Hiburu 10:5 - Nyindrou

⁵ Eme ma Krais eme bolo kon munyak, iy asehek i buku doh i ta Kindrei: “Ou baso-ok kandriyen ta asun lakou ta salom, hawe adeu ndramas ta salom bwe, arile ou ndrabwidi badak ndrame awas.

Hiburu 10:5 Referans Kwoze

1 Pita 2:24

Krais mene ndrabwese-ei kandriyen ndra-in tataha mari ere bolo odan, kala iy mene sukik udu bada kei tondreh. Iy mesekei kandriyen doh ta sikinei taha ta kandriyen ndra-in tataha, ma mesekei taha asahan lau ha-un ja. Ma taha kamekes kandriyen buku Kindrei le aso-ok, tasah Krais ndramak ta kandriyen ndra-in tataha, ma mesekei taha ndrasahan ndramwenen ja.

Hiburu 1:6

Na len Kindrei anya katiye nadun ari le keme andri kon munyak, iy eme asehek: “Iri angelo ta Kindrei katehei bwili ndru-u iri ki andri kili tan.” Dutoronomi 32:43

Hiburu 10:7

Ya, jo asehek i buku doh, ‘Kindrei tek, jo asah kada-ah ta amekes iri gok ou aso-ok jo kamekes, i buku le iri ndratorowenei amwenen ndra-en bolo buk ndrabun.’ ” Wari 40:6-8

Hiburu 2:14

Oro nah nane Jises asehek doh, oro lau mwan ma badih. Eme Jises asahan ndramak awas ma konen i buku le oro, iy kameh winiyan imek, ma iri kandriyen doh kameh winiyan sulumwi boto-on ta balik nane, amekes iri lau amak.

Hiburu 10:10

Taha ndrasahan ndra buku iri lau ndrabun, tasah Krais anuhun Kindrei, ma iy atehei badan amwenen i nyara salom san rasan le ma kabwe.

Galesiya 4:4

Eme na len ta aliy amwenen asahan, Kindrei suni nadun amwenen eme. Iy asahan eme len ta badih awas eme udu baha kandriyen ma batanau malen tiri lau badu Juwis.

2 Jon 1:7

Aha kanuhun, iri lau ta wasai solo-an labai ndradek ndrame bolo kon munyak. Iri lau ta wasai doh anya, Jises Krais badeh, basahan bala buku bada ndramak awas bwe. Arile, iri badeh, ta wasai ma ta ariu kaliu hawe Krais.

Hiburu 8:3

Iri tinan tiri pris marakon badeh, gok tiri ta atiye ndramas, ma ta adi iri lakou buku bulumakau i ta salom ili ta Kindrei. Eme ma Jises kamekes iri lakou doh ale.

1 Timoti 3:16

Lakou laba tinan ta Kindrei aton mene ndrasahan ndrame lewen asah idoh: Jises Krais badeh, asahan ndrame awas, Ma Malawin Ndrabun leheyani iy doh badeh, amwenen handru, Ya eme iri angelo anyolom iy, Ma iri lau tan atiye sahou ta nyalan i tiri lau badu kon munyak mari, Ya iri lau badu kon munyak atehei budon tiri handru i tan. Ano iy iu ili loken i kandrah, ma atondrok lakou mari hawe taman.

Tarou ta Jon 1:14

Sahou Awas eme asahan Ndramak Awas, ma manyah tan udu hawe taha. Ahi ndranyolom lomada Nadu Ndramak Awas. Iy badeh, Nadu Kindrei ari le. Iy irek ta tikisiy ma hawe iri sahou handru.

Tarou ta Luk 1:35

Eme angelo dah anya, “Malawin Ndrabun kameh ewek la-um, ma hawe boto-on ta Kindrei ewek la-um. Ta katin doh le, nah doh kameh i ndrabun ma aloh iy Nadu Kindrei.

Metiu 11:3

ta ndremenya Jises i buku doh, “Sebwe ou ndramak aloh Krais, Kindrei mene tandrakan ta iy kameh suni iy eme. Buku none bwe, sebwe ahi kabe-en ndramak ari ja nadeh?”

Jenesis 3:15

“Ya jo kameh mwesekei ou hawe i badih kameh ah kameh baseken ah bwe; nadu ah kameh uru kameh andra-i udu le buku doh. Ya nadu i badih kameh tihisiy batum abwesek ma i dah kameh ou kameh aso ma aimon katin.”

Tarou ta Luk 7:19

Eme Jon luhi uru lau tan la-uh ame, ano iy tiye i turu, “Ah kala hawe Laban badeh, kandremenya iy ki buku doh, ‘Sebwe ou ndramak aloh Krais, Kindrei mene tandrakan ta iy kameh suni iy eme. Buku none bwe, sebwe ahi kabe-en ndramak ari ja nadeh?’”

Hiburu 5:7

Len ta Jises mwena mene iy edek udu ndra kon munyak, iy amekes iri salom ma iy asolom ili ta Kindrei. Iy tanan idah kameh Kindrei winiyan aseben iy ta iy winiyan bamak bwe. Eme ma iy asolom ma eden boto-on labai ili tan. Iy anuhun ndrelen ta nadun, tasah iy atehei iy mara-ei iu ili andri labai.

Hiburu 10:8

Ma bwena iy asehek i buku doh, “Ou baso-ok kandriyen ta asun lakou ta salom, hawe adeu ndramas ta salom bwe. Ma ou ale basekesek ta asun iri bulumakau ma buruwen ili bwele-e mada koto-ok i nyara salom ta sikine iri kandriyen ndra-in iu bwe.” Wari 40:6 Handru, kandriyen malen asehek ta iri kamekes iri salom ki buku doh, arile Kindrei basekesek ta iri lakou doh bwe.