Hiburu 10:19 - Nyindrou

¹⁹ Ado nadu tine, ndraye Jises le badeh, ndrasikinei iri kandriyen ndra-in tataha ndrano ndra-au, eme ma taha sanoh ta ala bolo asiu ndrok ndrabun, ndrabun labai ta Kindrei.

Hiburu 10:19 Referans Kwoze

Epesus 2:18

Sahou doh handru. Tasah, na Krais le ari, taha lau marakon akohok Malawin ari le nane doh, ndrasihi san, ta taha winiyan asahan hawe tama taha Kindrei.

Hiburu 9:12

Iy ili bolon alih nane ndrabun ndrabun labai en, iy bakohok ndraye ari me ma bulumakau ta adeu salom i ta Kindrei, bwe. Iy amekes salom badeh, san rasan le, iy atehei kohan ma ndrayen amwenen ili ta Kindrei. Kohan ma ndrayen doh winiyan bano bwe, eme ma, iy winiyan sebenei taha ta udu le buku doh.

Hiburu 4:16

Taha sanoh ta ala mirihik ta koyeu ta Kindrei, iy ndrinen mwasin ma iy ta tikisiy. Iy winiyan aseben taha, buku maha-an tataha tinan labai, ndrinen mwasin ma tikisiy tan kameh winiyan sebenei taha.

Epesus 3:12

Taha ndrahis hawe Krais na budon tataha. Jises badeh, san tataha ta ili asahan hawe Kindrei. Eme ma, taha winiyan banoh ta ame hawen bwe. Tasah, taha tanan iy kameh sekesek labai ta taha ame hawen.

La-ukei ta Pol atorou ili tiri lau badu kon Rom 5:2

Jises badeh, ndrasihi san ta taha lau mwan ma badih atehei budon in ta Kindrei, eme ma taha kameh winiyan ala bolo tikisiy tan, na idah taha areu aliy. Ma taha atondrok Kindrei ta akohok taha, idah kameh taha manyah ado lomadan tan mwasin ado kandrah. Ma idoh bwidi taha sekesek ta aliy.

Hiburu 12:28

Ya, taha kadeu wurah kili ta Kindrei, tasah taha ndrasahan iri lau ta are bahandra tondrok ari, badeh, winiyan bandrokonya ma babwidiy bandra-i bwe. Taha badeh katudun nyaran ki-in hamon ta kandriyen iy amwenen aso-ok; taha kanoh ma kabeleben iy,

1 Jon 4:17

Kati iri kandriyen mwasin ta aso-ok nadu tine taha ari ja badeh, asahan eme lewan ereu bolo kandriyen taha i buku doh: Taha areu kon munyak, ma taha amekes iri kandriyen buku le Krais amekes, eme ma taha sanoh ta len ta Kindrei ta adeu lau mari ala ta mada sahou.

La-ukei ta Pol atorou ili tiri lau badu kon Rom 8:15

Eme ya, aha bakohok Malawin Ndrabun ta nohowa aha bwe, arile, na Malawin Ndrabun le idih udu bolo oda aha mesekei aha asahan nadu Kindrei handru. Ma na iy le, taha aloh Kindrei anya, “Tama, tama.”

2 Timoti 1:7

Ou tutuni ndramas badeh, ma ou amekes gok Kindrei ndratiye ndrawek tam. Tasah, Malawin Ndrabun, Kindrei atehei eme tataha doh, iy winiyan babwidi taha banoh bwe. Iy badeh, ndranyuhi taha marakon na boto-on tan ta amekes gok tan, ma taha winiyan tikisi iri lau mari, ma taha winiyan atondrok ndrine taha amwenen.

Hiburu 9:3

Bolon udu alih hamon ta kolau tinan nane doh iri aloh ndrok ndrabun ndrabun labai ta mada Kindrei.

Hiburu 7:25

Eme ma, are lau iri ndrala mirihik ta Kindrei badeh, an le bwele-e boto-on ta nyara Jises, iy winiyan sebenei koha iri ta udu le buku doh. Tasah kohan badeh, ta udu le buku doh, ma bolo len mari iy asolom i ta Kindrei ta aseben iri.

Hiburu 3:1

Ado nadu tine i san ta Jises, Kindrei udu kandrah kodo-oh iy aloh ado ale. Ado kabudon kamwenen kili le ta Jises, Kindrei tiye iy eme ta asahan aposel ma tinan tiri pris. Taha ale atehei budon in tan, ma asehek nyaran ili ta lau marakon.

Hiburu 3:6

Arile Krais, iy Nadu Kindrei mwasin labai. Iy atondrok asiu ta Kindrei mara-ei. Taha mari badeh, asiu ta Kindrei, buku taha sanoh ta atehei budon tataha boto-on in tan, ma taha sawoyah ta atondrok iy. Badeh, taha lau tan handru.

Hiburu 10:18

Kindrei ndramani iri kandriyen ndra-in tataha mari, eme ma taha winiyan bamekes gok ta salom ta talou kandriyen ndra-in ja bwe.

Hiburu 10:35

Aha sanoh! Buku aha ales boto-on are le ta budon taha, idah kameh aha winiyan akohok sihine aha tinan labai.