Hiburu 10:14 - Nyindrou

¹⁴ Ta salom tan ari le, iri lau Kindrei aloh iri ndra tan, iy eme ndrasikinei kandriyen ndra-in tiri marakon ndra-au, ma iy ndrabwidi iri ndrasahan mwasin labai ta are le buku doh.

Hiburu 10:14 Referans Kwoze

Hiburu 10:1

Kandriyen malen ta Moses doh malawi le iri lakou mwasin hamon kameh eme. Arile, kandriyen malen nane doh malawin bala mwasin bwe. Tasah, kandriyen malen batanau i buku doh: Iri pris badeh, kamekes salom ki buku le ta jaha mari. Arile, are lau iri anya kame mirihik ta Kindrei ta san ta salom, salom nane doh winiyan babwidi iri lau ame asahan mwasin ta budon tan ta jaha mari, bwe.

Hiburu 7:25

Eme ma, are lau iri ndrala mirihik ta Kindrei badeh, an le bwele-e boto-on ta nyara Jises, iy winiyan sebenei koha iri ta udu le buku doh. Tasah kohan badeh, ta udu le buku doh, ma bolo len mari iy asolom i ta Kindrei ta aseben iri.

Hiburu 9:14

Arile, ndraye Krais doh udu bwele-en labai ja, ta ndraye me ma bulumakau. Iy atehei kohan mara-ei amwenen ili ta Kindrei i nyara salom. Eme ma ndrayen doh basikine ndraka-an ta bada taha le bwe, iy sikine taha mara-ei handru, ma ndrine taha batona maha-an ja ta iri ndra-in mwena mene taha amekes, bwe. Ma iy tolowei iri kandriyen solo-an, taha amekes laleyah, ari kohan handru amwenen bwe. Eme ma taha katawiy kihis gok ta Kindrei doh, kohan handru udu aliy. Tasah, Krais ari ndra-in bare tan bwe. Bwe labai. Ma na boto-on ta Malawin Mwasin, iy amekes gok doh kameh ta udu le buku doh.

Hiburu 2:11

Taha tanan, Jises amekes iri lau mwan ma badih asahan lau ta Kindrei, ma iri lau nane iy ndrabwidi, iri a ndrabun. Iri marakon doh badeh, tama oro ari le, ma Jises eme aloh oro, nadu tinen, ma bwilin bama ta aloh oro bwe.

La-ukei ta Pol atorou ili tiri lau badu kon Rom 15:16

iy atehei lahou dah eme kanik ta atiye sahou ta nyala Krais Jises ki tiri lau badu leheleh. Jo badeh, i buku none ari pris amekes lahou ta atiye sahou mwasin ta Kindrei. Ya eme iri lau badu leheleh badeh, i nyara salom jo edeu i mada Kindrei ma eme iy sekesek ta aliy. Ma hawe Kindrei badeh, mesekei iri asahan lau tan handru i san ta iy suni Malawin Ndrabun ili manyah udu bolo oro.

Hiburu 13:12

Jises ale akohok sisi-in tinan labai udu manan loboho madasan ta kon tinan, bado bolo kon amwenen bwe. Iy amekes i buku doh, ta amekes iri lau marakon asahan ndrabun, ma ndrayen amou ta akunoh taha ame hamon ja.

Hiburu 7:19

Iy babwidi ari lakou basahan bala mwasin bwe. Eme ma Kindrei sihi madasan rasan ja, idoh udu mwasin ja ta kandriyen malen. Taha atondrok madasan doh, eme ta madasan le doh, taha kameh winiyan ala mirihik ta Kindrei.

Epesus 5:26

Iy amekes i buku doh ta atehei kalem i tiri mwan ma badih ta Kindrei ta iri tan amwenen. Ta sahou tan amwenen iri atehei budon tiri handru in aliy, ma alomwa iri na gwa, eme ma Krais badeh, bwidi iri asahan ha-un handru.

Aposel 20:32

“Ya eme ta sendrehendreh ta aliy, na dah jo edeu ado ala baha tondrok ta Kindrei, ma jo aseken ado abudon sahou ta nyala tikisiy tan. Ya sahou doh kameh winiyan mesekei ado abadok, ma winiyan amekes kandriyen tado ki mwasin winiya ado akohok manyah mwasin, Kindrei ndralebelei ndra ta lau tan.

La-ukei atorou Jut 1:1

Jo Jut, jo atorou la-ukei dah. Jo amekes lahou ta Jises Krais. Jo badeh, nadu tine Jemis. Jo atorou la-ukei dah ewek taha lau ta Kindrei, iy ndratehei kalem ndrawek taha ta asahan lau tan. Kindrei badeh, aso-ok aha labai, ma iy atondrok aha udu bolo iri maha-an solo-an, tasah Jises Krais atondrok aha.

Hiburu 9:10

Tasah iri ndramas ma salom solo-an doh, ta nyamon, ta gwa ta a-un, ma iri lakou solo-an ta anyu. Iri kandriyen doh ta bada lau le, ta iri ka-en hamon ta aliy, winiya le len ta Kindrei kameh baramekes iri lakou marakon amwenen ma i ha-un ja.

Aposel 26:13

Ndramak tinan, an ndrame loken ndrare le alih. Jo badeh, edek san, se nawin bwe jo anyolom lomada sun ari udu kandrah eme andri. Sun doh lomadan boto-on ma tinan labai ja ta an. Sun doh anya eme bwele-ek, ma hawe oro lau rayah nane adek hawek.

Hiburu 10:10

Taha ndrasahan ndra buku iri lau ndrabun, tasah Krais anuhun Kindrei, ma iy atehei badan amwenen i nyara salom san rasan le ma kabwe.

Hiburu 10:12

Arile Krais badeh, atehei iy i nyara salom ili ta iri kandriyen ndra-in, eme ma gok tan i buku pris asahan mwasin labai ta udu le buku doh. Ano iy iu ili manyah udu loboho mine Kindrei salin.