Hiburu 1:10 - Nyindrou

¹⁰ Iy asehek ta nadun ale: “O Laban, ndra bwena mene ou bwidi kon munyak, ma, na minem amwenen ou bwidi kandrah ja.

Hiburu 1:10 Referans Kwoze

Jenesis 1:1

Ma mwena handru badeh Kindrei mwesekei munyak ma kandrah.

Rebelesen 3:14

Iy ndramak doh tiye jo ja i buku doh, “Ou atorou rayah sahou kili ta angelo ere bwena tiri lau ta Kindrei are kon Leyodisiya. Sahou kili buku doh: ‘Iri sahou dah, tek amwenen. Jo badeh, kati iri sahou handru, ma jo badeh, ta atiye le sahou handru. Jo badeh, kati iri lakou mara-ei Kindrei ndrabwidiy. Eme ma jo suni sahou dah ewek taha.

Hiburu 12:27

Sahou doh, “san rasan ja” iy leheya taha i buku doh: Iri lakou bwena Kindrei mene amekes buku kandrah hawe munyak, na idah iy nyokoda, iri lakou ale doh kameh ano, ma winiyan bado ja bwe. Arile iri lakou iy bandrokonya bwe, badeh iri lakou handru badu kandrah, kameh ta are le buku doh, winiyan ba-au bwe.