Hiburu 11:10 - Nyindrou

¹⁰ Abraham amekes i buku doh, tasah iy atondrok kon tinan labai nane doh, Kindrei le abudon, ma iy ndratahiy na iri lakou boto-on labai, ma winiyan bandra-i bwe.

Hiburu 11:10 Referans Kwoze

Hiburu 13:14

Udu bwele-e kon munyak dah, taha ari kon tinan ta udu le buku doh bwe, arile taha atondrok kon tinan ari doh kameh asahan hamon.

Pilipai 3:20

Arile, kon tataha handru badeh, bado kon munyak dah bwe; kon tataha handru badeh, udu bolo kandrah. Ya eme taha abe-en ndramak ta aseben taha ta kandriyen ndra-in mene, ala Laban Jises Krais udu doh kameh eme.

Hiburu 12:22

Arile, aha bala basahan ta lakou i buku doh bwe le. Aha ndrame ndrasos mandrei ta Sayon, eme aha ala kon tinan ta Kindrei kameh udu le buku doh, kon tinan Jerusalem udu bolo kandrah. Aha ndrame ndrasahan hawe iri angelo ma nyaran bwe, ame atukum ta sekesek.

2 Korin 5:1

Ehe, taha atehei budon tataha ta lakou udu bolo kandrah. Tasah, taha ndratanan anya: Hamon, buku bada taha nane kada-ah kameh imek ma andra-i, Kindrei anya kedeu ari ja keme tataha. Idoh badeh, basahan ta kandriyen ta mwan ma badih tasou a-en hamon ta aliy bwe. Kindrei le amwenen kameh amekes udu bolo kandrah kodo-oh, ma iy kameh ta udu le buku don ai.

Hiburu 3:4

Iri asiu marakon kede-eh lau atah. Arile Kindrei le ari bwidi iri lakou marakon.

Tarou ta Jon 14:2

Udu bolo kon ta tama doh, iri asiu nadu bwisik solo-an labai udu aliy. Idah kameh jo ilih mwena ta lowosa iri nadu asiu nane doh taha. Buku bado aliy bwe eh, idah jo winiyan basehek iri sahou dah bwe.

Rebelesen 21:2

Ma jo ale anyolom kon tinan Jerusalem ha-un ndrabun labai asahan. Jo anyolom kon tinan doh udu hawe Kindrei, udu bolo kandrah eme andri, i buku badih ndralokowani iy, ma ndranyosowani iy ta anya kili bahandra mwan tan.

Hiburu 12:28

Ya, taha kadeu wurah kili ta Kindrei, tasah taha ndrasahan iri lau ta are bahandra tondrok ari, badeh, winiyan bandrokonya ma babwidiy bandra-i bwe. Taha badeh katudun nyaran ki-in hamon ta kandriyen iy amwenen aso-ok; taha kanoh ma kabeleben iy,

Hiburu 11:16

Arile, koha iri ndrapwe ta ala kon mwasin labai ja udu kandrah. Ta idoh le, Kindrei bwilin bama ta iri aloh iy Kindrei tiri bwe. Tasah, iy ndranyuri kon tinan labai ta iri ala ado aliy.