Hiburu 1:3 - Nyindrou

³ Nadun doh leheyani lomada sun tinan ta taman Kindrei, ma lomadan tinan labai eme tataha, ma konen mara-ei i buku le Kindrei amwenen. Sahou tan nyamun labai, ma tawi iri lakou marakon udu munyak ma kandrah. Iy ndrabwidi gok tan ndrano ta talou iri mwan ma badih ado ta kandriyen ndra-in, ame ta kandriyen mwasin. Ano iy ili manyah udu kandrah mine Kindrei salin, iy boto-on labai.

Hiburu 1:3 Referans Kwoze

Rebelesen 4:11

“Laban, ou Kindrei tahi. Ou mwasin labai ma ou are loken, loken labai, ta iri mwan ma badih kasekesek ou, ma katudun nyaram, ma kado bahandra boto-on tam le ari. Tasah, ou amekes lakou marakon. Na budon tam le amwenen, ou bwidi iri, eme nadah, iri lakou marakon doh udu kede-eh.”

Tarou ta Jon 1:14

Sahou Awas eme asahan Ndramak Awas, ma manyah tan udu hawe taha. Ahi ndranyolom lomada Nadu Ndramak Awas. Iy badeh, Nadu Kindrei ari le. Iy irek ta tikisiy ma hawe iri sahou handru.

2 Korin 4:4

Tasah, kindrei ta wendreya badu munyak dah, iy mene wahei budon tiri mwan ma badih doh batehei budon tiri bala ta Kindrei bwe. Eme ma, sun ta sahou mwasin ma lomada Krais, idoh winiyan bala bolo budon ma ndrine iri bwe, ma iri winiyan akohok Krais bwe, konen i buku Kindrei amwenen.

Hiburu 12:2

Taha katehei mada taha kili le ta Jises, i buku le ndramak sakaliye ta nyorei, madan badeh, anyolom ili le bwena tan. Iy le ari kati budon tataha ma bwena, ma hamon kameh iy bwidi kundruh ta iri budon tataha marakon ano, ma udu mwasin labai ja. Iy ndrabwese-ei bwilima ta iri tatahi iy ili bada kei tondreh, arile iy babudon ta aliy bwe, tasah iy tanan hamon kameh iy udu ta sekesek ta iri lakou marakon iy ndrabwidiy. Na idah iy ndramanyah udu bada koyeu loboho mine Kindrei salin.

Tarou ta Jon 1:4

Iy le badeh, kohan. Kohan anya buku sun ta lomada taha lau badu kon munyak.

Hiburu 10:12

Arile Krais badeh, atehei iy i nyara salom ili ta iri kandriyen ndra-in, eme ma gok tan i buku pris asahan mwasin labai ta udu le buku doh. Ano iy iu ili manyah udu loboho mine Kindrei salin.

La-ukei atorou Jut 1:25

Jo anya kasehek taha, Kindrei ari le doh badeh, udu kandrah. Iy le adeh, andrei taha ame hamon ta gok mari, Laban tataha Jises Krais ndramesekei. Ya, taha badeh, katudun nyaran. Iy kasahan kabin ari le, boto-on mari udu le tan, iy atondrok ma udu bwele-en labai tiri lakou marakon. Bwena mene, iy udu le buku doh. Nadah badeh, iy udu aliy. Hamon ale kameh iy ta udu le buku don ai. Handru.

Hiburu 9:26

Buku iy amekes san solo-an, idah kameh iy kabwese maha-an san solo-an labai, udu ndra bada len Kindrei amekes kon munyak asahan eme ano dah. Arile, na dah taha ndratanan, Krais ndrame kon munyak san rasan le ta edeu iy le amwenen ili ta Kindrei i nyara salom ta talou iri kandriyen ndra-in tataha iu.

1 Jon 1:7

Arile, buku taha adek bolo lomada sun, i buku le iy, taha badeh, katukum ma ndrine taha kamwenen ta nadu tine taha iri rayah ja, ma ndraye Nadu Kindrei, Jises Krais kameh sikinei kandriyen ndra-in tataha mara-ei iu.

Hiburu 4:14

Tinan tiri pris tataha badeh, in aliy. Nyaran Jises, iy Nadu Kindrei. Iy ndra-au ndrala kandrah hawen. Eme ma taha katawi iri budon marakon nane taha ndrasehek ndrala tiri lau badeh, kihis mara-ei.

1 Jon 3:5

Aha ndratanan, Krais eme kon munyak dah badeh, ta sikine kandriyen ma lomondra ndra-in tataha marakon iu. Ya, Jises ndrasikine taha, arile iy badeh, ari kandriyen ndra-in bwe.

2 Pita 1:16

Eme aso aposel mene ndrasehek taha, ma aha ndratanan boto-on ta Laban tataha Jises Krais. Ma aso asehek taha ale, ta iy kameh eme hamon eme kon munyak ja. Arile, aso badeh basehek kundruh laleyah ba-en hamon ta lau abudon, ma aso asehek taha ta nyala boto-on ta Jises Krais, bwe. Na mada aso amwenen, aso anyolom iy andrei lomada Kindrei, ma iy asahan tinan. Eme ma aso asehek nyala aha ta iri lakou mara-ei nane doh.

1 Pita 3:22

Ya idah Krais ndrala loken ndrala bolo kandrah, iy ere loboho lim salin ta Kindrei. Ma Kindrei ndratehei nyaran ndra tinan, ma atehei boto-on i tan, ta iy atondrok iri angelo hawe iri lakou boto-on handru badu kandrah ma munyak. Iri lakou mari ja badeh, ereu bahandran ale.

