Hiburu 10:4 - Nyindrou

⁴ Tasah, ndraye bulumakau hawe ndraye me winiyan basikine iri kandriyen ndra-in ba-au bwe.

Hiburu 10:4 Referans Kwoze

Hiburu 10:11

Iri pris amekes gok tiri len marakon, iri tawi kandriyen ta asun lakou i buku salom badeh, kahis. Arile iri salom doh winiyan basikine iri kandriyen ndra-in tataha ba-au bwe.

1 Jon 3:5

Aha ndratanan, Krais eme kon munyak dah badeh, ta sikine kandriyen ma lomondra ndra-in tataha marakon iu. Ya, Jises ndrasikine taha, arile iy badeh, ari kandriyen ndra-in bwe.

La-ukei ta Pol atorou ili tiri lau badu kon Rom 11:27

Ma idah, sahou randra le tek jo amekes hawe iri, Ma jo kameh sikine kandriyen ndra-in tiri mara-ei iu.” Aisaya 59:20-21; 27:9; Jeremaya 31:33-34

Hiburu 10:8

Ma bwena iy asehek i buku doh, “Ou baso-ok kandriyen ta asun lakou ta salom, hawe adeu ndramas ta salom bwe. Ma ou ale basekesek ta asun iri bulumakau ma buruwen ili bwele-e mada koto-ok i nyara salom ta sikine iri kandriyen ndra-in iu bwe.” Wari 40:6 Handru, kandriyen malen asehek ta iri kamekes iri salom ki buku doh, arile Kindrei basekesek ta iri lakou doh bwe.

Hiburu 9:9

Lakou mene asahan bolo asiu ndrok ndrabun ndrabun labai, idoh leheya sahou sokek, na idah eme tataha. Udu bolo asiu ta Kindrei doh, iri pris adeu iri ndramas solo-an ili ta Kindrei, ma iri ale adeu salom solo-an ili tan. Arile, iri lakou doh winiyan babwidi ndrine iri o budon tiri lau ta atudun Kindrei bwe. Eme ma iri winiyan baruwani maha-an mene iri atona ta iri kandriyen ndra-in iri amekes bwena bwe.

Tarou ta Jon 1:29

Udu len ari ja, Jon anyolom Jises edek ales eme hawen, ma iy aloh, “Kede-eh Nadu Sipsip ta Kindrei, iy le adeh andrei taha ame len ta kandriyen ndra-in badu kon munyak.

Tarou ta Mak 12:33

Ma ou aseken iy na ndrinem mari, ma na budon tam mari, ma na boto-on tam mari. Ma ou aseken iri lau ari ari badu hawem, i le buku ou aseken ou le, idoh mwasin handru, sakalawi kandriyen ta asun lakou i buku salom i ta Kindrei, ma lakou adai i buku salom i ta Kindrei.”

Hiburu 10:1

Kandriyen malen ta Moses doh malawi le iri lakou mwasin hamon kameh eme. Arile, kandriyen malen nane doh malawin bala mwasin bwe. Tasah, kandriyen malen batanau i buku doh: Iri pris badeh, kamekes salom ki buku le ta jaha mari. Arile, are lau iri anya kame mirihik ta Kindrei ta san ta salom, salom nane doh winiyan babwidi iri lau ame asahan mwasin ta budon tan ta jaha mari, bwe.