Galesiya 1:4 - Nyindrou

⁴ Kindrei mene suni Jises eme andri kon munyak, iy le amwenen imek ta sikine karei ma lomondra ndra-in tataha. Iy bwalen iri kandriyen ndra-in badu munyak dah kabokoro-ei taha. Eme ma, iy eme dah badeh, ta aseben taha, ta iri kandriyen doh kameh winiyan baluwi taha bwe. Idoh, in hamon ta seken ta tama taha Kindrei le.

Galesiya 1:4 Referans Kwoze

Metiu 20:28

Idoh le Nadu Ndramak Awas eme ta iri lau kabo gok i tan bwe. Iy eme ta aseben iri, ma ta edeu kohan ta akunoh lau mari.”

La-ukei ta Pol atorou ili tiri lau badu kon Rom 4:25

Iy mene atehei Jises i mine iri lau adai iy imek ta sikine karei ma lomondra ndra-in tataha. Ano Kindrei mete-ei iy eme loken ja ta leheya taha buku iy amekes ndrokowa taha asahan mwasin i hawen ma ta iy winiyan aloh taha lau mwasin mara-ei ta madan.

Galesiya 2:20

Jo mene imek hawe Krais udu bada kei tondreh tan, eme na dah, jo badek ba-en hamon ta so-ok tek le amwenen ja bwai, arile na len dah badeh, Krais manyah udu hawek ma jo edek in hamon ta so-ok tan. Handru, na len dah, jo manyah le na budon tek handru i ta Nadu Kindrei. Tasah, iy le tikisi jo, ma iy le akohok kon tek imek udu ta kei tondreh.

1 Pita 2:24

Krais mene ndrabwese-ei kandriyen ndra-in tataha mari ere bolo odan, kala iy mene sukik udu bada kei tondreh. Iy mesekei kandriyen doh ta sikinei taha ta kandriyen ndra-in tataha, ma mesekei taha asahan lau ha-un ja. Ma taha kamekes kandriyen buku Kindrei le aso-ok, tasah Krais ndramak ta kandriyen ndra-in tataha, ma mesekei taha ndrasahan ndramwenen ja.

Taitus 2:14

Iy le badeh, atehei iy imek i saluwe taha ta akunoh taha ta lakou ndra-in taha amekes, ma sikinei taha amwenen mara-ei, ma mesekei taha asahan lau tan handru, ma mesekei taha anya kamekes kandriyen mwasin le.

2 Korin 4:4

Tasah, kindrei ta wendreya badu munyak dah, iy mene wahei budon tiri mwan ma badih doh batehei budon tiri bala ta Kindrei bwe. Eme ma, sun ta sahou mwasin ma lomada Krais, idoh winiyan bala bolo budon ma ndrine iri bwe, ma iri winiyan akohok Krais bwe, konen i buku Kindrei amwenen.

1 Timoti 2:6

Iy le badeh, atehei kohan ta akunoh taha lau mari. Idoh asahan handru eme lewan amwenen le, ta Kindrei anya lau mari badeh, samak.

Epesus 2:2

Ya, kala len doh badeh, aha an ndra hamon ta kandriyen ndra-in badu kon munyak. Aha an ndra hamon ta tinan tiri malawin ndra-in balik. Na bolo len dah, malawin ndra-in doh edek ili bolo ndrine iri mwan ma badih ale, ta tebelese sahou ta Kindrei, ma iy atondrok iri.

1 Tesalonaika 3:13

Buku aha amekes i buku doh, Kindrei kameh winiyan atadau ndrine aha ma manyah taha amwenen. Ma hamon ta len doh, Laban Jises tataha kameh eme hamon ja, hawe iri lau tan marakon. Idah kameh ndrine aha udu mwasin mara-ei, ma aha ari ndra-in ta mada tama taha Kindrei ja bwe.