1 Pita 1:21

Na Jises le badeh, aha atehei budon taha in ta Kindrei. Iy mene ndramete-ei Jises udu bolo lek ta imek ndrame awas ja, ma iy ndratehei nyosowan ndrabun ndrala la-un. Eme ma, aha atehei budon taha boto-on in ta Kindrei, ma aha abe-en iy ta eme akohok aha ala hawen. Ma aha kameh akohok kohan mwasin ma manyah mwasin hawe Krais.

Hiburu 8:1

Eme ta kati sahou nane dah, taha ndrasehek i buku doh: Tinan tiri pris tataha udu aliy, eme iy ndrala ndramanyah udu loboho limen salin ta koyeu ta kabin badu kandrah.

Tarou ta Mak 16:19

Ya eme Laban Jises asehek sahou i toro ano, ma Kindrei andrei iy iu i loken bolo kandrah, ma iy ili manyah udu loboho mine Kindrei salin.

Rebelesen 3:21

Ya, buku are mwan o badih ale ales boto-on udu bolo bahun nane balik amekes i tiri, ma iri baruwani budon tiri handru bwe, iri lau doh, jo kameh tiye iri kame hawek ma katondrok iri lakou marakon hawek, i buku tama aso-ok jo kamanyah kudu hawen ta atondrok lakou marakon.

Hiburu 7:27

Len ari buku ari, gok tiri pris rayah ta adi iri lakou buku bulumakau i ta salom. Ma bwena badeh, iri amekes salom ta ruwani kandriyen ndra-in tiri amwenen iu. Ano ja, iri amekes salom ta ruwani kandriyen ndra-in tiri lau mwan ma iri badih marakon. Arile Jises bamekes bala buku iri amekes doh bwe. Iy amekes salom badeh, san rasan le, iy atehei kohan le amwenen ili ta Kindrei.

Aposel 2:33

Iy ales ili udu loboho lim salin ta Kindrei ma akohok Malawin Ndrabun udu mine taman mene tandrakan. Ma iy solowei Malawin Ndrabun eme, i buku none ado atou hawe anuhun dah. Lakou doh badeh, Jises edeu eme taso.

Tarou ta Jon 1:29

Udu len ari ja, Jon anyolom Jises edek ales eme hawen, ma iy aloh, “Kede-eh Nadu Sipsip ta Kindrei, iy le adeh andrei taha ame len ta kandriyen ndra-in badu kon munyak.

Kolosi 3:1

Ya, Kindrei badeh, ndratehei kohan ha-un ndrawek taha, ma iy ndramete-ei aha amak ndrame awas hawe Krais. Eme ma, aha badeh, kabadok ta akohok iri lakou badu kandrah doh. Ere kon doh, Krais badeh, udu buku kabin, ma Kindrei suruni nyaran iu ili loken mara-ei.

La-ukei ta Pol atorou ili tiri lau badu kon Rom 8:34

Are lau winiyan tiye anya taha ndrandra-i? Lau bwe! Krais Jises le badeh, mene imek, ya eme ja, iy amak eme loken ili manyah udu kabede taman loboho lim salin! Ya eme iy le aseben taha na sahou.

Aposel 7:56

Eme iy anya, “Ado kanyolom! Jo anyolom bolo kandrah asak ma jo anyolom Nadu Ndramak Awas ales udu lim salin ta Kindrei.”

La-ukei ta Pol atorou ili tiri lau badu kon Rom 1:16

Jo banoh ma bwilik bama ta sahou mwasin ta Krais bwe, tasah idoh badeh, boto-on ta Kindrei ta akohok are lau iri atehei budon tiri handru i ta sahou mwasin doh ame hamon. Sahou doh ma mwena i tiri Juwis, ano badeh, i tiri lau badu leheleh ale.

Hiburu 9:16

Buku ari ndramak iy tanan iy kameh imek, ma iy tiye ta are lau le winiyan akohok iri lokowan, iy luhi o torowenei nyara iri ma saba lakou handru iri akohok. Idoh i buku sahou randra le. Udu hamon ja, buku nadun anya ki-in hamon ta sahou randra le, ta akohok iri lakou ta taman, iri lau badeh katana iri mwena ta taman ndramak. Ano iy barakohok.

Metiu 22:24

“Ndramak ta leheya, Moses bwena mene anya, ‘Buku none ari ndramak imek, ya iy nadun bwe, nadu tinen kameh kandrei nyau tan ki udun, ya iy katehei nah ki tan, ma nah doh ki nyara nadu tinen, ya nyara nadu tinen sa-au, ndri-iy.’ Dutoronomi 25:5

Taitus 2:14

Iy le badeh, atehei iy imek i saluwe taha ta akunoh taha ta lakou ndra-in taha amekes, ma sikinei taha amwenen mara-ei, ma mesekei taha asahan lau tan handru, ma mesekei taha anya kamekes kandriyen mwasin le.

Hiburu 1:13

Kindrei winiyan basehek bala ta ari angelo tan bwe: “Ou ame manyah ado loboho minek salin, winiya jo le baratehei iri lau ta amekes budon ndra-in i tam barado bahandra katim.” Wari 110:1 Kindrei asehek sahou doh ili ta nadun amwenen.

2 Pita 1:17

Na bolo iri len mara-ei doh ale, tama taha Kindrei badeh, atudun ma suri Laban tataha Jises Krais iu ili loken mara-ei, ma iy atehei lomadan mwasin labai doh i tan, ma iy asahan i randrah labai. Aso badeh, areu aliy anyolom iy. Ma Kindrei badeh, udu bolo kandrah ma lomadan, asehek i buku doh: “Iy ndramak badeh, naduk. Jo aso-ok iy labai. Jo badeh, sekesek tinan labai tan.”