Hiburu 1:2 - Nyindrou

² Arile udu bolo len tataha hamon kada-ah, Kindrei asehek sahou eme tataha i san ta nadun ari le mwan. Kindrei leheyani nadun doh ta akohok iri lakou marakon. Na nadun le, iy bwidi lakou marakon asahan.

Hiburu 1:2 Referans Kwoze

1 Korin 8:6

Kindrei tataha badeh ari le. Iy badeh, tama taha mari. Iy bwidi iri lakou marakon ma taha tan amwenen. Jises Krais le ari badeh, iy Laban tataha. Iri lakou marakon iy amekes, iy le badeh, edeu kohan eme tataha.

Tarou ta Jon 1:3

Na iy le badeh, lakou marakon asahan. Buku iy bwe, lakou marakon winiyan basahan bwe.

Tarou ta Jon 1:14

Sahou Awas eme asahan Ndramak Awas, ma manyah tan udu hawe taha. Ahi ndranyolom lomada Nadu Ndramak Awas. Iy badeh, Nadu Kindrei ari le. Iy irek ta tikisiy ma hawe iri sahou handru.

1 Pita 1:20

Bwena mene Kindrei babwidi kon munyak dah bwe le badeh, iy ndranyowonyani Jises Krais ta amekes gok ta akunoh taha ame hamon. Ya, na len dah, Kindrei ndraleheyani iy ndrame lewan udu kala iy mene imek ereu bada kei tondreh ereu mada lau mari. Iy imek ta aseben taha lau mara-ei badu munyak.

Metiu 28:18

Eme Jises eme mirihik toro ma tiye toro anya, “Boto-on ma lakou mari badu kandrah ma munyak badeh udu minek.

Tarou ta Jon 13:3

Jises tanan taman badeh, ndratehei iri boto-on marakon ndrala bahandra tondrok tan, iy udu hawe Kindrei eme, ano iy kameh iu ili loken hawen ja.

Metiu 17:5

Pita asehek sahou kahis le, asi kandrah ari anya labai ili tubuluhi oro. Ya sahou randra asahan bolo asi kandrah nane asehek i buku doh, “Idah naduk handru. Jo aso-ok iy labai, ma jo sekesek tan handru. Ado kanuhun sahou tan.”

Hiburu 11:3

Taha atehei budon tataha in ta Kindrei, eme ma taha ndratanan, Kindrei badeh, bwidi kandrah hawe munyak, na sahou batanau tan le amwenen. Lakou mari taha ndranyolom, Kindrei amekes na lakou taha winiyan banyolom na mada taha bwe.

La-ukei ta Pol atorou ili tiri lau badu kon Rom 8:17

Ya, i buku none taha ndrasahan nadun, idah kameh, taha akohok nyosowan mwasin tan udu hawe iri lau tan. Ma idah kameh, taha ma hawe Krais kameh atondrok lakou mene Kindrei atehei udu mine Krais, arile taha ma mwena kabwese maha-an ma isi, iri lau kamekes keme tataha op, ano kameh Kindrei edeu manyah mwasin eme tataha i le buku manyah mwasin ta Krais.

Tarou ta Jon 3:16

“Sahou doh handru, tasah Kindrei aso-ok taha lau marakon badu kon munyak tinan labai. Iy eme tikisi taha, ma iy atehei nadun mwan ari le eme tataha. Buku are lau iy atehei budon handru in tan, iy kameh winiyan bamak bwe, ma kohan handru kameh ta udu le buku doh.

Metiu 26:63

Arile bwai, iy andru-uk le ai. Ano, tinan tiri pris asehek sahou i tan ja anya, “Jo ndremenya ou na nyara Kindrei kohan udu aliy, ya ou tandrakan handru ki loken ma ou tiye taso. Ou kede-eh Krais handru deh bwe? Ya ou Nadu Kindrei?”

Metiu 21:38

“Arile oro salibah ta bilin atou nadun edek eme, ya oro asehek sahou ndrokowa oro buku doh, ‘Ei, nadun eme, to kadai iy, ma to kakuhi iri lakou tan mari.’

Hiburu 5:8

Jises badeh, Nadu Kindrei, arile iy bwese isi tinan labai. Ta san le doh, ma iy i tanan kandriyen handru ta in hamon ta sahou ta taman.

