Galesiya 4:3 - Nyindrou

³ Eme ma, nadu sahou sokek jo nane torowenei dah badeh, moson ta aliy i buku doh: I buku taha mene are ndra buku iri nah bwisik badeh, ta budon tataha, ma taha mene a buku bonyo-ou, tasah kandriyen ma batanau solo-an nane badu bolo munyak atondrok taha.

Galesiya 4:3 Referans Kwoze

Kolosi 2:20

Aha tanan, aha badeh, ndramak hawe Krais, ma aha ndramani batanau ndra-in tiri kabin ta bwena tiri malawin ndra-in badu munyak dah. Buku sah handru, na dah ja, aha anya kadek buku iri mwan ma badih badu kon munyak? Kora-on aha ndranuhun rayah mwan ma badih anya kariu aha, ma a-en hamon ta batanau doh:

Kolosi 2:8

Ya, aha katondrok aha kamwenen. Kora-on iri lau rayah kadeu sahou laleyah, ma sahou yoyou kewek taha ta iri budon solo-an ta aha ka-en hamon ta aliy. Ma iri kameh kawendreyani aha ta sahou dah, ma aha kameh anuhun boho iri. Iri lau doh badeh, akohok tanan ta tubu iri, ma tiri malawin ndra-in ale atondrok iri lakou badu kandrah, ma kon munyak. Iri tanan sahou ta Krais bwe.

Galesiya 4:9

Arile, na dah, aha ndratana aha Kindrei handru. O, sebwe jo katiye taha ki buku doh: Kindrei ndratanan aha. Ya, i buku sah ja, aha anya kala hamon ja kala hawe iri malawin ndra-in ja? Iri nyamu iri bwe, ma iri winiyan bala ari lakou handru bwe. I buku sah, aha anya kala bonyo-ou tiri ja?

Galesiya 2:4

Tasah iri lau rayah ta wasai ame bolo oro i buku nadu tine oro tiye anya, are lau anya kasahan lau ta Kindrei badeh, kasan ku-in. Arile winiyan bwe. Iri lau doh badeh, lalou, ya iri aton ame le ta anya kasilah manyah mwasin taha akohok udu bada Jises Krais. Tasah, manyah tataha ba-en hamon ta kandriyen malen bwe. Ma iri anya kamekes taha kasahan bonyo-ou ta kandriyen tiri Juwis.

Galesiya 4:31

Eme, aha nadu tine, taha badeh, lundriye badih ta bonyo-ou bwe. Taha bonyo-ou bwe, taha badeh, lundriye udu Abraham ta badih bwena labai, eme ma taha ado mwasin ai.

Aposel 15:10

Eme ya, i buku sah ado anya kanone Kindrei ma anya kadeu maha-an ki la-u iri lau ta budon handru? Idoh badeh, iri tubu taha hawe to winiyan babwese-ei bwe ale.

La-ukei ta Pol atorou ili tiri lau badu kon Rom 8:15

Eme ya, aha bakohok Malawin Ndrabun ta nohowa aha bwe, arile, na Malawin Ndrabun le idih udu bolo oda aha mesekei aha asahan nadu Kindrei handru. Ma na iy le, taha aloh Kindrei anya, “Tama, tama.”

Tarou ta Jon 8:31

Jises eme asehek tiri Juwis nane atehei budon tiri in tan, “Ya, buku aha anuhun sahou tek, ma aha an hamon tiri leheya tek badeh, aha lau tek.

Hiburu 7:16

Iri Libai asahan pris, tasah kandriyen tiri malen asehek i buku aliy. Arile, ndramak asahan pris i buku le Melkisedek, nyamu kohan badeh, boto-on labai udu le buku doh, eme bwidi iy asahan pris.

Galesiya 4:25

Haga badeh, moson i buku mandrei Sainai udu bolo kon Arabiya. Eme, kandriyen ta bonyo-ou badu ta Haga ndrame Jerusalem na dah, tasah iy ma hawe lundriyen oro badeh, bonyo-ou kahis le.

Galesiya 3:19

Ya, lahou ta batanau malen i buku sah bah? Kindrei mene aseken kati kandriyen ndra-in keme lewan. Eme ma, hamon ta iy edeu sahou tandrakan i ta Abraham, iy edeu batanau malen ale. Idoh ta leheya batanau malen doh boto-on ta aliy eme taku kabatana lundriye Abraham le barasahan. Ya ta lundriye Abraham le doh, Kindrei amekes sahou tandrakan i hawen. Ya lakou ari ja i buku doh, batanau malen mene Kindrei atehei i kani iri angelo, ano iri angelo atehei i kani iri lau badu Isra-el.

Metiu 11:28

“Aha lau mwan ma badih abo gok boto-on labai ta asahan mwasin ereu mada Kindrei, ma akohok maha-an labai, aha mari kame hawek, ma jo kabwidi aha kamunyau.

La-ukei ta Pol atorou ili tiri lau badu kon Rom 7:14

Taha tanan, batanau malen badeh, Kindrei le edeu. Arile jo badeh, ndrala bonyo-ou ta karei ma lomondra ndra-in, tasah jo ba-en hamon ta seken ta Kindrei bwe.

2 Korin 11:20

Iri sahou mara-ei doh handru! Buku rayah lau ame ma atondrok aha, o iri kame kandrei lokowa aha mara-ei kano ki-iu, o iri kandrek aha ka-en hamon ta sahou tiri, o iri kati-i aha, o kaluhani aha, ma kasehek sahou ta bobose aha, aha batikahei iri bwe. Aha anyolom iri le ai.

Galesiya 4:2

Tasah, iy mene ma bwisik badeh, iy in hamon ta sahou tiri lau ta atondrok iy, ma iy i buku ndramak ari laleyah ta gok le, winiya na len le taman barasan ben tan.

Galesiya 4:8

Bwena mene ndra-au, aha tana aha Kindrei bwe. Eme aha a bonyo-ou tiri kindrei rayah ja; iri doh badeh, Kindrei handru bwe.

Galesiya 4:24

Eme budon dah, moson asahan i la-uh. Uru badih ma la-uh leheya sahou lundra. Nadu Haga oro, sahou randra le, badeh, ari ai. Ya oro badu mandrei Sainai, atehei oro ta asahan bonyo-ou.

Hiburu 5:12

Aha akohok tanan badeh, luluwen labai, eme ma Kindrei aso-ok aha kaleheya iri rayah ja ta sahou tan. Arile aha winiyan bwe, aha aso-ok ari ndramak kudu ndra hawe aha kaleheya aha ta sahou handru ta Kindrei mara-ei kili hamon ja. Akohok kon ta nyamon boto-on, aha aso-ok ta a-un sur kahis.