Hiburu 11:4 - Nyindrou

⁴ Ebol atehei iri budon tan mara-ei ili le ta Kindrei, eme iy edeu salom ili tan. Kindrei aso-ok salom ta Ebol labai, iy baso-ok salom ta Ken bwe. Ebol ndramak ai, arile budon tan tinan labai udu ta Kindrei, eme ma Kindrei aloh iy ndramak mwasin labai ta madan, ma iy aso-ok ndramas tan ale. Kandriyen ta budon ta Ebol le doh, leheya taha ta atehei budon tataha ili le ta Kindrei.

Hiburu 11:4 Referans Kwoze

Hiburu 12:24

Eme aha ndrasilahei Jises ale, iy le ari adeh amekes sahou randra le ha-un ta Kindrei hawe taha. Eme ma ndrayen le bwidi sahou randra le abadok. Ndrayen doh udu bwele-en labai ja ta ndraye Ebol, tasah ndraye Ebol leheya i buku doh: Ndramak ari kameh kakonohei ndra-in doh. Arile, ndraye Jises bwe. Ndrayen amou ta akunoh iri kandriyen ndra-in tataha mari iu.

Jenesis 4:10

Ano Laban tiye, “I buku sah ou amwekes budon ndra-in dah? Ndraye nadu tinem asah eden udu bolo ndren kede-eh; eden eme tek ta ou kameh akohok isi saluwen.

La-ukei atorou Jut 1:11

Mada iri katou! Tasah, sisi-in tinan labai kameh i bwele-e iri! Iri badeh, a-en hamon le ta kandriyen ta Ken, iri amekes kandriyen i buku le Balam mene amekes ta akohok le luk ta lau, ma aseben iri ta amekes kandriyen ndra-in. Iri ale, amekes bahun hawe Kindrei i buku le Kora mene amekes. Tasah, ta lakou mari doh kameh, oro mari kameh amak ano au.

Metiu 23:35

Kandriyen ta adai iri lau mwasin don adeh, mesekei maha-an eme kon munyak. Maha-an doh kameh ereu bwele-e ado amwenen. Iri adai iri lau mwasin udu ndra kabatana ndraye Ebol eme isos ndraye Sekaraya nadu Berekaya, iy ndramak ale ado adai ereu ndrokowa asiu tinan ta Kindrei ma mada koto-ok. Ado amwenen kameh akohok iri maha-an ta kandriyen ndra-in doh.

Hiburu 9:22

Lakou marakon doh handru. Udu bahandra kandriyen malen tiri bwena, mirihik iri lakou marakon badeh, ndra le sikine iri. Eme ma kandriyen ndra-in tataha kameh Kindrei maniy. Buku ndraye iri bulumakau o me bamou bwe, Kindrei winiyan batalou kandriyen ndra-in tiri lau iu bwe.

Jenesis 4:15

Arile Laban anya eh, “Bwe, i buku none are idi ou, i dah kameh lau ndro taloh amak i saluwem.” Eme Laban atehei kalem i ta Ken ta tiye tanan i tare ndrondron iy badeh sadai iy.

Jenesis 4:8

Ano badeh Ken tiye sahou i ta nadu tinen Abol, “Talu ka-au kala len.” Eme uru au ame len badeh, Ken eme tubuni iy, eme ma iy idi nadu tinen imek.

Hiburu 12:1

Iri lau mwan hawe iri badih bwena mene awudi taha are le alih i buku asi kandrah, eme iri leheya taha ta kandriyen ta budon tataha kili ta Kindrei. Eme ma taha kamani iri lakou ale tawi taha winiyan basakaliye boto-on bwe, ma taha karuwani iri kandriyen ndra-in marakon ale tawi taha ihis. Eme ma, taha kamekes ndrine taha kabadok ta sakaliye ta akohok lakou mwasin doh, Kindrei ndraleheyani taha sakaliye ta aliy.

Tarou ta Luk 11:51

Udu ndra kabatana ndraye Ebol eme isos ndraye Sekaraya, mene adai iy ya ndrayen amou udu ndrokowa mada koto-ok ma asiu ta atudun. Eme jo bawendreya bwe, ado lau na len dah kameh a saluwe oro bwese isi mari doh.

Jenesis 4:25

Ano Adam uru udun atehei nadu uru mwan ari ja. Eme udun tiye, “Kindrei badeh atehei nah mwan ari i saluwe Abol ala Ken mene idi iy.” Eme iy tondrohani nyaran badeh Set.

Taitus 1:16

Oro anya oro tana oro Kindrei, arile kandriyen toro batiye bala buku aliy bwe. Tasah, kandriyen ndra-in toro, Kindrei sumukok, ma oro ta tebelese ma winiyan bamesekei ari kandriyen mwasin ja bwe.

Hiburu 5:1

Kandriyen ta adeu ndramak asahan tinan tiri pris i buku doh: Kindrei le badeh, akohok ndramak badu ndrokowa iri lau, ma atehei iy ta aseben iri lau ta ndrokowa lau hawe Kindrei. Iy i saluwe iri lau mwan ma badih, ma iy edeu ndramas i ta Kindrei, ma edeu salom ta amekes kandriyen ndra-in tiri iu.

Hiburu 11:2

Budon ta tubu taha iri handru in le ta Kindrei, eme ma bwidi iy sekesek tinan labai.

2 Pita 2:8

Eme Lot, ndramak ta amekes lakou mwasin ta mada Kindrei, udu bolo ndrokowa iri anyolom kandriyen ndra-in ta bwilima iri amekes bamwenen bwe. Ma iy anuhun ale badeh, iri ba-en hamon ta batanau ta Kindrei bwe. Eme ma mesekei ndrinen amaha labai ma tikisiy.