Hiburu 1:6 - Nyindrou

⁶ Na len Kindrei anya katiye nadun ari le keme andri kon munyak, iy eme asehek: “Iri angelo ta Kindrei katehei bwili ndru-u iri ki andri kili tan.” Dutoronomi 32:43

Hiburu 1:6 Referans Kwoze

Kolosi 1:18

Krais badeh, batun ta bada iri lau tan, iri doh badeh, lau ta Kindrei amwenen. Tasah, iy amwenen badeh, kati kohan handru tiri lau ta Kindrei mari doh. Iy le ari badeh, amak eme hamon eme awas ja udu bolo ndrokowa iri mwan ma badih mene ndramak ndra-au ndrasu-u. Eme ma, iy kadok amwenen, ma iy winiyan udu bwele-en ta atondrok lakou marakon.

Kolosi 1:15

Kone Nadu Kindrei badeh, i buku le taman Kindrei, taha winiyan banyolom taman na mada taha bwe. Krais badeh, kadok tan ma iy udu bwele-e iri lakou marakon Kindrei ndrabwidiy.

1 Pita 3:22

Ya idah Krais ndrala loken ndrala bolo kandrah, iy ere loboho lim salin ta Kindrei. Ma Kindrei ndratehei nyaran ndra tinan, ma atehei boto-on i tan, ta iy atondrok iri angelo hawe iri lakou boto-on handru badu kandrah ma munyak. Iri lakou mari ja badeh, ereu bahandran ale.

Tarou ta Jon 1:14

Sahou Awas eme asahan Ndramak Awas, ma manyah tan udu hawe taha. Ahi ndranyolom lomada Nadu Ndramak Awas. Iy badeh, Nadu Kindrei ari le. Iy irek ta tikisiy ma hawe iri sahou handru.

La-ukei ta Pol atorou ili tiri lau badu kon Rom 8:29

Ta katin doh, oro are lau le Kindrei ndratanan bwena mene, iy ale ndralebelei oro ndrare len ta iri kameh kakohok kone nadun ma hawe kandriyen tan le amwenen. Ya idah kameh, nadun asahan i tuluton tataha, ma taha asahan somwendreu tan.

1 Jon 4:9

Kindrei badeh, nadun ari le, ya iy atehei iy eme kon munyak, ta aseben taha ta akohok kohan mwasin handru. Ta kandriyen doh, Kindrei leheya taha, buku none iy aso-ok taha handru.

Tarou ta Jon 1:18

Ari ndramak batou Kindrei bwe le. Nadun le ari badeh, atou iy. Iy i buku le Kindrei, iy manyah udu hawe taman. Nadun le bwidiy, eme ma lau marakon atanan iy.

Hiburu 10:5

Eme ma Krais eme bolo kon munyak, iy asehek i buku doh i ta Kindrei: “Ou baso-ok kandriyen ta asun lakou ta salom, hawe adeu ndramas ta salom bwe, arile ou ndrabwidi badak ndrame awas.

Tarou ta Jon 3:16

“Sahou doh handru, tasah Kindrei aso-ok taha lau marakon badu kon munyak tinan labai. Iy eme tikisi taha, ma iy atehei nadun mwan ari le eme tataha. Buku are lau iy atehei budon handru in tan, iy kameh winiyan bamak bwe, ma kohan handru kameh ta udu le buku doh.

Hiburu 1:5

Bwena mene Kindrei tiye i ta nadun i buku doh, “Ou naduk handru, Na dah jo ndrasahan tamam kabwe.” Wari 2:7 Kindrei basehek bala toro angelo tan bala buku doh bwe. Arile iy asehek nadun: “Jo kameh tamam, ma ou kameh naduk.” 2 Samuwel 7:14; 1 Kundruh 17:13

Metiu 24:14

Sahou mwasin dah nyala tondrok ta Kindrei kameh tiyaniy ili isos kon mari, ta iri lau marakon kanuhun, ano kon munyak dah barano.