Epesus 1:10

Budon doh, Kindrei kameh bwidi marakon ano, ta len ta aliy amwenen, ta atukum lakou marakon iy amekes i le se, iri lakou marakon badu kandrah, ma udu bwele-e munyak ma Krais le ari atondrok iri marakon.

Hiburu 7:3

Melkisedek iy ari taman ma tinen bwe, iy ari tubun bwe ale, ari len ta tinen edeu iy bwe, o ari len ta iy imek bwe le. Iy ari saren bwe. Eme ma gok tan ta pris kameh ta udu le buku doh, i buku Nadu Kindrei.

Hiburu 2:3

Buku taha teleya lakou laba tinan ta akohok taha, taha katobwak barala buku sah handru? Laban ndrasehek nyala seben doh ma bwena ndrame tataha, eme iri lau nane anuhun sahou tan, ame asehek tataha ja, “Sahou doh ndra handru le.”

Hiburu 1:5

Bwena mene Kindrei tiye i ta nadun i buku doh, “Ou naduk handru, Na dah jo ndrasahan tamam kabwe.” Wari 2:7 Kindrei basehek bala toro angelo tan bala buku doh bwe. Arile iy asehek nadun: “Jo kameh tamam, ma ou kameh naduk.” 2 Samuwel 7:14; 1 Kundruh 17:13

Epesus 3:9

Bwena mene, Kindrei bwidi iri lakou marakon, ma na len doh badeh, iy tone iri budon tan ta iri kandriyen marakon hamon iy anya kamekes. Ya, budon doh mene aton udu bwena, eme ano dah. Arile, na dah, iy atehei jo ta asehek aleu eme lewan iri budon tan dah.

Galesiya 4:4

Eme na len ta aliy amwenen asahan, Kindrei suni nadun amwenen eme. Iy asahan eme len ta badih awas eme udu baha kandriyen ma batanau malen tiri lau badu Juwis.

Aposel 10:36

Ya idah badeh, ado tanan sahou mene Kindrei tiye i tiri lau badu Isra-el, ta iri katiye sahou mwasin ta amekes mondrei i san ta Jises Krais, iy le ari, Laban ta lau mari.

Tarou ta Jon 15:15

Jo winiyan baloh aha bonyo-ou ja bwai, tasah iri bonyo-ou bala tana iri ta saba lakou handru iri kabin amekes bwe. Akohok kon ta bonyo-ou eme jo aloh aha kawas tek le, tasah jo ndrasihidiy ndrawek taha iri lakou marakon mene jo anuhun eme ta tama.

La-ukei atorou Jut 1:18

Oro asehek nyala ado i buku doh, “Len hamon eme kameh, iri lau ta bobose kameh asahan, ya iri kameh adeu kona iri i ta Kindrei. Ya iri kameh an hamon ta budon tiri ma so-ok ta bada iri amwenen.”

La-ukei ta Pol atorou ili tiri lau badu kon Rom 1:4

Na len Kindrei mete-ei iy amak eme loken ja, Malawin Mwasin ta Kindrei leheya taha buku, Kindrei atehei nyosowan i la-un, ma hawe boto-on i tan ta atondrok lakou tan mari. Iy badeh, Laban Jises Krais.

Aposel 2:17

“Kindrei anya, ‘Suniya len anya kano kameh, jo kameh solowei Malawik i la-u lau mari badu kon munyak. Ya iri nadu ado mwan ma badih kameh asehek sahou i buku iri propet, ma iri lau loweu tado kameh amekes lele, ma hawe oro lau tado ndrala bada ndramak kameh ameh solo-an.

Tarou ta Jon 17:2

Tasah ou ndratehei boto-on tam ndrame tek ta atondrok iri lau marakon, ma jo kameh edeu kohak udu luluwen ili toro lau nane oro atehei budon toro in tek.

Tarou ta Jon 16:15

Iri lakou ta tama marakon badeh, tek. Eme ma jo tiye ili ta Malawin Mwasin kameh kandrei lakou jo edeu i tan, ma iy kasihidiy kewek taha.

Tarou ta Mak 12:6

Ano, ari le badu bolo oro erah ya idoh nadun amwenen, ya iy badeh, aseken iy labai. Eme tama bilin nane abudon buku doh, ‘Sebwe oro kameh anuhun boho naduk.’

Tarou ta Mak 1:1

Idah sahou mwasin ma mwena asahan ta nyala Jises Krais, Nadu Kindrei.

