Hiburu 10:23 - Nyindrou

²³ Taha ndrasehek iri budon tataha ndrame len, eme ma taha atondrok iri lakou mwasin nane Kindrei anya kedeu keme tataha. Taha katawi kihis iri lakou doh, ma taha sanoh ta aliy. Tasah, taha ndratanan, lakou marakon Kindrei ndratandrakan ta amekes o edeu, idah kameh, iy bwidiy handru.

Hiburu 10:23 Referans Kwoze

1 Tesalonaika 5:24

Kindrei atehei aha badeh, tan amwenen, ma iy amwenen badeh, mwasin mwasin labai, ma iy kameh amekes aha asahan mwasin, ma ari ndra-in winiyan bare madan ja bwe.

1 Korin 1:9

Kindrei le amwenen mene atehei aha, ta ndrine aha kudu mwasin hawe nadun Jises Krais. Kindrei, iy mwasin labai, ma ta wendreya bwe. Iy badeh, in hamon tiri sahou tan, ma taha winiyan atehei budon tataha marakon in tan.

2 Tesalonaika 3:3

Ya, lau rayah ja badeh, batehei budon tiri bala ta Kindrei bwe, arile Laban badeh, ta amekes kandriyen handru na len mari. Eme ma, taha katehei budon tataha handru ki-in tan, ma iy kameh atadau budon tataha, ma atondrok aha, ma balik kameh winiyan baruwi budon taha bwe.

Hiburu 6:18

Sahou ma tandrakan, lakou ma la-uh doh winiyan batubuniy bwe, ma Kindrei ale winiyan bawendreya bwe. Ya, lakou ma la-uh doh bwidi ndrine taha abadok ta sakaliye ala hawe Kindrei ta aton are bahandra tondrok tan. Eme ma taha katawiy kihis kudu budon tataha, iri lakou nane iy ndratandrakan ta edeu eme tataha.

Taitus 1:2

Eme ya, ta tanan handru doh badeh, oro winiyan atanan oro udu mwasin ta koha oro winiyan ta bano bwe. Ma oro winiyan atanan udu mwasin labai ta Kindrei badeh, ndramak ta wasai bwe. Eme ya udu ndra bada katin, ta lakou mari basahan bwe le badeh, Kindrei tandrakan iri lau tan kameh winiyan bamak bwe. Iri kameh ado hawen udu le buku doh.

Hiburu 3:6

Arile Krais, iy Nadu Kindrei mwasin labai. Iy atondrok asiu ta Kindrei mara-ei. Taha mari badeh, asiu ta Kindrei, buku taha sanoh ta atehei budon tataha boto-on in tan, ma taha sawoyah ta atondrok iy. Badeh, taha lau tan handru.

1 Korin 10:13

Buku iri none asahan taha, aha winiya atanan, idoh mene ndrasahan tiri mwan ma badih rayah. Arile, Kindrei badeh, in hamon tiri batanau tan, ma iy winiya balelei ari none ta atisih boto-on taha bwe-en. Buku iri none asahan taha, Kindrei kameh amekes san ta aseben aha. San i buku doh: Iy kameh atadau aha abadok, ma aha winiya ales boto-on ta tawiya none doh.

Rebelesen 3:11

Ndrame mirihik ai, ta jo kameh eme hamon eme kon munyak dah ja. Eme ma iri budon tek mara-ei aha ndratawiy, badeh, aha katawiy kihis. Kora-on iri lau rayah kawendreyani aha ma aha kamani iri ndramas nane, jo anya kedeu kili tiri mwan ma badih nane a-en hamon tek handru.

Jemis 1:6

Arile, ndramak ale ndremenya Kindrei doh, iy katehei budon tan handru, ma iy sabudon solo-an, ya iy kasolom ki ta Kindrei. Iy samaniy, ya iy satehei budon buku doh, “Kindrei kameh atehei lakou doh eme tek deh bwe?” Tasah, ndramak iy edek na budon la-uh, iy badeh, buku none mada bayau ale jor oloh, ma atohou ili eme.

Hiburu 11:11

Abraham ndrasahan alon kabwe, ma Sara ale winiyan bato-ou nah bwe, arile Abraham atehei budon tan mara-ei handru udu ta Kindrei le ari, iy ta amekes iri lakou marakon badeh, in hamon le tiri tandrakan tan mwena. Eme ma Sara tuwi nadun mwan.

Hiburu 4:14

Tinan tiri pris tataha badeh, in aliy. Nyaran Jises, iy Nadu Kindrei. Iy ndra-au ndrala kandrah hawen. Eme ma taha katawi iri budon marakon nane taha ndrasehek ndrala tiri lau badeh, kihis mara-ei.

Hiburu 3:14

Ma bwena mene to atehei budon tato in ta Krais. Eme na dah, to katehei iri budon tato mari kihis handru kudu winiya le to baramak. Buku to amekes ili buku doh, idah kameh to akohok lomada Krais, ma to asahan kawas tan handru.

2 Korin 9:13

Gok aha amekes dah ta aseben iri lau mwan ma badih ta Kindrei, kameh leheya i buku doh: Aha badeh, aso-ok labai ta aseben iri lau rayah ja. Eme ma, iri kameh atudun nyara Kindrei. Tasah, iri kameh atanan aha badeh, a-en hamon le ta sahou ta Kindrei, ma atiye sahou mwasin ta Krais. Ma ale, udu bolo iri lau ta Kindrei badu Judiya akohok ndramas dah, ma iri kameh winiya atanan aha anya kadeu luk ta aseben iri rayah ale. Iri kameh atudun nyara Kindrei iu ili loken mara-ei.

Hiburu 3:1

Ado nadu tine i san ta Jises, Kindrei udu kandrah kodo-oh iy aloh ado ale. Ado kabudon kamwenen kili le ta Jises, Kindrei tiye iy eme ta asahan aposel ma tinan tiri pris. Taha ale atehei budon in tan, ma asehek nyaran ili ta lau marakon.