Hiburu 1:8 - Nyindrou

⁸ Arile iy asehek ta nadun: “Tondrok tam, O Kindrei, ta udu le buku doh, winiyan bandra-i bwe! Ou tondrokei iri lau tam kado le tiri kandriyen mwasin.

Hiburu 1:8 Referans Kwoze

Tarou ta Jon 10:30

Jo hawe tama, aru ari le.”

La-ukei ta Pol atorou ili tiri lau badu kon Rom 9:5

Udu ndra bada tubu iri, sare iri edek eme eme taku bada Krais asahan awas. Iy badeh, Kindrei ma iy udu bwele-e lakou mari. Masiye ma tudun ki tan kudu le buku doh. Handru.

1 Jon 5:20

Taha tanan, buku Nadu Kindrei ndrame, ma iy ndratehei budon mwasin ndrame tataha, eme ma taha ndratanan Kindrei badeh, handru. Taha ndrahas handru hawe Kindrei uru Nadun Jises Krais. Jises badeh, Kindrei handru ma iy kati kohan ta ereu le buku doh na len mari.

Metiu 1:23

Badih ari bamadin hawe mwan bwe kameh susune nah ya iy kameh atehei nah mwan, ya idah kameh iri lau aloh iy Imanyuwel (moson i buku doh, “Kindrei udu hawe taha”). Aisaya 7:14

1 Korin 15:25

Tasah, Krais kameh atondrok kon marakon winiyan le Kindrei baratehei iri lau ta ato-ou kaliu barala bahandra katin.

Tarou ta Jon 20:28

Tomas eme asumon bohon i buku doh, “Ou Laban tek, ma ou Kindrei tek!”

1 Timoti 3:16

Lakou laba tinan ta Kindrei aton mene ndrasahan ndrame lewen asah idoh: Jises Krais badeh, asahan ndrame awas, Ma Malawin Ndrabun leheyani iy doh badeh, amwenen handru, Ya eme iri angelo anyolom iy, Ma iri lau tan atiye sahou ta nyalan i tiri lau badu kon munyak mari, Ya iri lau badu kon munyak atehei budon tiri handru i tan. Ano iy iu ili loken i kandrah, ma atondrok lakou mari hawe taman.

Tarou ta Jon 10:33

Iri anya, “Ahi winiyan borou ou na bek ta iri lahou tinan rayah ou amekes bwe, arile ou bobose Kindrei, tasah ou ndramak laleyah, ou aloh ou, ma ou amekes ou ja i buku Kindrei.”

2 Pita 1:11

Ma hawe ado kameh, Laban Jises Krais, ndramak ta aseben taha kameh sekesek tado laba tinan labai udu baha tondrok tan, udu le buku doh.

Tarou ta Luk 1:75

Ma taha ka ndrabun, ma kado mwasin ta mada Kindrei na len mari, udu bolo manyah tataha.