2 Pita 3:3

Arile, ma laba tinan badeh, bale ado samani lakou dah: Na len eme kameh iri lau rayah ta amekes kandriyen ndra-in kameh asahan, ma iri a-en hamon ta amekes bada iri. Iri lau doh badeh, ta bobose.

Hiburu 1:8

Arile iy asehek ta nadun: “Tondrok tam, O Kindrei, ta udu le buku doh, winiyan bandra-i bwe! Ou tondrokei iri lau tam kado le tiri kandriyen mwasin.

Jenesis 49:1

Ano badeh Jekop luhi nadun oro mari ame ano i tiye, “Ado mari kawudi jo, ya jo kasehek sahou ki tado ta sasah kameh asahan tado na len hamon kameh eme:

Hiburu 9:26

Buku iy amekes san solo-an, idah kameh iy kabwese maha-an san solo-an labai, udu ndra bada len Kindrei amekes kon munyak asahan eme ano dah. Arile, na dah taha ndratanan, Krais ndrame kon munyak san rasan le ta edeu iy le amwenen ili ta Kindrei i nyara salom ta talou iri kandriyen ndra-in tataha iu.

Tarou ta Jon 3:25

Eme losen sese asahan ndrokowa oro lau ta Jon ma hawe ndramak ari badu Juwis, ta kandriyen ta sikine iri lakou ta salom.

Metiu 3:17

Eme ya aloh ari udu kandrah tiye i buku doh, “Badeh naduk handru, jo aseken iy labai, iy le mesekei jo sekesek handru tan.”

Metiu 13:39

Iy lau ta bahun i ta Kindrei eme tahi buwa bwidiu na ben, idoh, balik. Ya len ta akohok nyamon kameh, leheya buku none munyak dah anya kano ai. Iri lau ta gok badeh, iri angelo ta Kindrei.

Tarou ta Mak 12:7

Arile oro salibah ta bilin suburuk i toro ari ari i buku doh, ‘Ei, nadun eme, to kadai iy, ma to kakuhi iri lakou tan mari.’

Tarou ta Jon 1:10

Sahou Awas badeh, ndra bwena labai ndra-en bolo kon munyak. Kon munyak asahan badeh, na iy le amwenen. Arile, iri lau badu kon munyak badeh, bala tanan iy bwe.

Tarou ta Jon 5:26

Tama badeh, kati kohan handru udu tan. Iy edeu boto-on ta kati kohan handru ili ta nadun ale.

Tarou ta Jon 5:27

Ma iy ale ndratehei boto-on ndrala ta nadun ta edeu lau ala ta mada sahou, tasah iy Nadu Ndramak Awas.

Tarou ta Jon 9:29

Ahi tanan Kindrei badeh, asehek sahou i ta Moses, arile ta i ndramak badeh, ahi tanan iy bwai, ma ahi bala tanan, iy badu heh, bwe.”

1 Korin 2:7

Iri tanan jo asehek badeh, iri tanan ndrabun ta Kindrei mene aton ta lau. Kindrei bamekes kon munyak bwe le, iy badeh, ndratandrakan tanan doh bwena labai, ta aseben ma ta akohok taha ala bolo lomadan udu kandrah.

Hiburu 3:6

Arile Krais, iy Nadu Kindrei mwasin labai. Iy atondrok asiu ta Kindrei mara-ei. Taha mari badeh, asiu ta Kindrei, buku taha sanoh ta atehei budon tataha boto-on in tan, ma taha sawoyah ta atondrok iy. Badeh, taha lau tan handru.

Hiburu 4:14

Tinan tiri pris tataha badeh, in aliy. Nyaran Jises, iy Nadu Kindrei. Iy ndra-au ndrala kandrah hawen. Eme ma taha katawi iri budon marakon nane taha ndrasehek ndrala tiri lau badeh, kihis mara-ei.

Hiburu 7:28

Kandriyen malen ta Moses ta akohok ndramak asahan tinan tiri pris, iri akohok ndramak nyamun bwe, ma iy ta amekes kandriyen ndra-in. Arile sahou ma tandrakan ta Kindrei badeh, asahan hamon labai ta kandriyen malen ta Moses. Eme ma sahou nane doh, atehei nadun asahan tinan tiri pris handru. Iri gok mari Kindrei aso-ok iy kamekes, iy bwidi marakon ndrano, ma ndra mwasin le ai.

Tarou ta Jon 13:32

Buku Kindrei atudun iy, se nawin bwe iy atudun uru nadun i le rasan.