Hiburu 11:13 - Nyindrou

¹³ Iri lau marakon nane atehei budon tiri in ta Kindrei winiya le len iri amak. Iri mene are ndra kon munyak, arile iri bandrei saba lakou nane Kindrei tandrakan ta edeu i tiri bwe. Iri sekesek labai ili tiri lakou nane udu ndra len, eme iri asehek sahou randra le i buku doh, “Ahi badu dah bwe, ahi badu kon leheleh labai, ahi ame kon munyak dah ta manyah le.”

Hiburu 11:13 Referans Kwoze

Hiburu 11:27

Moses atehei budon tan handru in ta Kindrei, iy eme ruwani Ijip, ma iu ili kon rakon ja. Kabin badu Ijip ibolosen i tan, arile iy banoh iy kabin doh bwe. Iy atehei budon tan in ta Kindrei nane doh, i buku iy anyolom iy amwenen, arile taha lau winiyan banyolom iy na mada taha bwe. Eme ma iy ales boto-on labai ta iri none marakon nane Kindrei edeu iy tan.

Jenesis 23:4

“Jo badeh badu leheleh eme udu ndrokowa ado. Jo anya kisih sese munyak loboho dah eme ya jo ka-eh uduk ki aliy.”

Tarou ta Jon 8:56

Tama aha Abraham ndrasekesek ndrandra-i labai, ta anyolom len tek nane dah. Iy anyolom ma iy sekesek tinan labai.”

Hiburu 11:39

Iri lau mwan ma iri badih marakon doh atehei budon tiri handru in ta Kindrei! Eme ma, iy anya, nyara iri badeh, mwasin handru ta madan. Iri bwena mene ado kon munyak, arile iri bakohok iri lakou mwasin i buku Kindrei tandrakan ta edeu ili tiri, bwe.

Epesus 2:19

Eme ma, aha mwan ma badih badu kon leheleh, aha bare buku lau leheleh ja bwe. Idoh ndrano. Na dah aha ndrala le hawe iri lau ta Kindrei, ma ndrasahan lau tan amwenen.

La-ukei ta Pol atorou ili tiri lau badu kon Rom 8:24

Kindrei mene ndrakohok taha ndrame hamon, tasah taha mene ndratehei budon tataha handru ndra-en tan. Ya nadah ale, taha atondrok ma atehei budon tataha handru ta lakou Kindrei kameh amekes eme tataha. Arile, iri lakou mwasin taha atondrok ta aliy badeh, ki buku none taha akohok handru, idah kameh taha batondrok ta aliy ja bwai. Tasah, buku none are lau ndratakalahei lakou nane doh, idah nane iy winiyan babe-en ja bwe, neh?

1 Pita 2:11

Aha kawas tek, jo asehek sahou dah ewek taha, buku none aha areu kon munyak, kon taha bwe. Aha lau ta teteheh le, eme ma aha satehei kandriyen ta budon ma ndrine aha ndra-in sa-en bwena taha, ndri-iy. Tasah, kandriyen ndra-in ta budon ma ndrine aha badeh, kameh amekes bahun hawe malawi aha mwasin.

1 Pita 1:17

Taha aloh Kindrei badeh, tama taha, buku taha asolom i tan. Iy badeh, ndramak ta ereu bwena ta anuhun sahou, ma iy kameh edeu sihine taha lau mari, amwenen le ta gok nane taha amekes. Ma iy badeh, babudon ou saba lau handru, ma iy kameh winiyan batobolowe budon tan bala bame, bwe. Iy badeh, anuhun sahou tataha mari na kati budon tan ari le. Budon tan badeh, mwasin labai. Eme ma, len mari taha areu kon munyak dah, taha kabeleben Kindrei kamwenen handru.

La-ukei ta Pol atorou ili tiri lau badu kon Rom 4:21

Ma mesekei iy i tanan handru ta Kindrei badeh, boto-on ta amekes tandrakan tan doh kameh asahan ili handru.

Jenesis 49:18

“Laban, jo badeh abe-en ou ta aseben tam.

Jenesis 47:9

Eme Jekop tiye, “Jaha tek ta jo edek le badeh asahan rinek tonoh (130). Ya udu bolo oro jaha doh badeh sola bwe, arile jo akohok maha solo-an, bala buku none jaha ta tubu oro mene solo-an bwe.”

Jenesis 25:8

Eme Abraham jaha tan i solo-an labai ano aden taku ma iy imek; iu i hawe tubun oro.

