Krais doh badeh, bala san ta jo in hamon ta kandriyen malen tiri Juwis bwe, arile i san ta budon handru le i ta Krais badeh, jo asahan ndramak mwasin udu mada Kindrei anyolom jo na len jo atehei budon tek handru i ta Krais.

Galesiya 5:5

Arile, Malawin Ndrabun ta Kindrei badeh, ibo gok ta amekes budon tahi mara-ei kabadok, na len ahi atondrok manyah mwasin ta Kindrei hamon doh. Ma Krais kameh amekes ahi asahan amwenen handru i le buku iy.

Hiburu 5:7

Len ta Jises mwena mene iy edek udu ndra kon munyak, iy amekes iri salom ma iy asolom ili ta Kindrei. Iy tanan idah kameh Kindrei winiyan aseben iy ta iy winiyan bamak bwe. Eme ma iy asolom ma eden boto-on labai ili tan. Iy anuhun ndrelen ta nadun, tasah iy atehei iy mara-ei iu ili andri labai.

La-ukei ta Pol atorou ili tiri lau badu kon Rom 3:22

San i buku doh: Buku are mwan o badih iy atehei budon tan handru in ta Jises Krais, Kindrei kameh aloh iy ndramak mwasin. Kindrei bamekes san rasan tiri Juwis, ya san rasan tiri lau badu leheleh ja, bwe. Iy bwidi san rasan le kabwe.

La-ukei ta Pol atorou ili tiri lau badu kon Rom 1:17

Sahou doh handru, tasah sahou mwasin leheyani kandriyen mwasin ta Kindrei eme lewan, ta iy aloh iri lau mwasin mara-ei ta madan i san ta budon handru le, udu ndra bada katin eme taku na len dah. I buku none tarou ta Kindrei tiye i buku doh, “Are lau le atehei budon tan handru in ta Kindrei, Kindrei kameh aloh iy mwasin mara-ei ta madan, ma iy ndramak doh le winiyan akohok kohan ha-un ta udu le buku doh.” Habakuk 2:4

Metiu 3:7

Arile iy atou ja iri Parasi ma hawe oro Sadusi ame le hawen, ta iy kalomwa iri, eme ma iy tiye i toro Parasi ma Sadusi i buku doh: “Ado nadu mwak ndra-in. Are lau tiye ado ta atobwak au a len ta losen ta Kindrei kameh eme?

Jenesis 7:23

Laban Kindrei badeh idi iri mulin mari ado munyak badeh amak ma lau awas ma katin haka ma sirih badeh amak. Iri mulin le ado badeh, Nowa le hawe iri mulin rayah nane a ndron hawen.

2 Pita 3:6

Ano, udu hamon ja, munyak mene atuh na gwa le doh, ma munyak andra-i, eme ma, bolo kon mari bala buku bwena mene ja, bwe.

2 Pita 2:5

Bwena mene ale, kabatana Nowa badeh, iri mwan ma badih atehei kona iri i ta Kindrei. Eme ma iy tolomwani kon munyak atuh, ma idi iri lau mara-ei amak. Arile, iy badi Nowa bwe, iy ndramak ta atiye kandriyen mwasin. Kindrei sebenei Nowa, ma hawe oro lau ma ndro taloh ja, oro le doh badeh, bamak bwai.

2 Pita 1:1

La-ukei dah, jo Saimon Pita amwenen atorou ewek tado. Jo badeh, lohowan ma aposel, batun ari, Kindrei suni jo ta atiye sahou ta Jises Krais ili tiri lau tan. Jo atorou la-ukei dah, ewek tado lau mari ta budon handru i ta Jises Krais ado badeh. Tasah, Jises Krais badeh, iy ale Kindrei tataha ma hawe iy ndramak ta aseben taha. Iy abudon ta amekes taha badeh, kakohok budon mwasin handru i randra le, eme ma iy amekes ado asahan lau ta budon handru i le buku aso.

Hiburu 11:1

Kandriyen ta atehei budon ili le ta Kindrei i buku doh: Iri lakou nane taha atondrok Kindrei anya kedeu keme tataha, taha katawiy kihis kudu ndrine taha. Ndrine taha ndratanan, iri lakou marakon nane doh udu aliy handru, arile mada taha amwenen banyolom bwe.

