Galesiya 4:2 - Nyindrou

² Tasah, iy mene ma bwisik badeh, iy in hamon ta sahou tiri lau ta atondrok iy, ma iy i buku ndramak ari laleyah ta gok le, winiya na len le taman barasan ben tan.

Galesiya 4:2 Referans Kwoze

1 Korin 4:15

Buku lau nyaran bwe leheya aha ta kandriyen ta Krais, jo le ari badeh, tama aha handru. Tasah, jo ndrasehek taha ta nyala Krais Jises, ma aha ndrasahan naduk handru.

Galesiya 4:1

Ya, kandriyen tataha ari badeh, i buku sahou sokek ta amekes moso sahou jo atorou dah kaleu kamwenen. Buku ndramak ari munyak tan ranah laba tinan udu aliy, ya, buku iy ndramak doh, nadun mwan ari udu aliy. Nadun amwenen badeh, ibo gok udu bwele-e munyak doh, luluwen labai i buku ari bonyo-ou. Udu hamon, buku taman anyolom nadun ndrasahan awas handru, iy kameh winiyan tiye nadun ta atondrok munyak tan doh.

Galesiya 4:3

Eme ma, nadu sahou sokek jo nane torowenei dah badeh, moson ta aliy i buku doh: I buku taha mene are ndra buku iri nah bwisik badeh, ta budon tataha, ma taha mene a buku bonyo-ou, tasah kandriyen ma batanau solo-an nane badu bolo munyak atondrok taha.

Tarou ta Jon 15:7

“Buku aha ahis hawek ma aha tawi iri sahou tek udu ndrine aha ihis, aha winiyan ndremenya jo ta iri saba lakou aha aso-ok. Jo kameh winiyan atehei ewek taha.

Galesiya 3:24

Handru labai. Krais bame bwe le badeh, taha are ndra bahandra tondrok ta batanau malen. Ya lahou ta batanau malen doh ta tiyani taha ala hawe Krais, ta taha katehei budon tataha handru ki tan, eme ma Kindrei winiyan aloh taha mwasin mara-ei ta madan.