1 Jon 3:19

Buku taha amekes kandriyen ta tikisiy o, aso-ok nadu tine taha ari ja, taha winiyan atana taha, buku none taha an hamon ta sahou handru ta Kindrei. Len ra-on taha amalin sese. Arile, budon ta Kindrei badeh, sakalawi budon tataha. Iy badeh tinan, ma iy tanan lakou mari. Eme ya, in bolo budon tataha, buku taha atona, buku taha ba-en hamon ta sahou handru ta Kindrei bwe, ndri-iy. Ndrine taha hawe budon tataha kudu mwasin ta ales areu mada sahou ta Kindrei. Iy winiyan batehei taha bala mada sahou ta a-en hamon ta sahou wasai bwe. Iy badeh kameh tiye tataha i buku doh, taha badeh, a-en hamon ta sahou tan handru.

Metiu 13:17

Jo asehek sahou handru ewek tado. Bwena mene propet solo-an, ma iri lau solo-an an hamon ta Kindrei aso-ok handru ta atou iri lakou aha atou na dah. Arile, iri batou bwe. Iri aso-ok handru ta anuhun iri sahou aha anuhun jo asehek. Arile iri banuhun bwe.”

Jenesis 49:33

Ano Jekop asehek sahou ta batanau i ta nadun oro ano le badeh, iy suri katin ma luka i bada sau ma aden taku ma iy imek iu i hawe iri lau tan.

Jenesis 49:10

Juda, ou kameh kandro ta kabin kameh winiyan ba-au tam bwe, Ma lundriyem oro kameh asahan kabin le ai, Winiya le ndramak salin le barasahan. Iri kon munyak rakon rakon buruwen kameh atiye lakou i tam, Ma iri kameh aluh kandru i andri i nyara kalem ta anuhun sahou tiri i tam.

Tarou ta Jon 12:41

Propet Aisaya asehek ta aliy, tasah iy ndranyolom lomada Jises eme ma iy asehek iy.

Jenesis 50:24

Ano Josep tiye i ta nadu tinen oro, “Jo badeh mirihik kimek ai, arile Kindrei kameh tondrokei ado kameh udu mwasin ma iy le kameh winiyan kuhiy ado ame len ma iy kameh tiyani ado ala munyak mene iy tandrakan i ta Abraham, i ta Aisik hawe Jekop.”

Jenesis 49:28

Oro ma ronoh la-uh doh badeh asahan boho kamen ma ronoh la-uh badu Isra-el. Eme i dah nyosowan ta tama oro edeu i la-u oro ari ari in hamon ta kandriyen toro.

Jenesis 48:21

Ano Jekop tiye i ta Josep, “Ou badeh ndranyolom jo, jo badeh anya kimek ai, arile Kindrei le kameh udu hawem ma iy le kameh winiyan tiyani ou ala hamon ja ala munyak ta tubum oro.

2 Korin 4:18

Eme ma, ahi babudon solo-an ta iri lakou marakon doh, ahi winiyan anyolom na mada ahi amwenen, bwe. Ahi atehei budon tahi ili tiri lakou ahi winiyan banyolom udu kandrah bwe. Tasah, iri lakou taha winiyan anyolom na mada taha, idoh kameh ano. Arile, iri lakou udu bolo kandrah, kameh ta udu le buku doh.

2 Korin 5:6

Eme ma, ndri-iy ta saba lakou kameh asahan. Taha banoh ta aliy bwe. Taha tanan bada taha na idah i buku asiu taha ado aliy are kon munyak dah. Na bolo len dah, taha bado hawe Laban bare kon tan bwe.

Hiburu 11:14

Buku taha anuhun iri lau asehek sahou i buku doh, taha ndratanan ai, iri lau kede-eh asilah munyak tiri handru.

Hiburu 11:17

Abraham atehei budon tan mara-ei handru in le ta Kindrei, kabatana Kindrei mene none iy. Kindrei mene tiye Abraham, ta iy katehei nadun Aisik ki nyara salom, eme ma Abraham anya kedeu nadun ari le nane doh ki nyara salom kili ta Kindrei. Handru, Kindrei mene ndratandrakan iy i buku doh, “Lundriyem oro hamon kameh asahan solo-an labai, in hamon ta san ta nadum Aisik amwenen.” Jenesis 21:12 I buku iy kidi Aisik, ano iy katehei iy ki buku salom kili ta Kindrei, badeh, iy ndrasani san ta lundriyen oro ta asola ndra-au. Arile, bwe, Abraham badeh atehei budon tan abadok labai in ta Kindrei, eme ma iy anya kedeu Aisik ki nyara salom kili ta Kindrei.

1 Pita 1:1

Jo Pita, jo aposel ta Jises Krais, jo atorou la-ukei dah ewek taha lau mwan hawe badih handru ta Kindrei. Aha ndraseker i buku iri lau ta ateheh areu bolo kon munyak tinan tiri Pontus, Galesiya, Kapadosiya, Esiya, ma hawe Bitiniya.

Jenesis 21:34

Eme Abraham badeh manyah ili eme udu munyak ta Pilistin luluwen labai.