La-ukei ta Pol atorou ili tiri lau badu kon Rom 10:6

Arile, ndramak in hamon ta kandriyen ta budon handru, eme Kindrei aloh iy mwasin mara-ei ta madan, iy ndramak doh in hamon ta sahou doh, “Ndrinem badeh, satiye anya, ‘Are lau winiyan ili bolo kandrah?’ ” Dutoronomi 30:12 ma kandrei Krais keme andri katiye sahou mwasin keme tataha.

La-ukei ta Pol atorou ili tiri lau badu kon Rom 4:11

Ano badeh, barasan ku-in i nyara kalem ta leheya buku Kindrei ndraloh iy ndramak mwasin ta madan. Tasah, iy atehei budon tan handru bwena, ya kandriyen ta asan ku-i taha badeh, udu hamon labai. Ya eme Abraham asahan tama iri lau mari iri an hamon ta san ta budon handru. Handru, iri basan ku-i iri ba-au bwe, arile Kindrei aloh iri lau mwasin mara-ei ta madan.

Metiu 24:38

Na len bwena ta wadah asahan, iri lau amekes nyamon tinan, iri a-un gwa, iri mwan ma badih atasou ili eme, ili le isos ta len Nowa oro ala bolo ndron tan tinan.

Metiu 24:25

Aha ndranuhun! Jo ndratiye taha bwena.

Jenesis 19:14

Eme Lot ili badeh asehek ta masa-an oro, ala sudi nadun oro badih. Iy tiye, “Suwi ado kame len ta kon dah, Laban kameh asun kon dah.” Arile udu nadun oro anya badeh iy ibo nyorei le.

Jenesis 7:5

Eme Nowa badeh mwesekei lakou mari Kindrei tiye.

Jenesis 6:9

Ya i dah badeh nyala Nowa ai. Nowa badeh nadun mwan badeh taloh; Sem eh, Ham eh, hawe Jepet. Nowa bamwekes se lakou bandra-i bwe ai, na len iy udu loken. Iy badeh anuhun sahou ma lakou mari mwasin ta Kindrei badeh iy in hamon ta aliy le ai.

La-ukei ta Pol atorou ili tiri lau badu kon Rom 9:30

Ya eme taha kasehek ki buku doh: Iri lau badu leheleh bamekes lahou boto-on ta asilah madasan ta Kindrei kaloh iri mwasin mara-ei ta madan bwe, arile iri badeh, ndratakalahei madasan ta Kindrei kaloh iri mwasin mara-ei ta madan. Ya, san doh badeh, i san ta budon handru le.

Metiu 24:15

“Hamon kameh aha anyolom ‘lakou munya-un ndra-in’ Daniyel 9:27; 11:31; 12:11 propet Daniyel mene tiye, lakou doh munya-un ndra-in ales udu kon ndrabun ta iy sare aliy. (Are lau anyolom sahou dah iy kabudon kamwenen.)

Jenesis 6:22

Eme Nowa badeh anuhun sahou ya iy mwekesei i le buku aliy.

Metiu 2:12

Na ben oro amadin ma oro ameh Kindrei batanau oro sala hamon ja sala hawe kabin Herot, oro kala hamon kala kon toro kala san rasan ja.

Hiburu 8:5

Gok tiri pris mene iri amekes in hamon ta koroha malawin le; lakou handru udu kandrah. Idoh i buku le bwena mene Moses alokou ta atah asiu balei le badeh, Kindrei batanau iy i buku doh: “Ou an hamon le ta koroha malawi tarou mene jo leheya i tam udu bwele-e mandrei.” Eksodus 25:40

Hiburu 12:25

Bale aha ki-in taha, kora-on aha katunuhun, ma aha ba-en hamon ta boho Kindrei bwe. Tasah, ma bwena mene Kindrei ere bwele-e mandrei Sainai asehek sahou boto-on ili tiri lau badu Isra-el are kabede mandrei doh, arile iri tebelese bohon. Eme ma, na bolo len bwena mene doh, iri winiyan batobwak ma bateleyani ndramas ta kandriyen ndra-in tiri bwe. Na idah, Kindrei udu kandrah, ma iy asehek sahou boto-on labai ja eme tataha. Buku taha atehei kona taha i tan, taha winiyan batobwak ma bateleyani ndramas ta kandriyen ndra-in nane doh bwe, handru en.