La-ukei ta Pol atorou ili tiri lau badu kon Rom 12:2

Ma aha sa-en hamon ja ta tekedek ndra-in tiri lau badu munyak dah amekes, ndri-iy. Arile aha kasokosowei budon ndra-in ki-iu na budon mwasin ta Kindrei. I buku none aha a-en hamon ta aliy, idah kameh, aha takalahei seken ta sasah Kindrei anya aha kamekes. Ma iy kameh sekesek, tasah, sasah iy tiye aha ta amekes badeh, ndra amwenen le.

Pilipai 4:20

Eme ya taha mari kamasiye ma hawe katudun tama taha Kindrei kudu le buku doh. Handru.

Epesus 5:2

Kandriyen ta aso-ok iri mwan ma badih badeh, katondrok koha aha, buku iy mene atondrok koha Krais. Iy mene tikisi taha, ma iy atehei kohan amwenen eme ta aseben taha. Iy imek, ma atehei kohan ili ta Kindrei i nyara salom manahu buburen labai.

Rebelesen 5:9

Iri ame ayah wari ari ha-un i buku doh: “Ou mwasin handru ta andrei buk doh, ma sudi tobwe marakon nane iu. Tasah, iri mene adai ou amak, ma na ndrayem amwenen, ou ndrakonohei iri mwan ma badih ndrame hamon, ta Kindrei. Ya, ou badeh, ndrakonohei iri mwan ma badih ndrame hamon ja. Iri lau doh badu boho kamen mari, ma boho kon rakon rakon badu kon munyak mari, ma iri lau bada iri randrah, randrah, ma badu kon munyak tinan mara-ei. Eme ma, nadah badeh, iri mara-ei ta Kindrei le ari kabwe.

1 Jon 3:16

Jises ruwani kohan ta aseben taha, ya na kandriyen iy amekes, taha ndratana taha, kandriyen ta tikisiy ma aso-ok ndramak ari ja. Eme ma taha ale kalokou taha ta adeu koha taha ta aseben ndramak ari ja.

1 Jon 2:2

Ya, Krais le badeh, i nyara salom ta sikine ma mani kandriyen ndra-in tataha mari iu. Iy amekes lahou doh badeh, ta aseben taha le bwe, iy amekes ta aseben lau mara-ei badu kon munyak.

1 Pita 3:18

Aha abudon Krais ale. Kandriyen tan mwasin handru, arile iy akohok andra-i ale. Ma iy badeh, ndramak, san rasan le ta kandriyen ndra-in tataha. Iy bamekes ari kandriyen ndra-in bwe, arile iy ili i buku saluwe taha ta kandriyen ndra-in tataha. Eme ma, iy anya kakohok taha kala hawe Kindrei. Iri adai iy, odan buku none taha dah, arile iy amak eme awas ja na Malawin Mwasin.

Jemis 4:4

Aha badeh, ndraruwani Kindrei, i buku le badih ndraruwani udun, ya iy ndrasahan badih ta madasarah. Buku ari mwan o badih, iy aso-ok kandriyen badu kon munyak labai, iy lau le doh kameh baseken Kindrei bwe. Sebwe, aha tana aha bwe nadeh? Jo katiye taha ja, buku none ari ndramak anya kasahan kawas ta kandriyen badu kon munyak, iy ndrasahan lau ta bahun i ta Kindrei.

Hiburu 6:5

Iri ndratanan sahou ta Kindrei mwasin ma boto-on labai, ma iri ndratona ta boto-on ta Kindrei kameh asahan tiri mwan ma badih.

2 Tesalonaika 2:16

Laban tataha Jises Krais hawe tama taha Kindrei mene tikisi taha. Eme ma Laban bwidi kandriyen mwasin eme tataha, ma bwidi budon tataha amwenen udu le buku doh. Ma iy aseben taha ta budon, ma taha atondrok Kindrei kamekes manyah tataha kudu mwasin.

Tarou ta Jon 12:31

Na len idah kameh Kindrei atehei lau marakon badu kon munyak a ta sahou; na idah kameh iy tikahei kabin badu kon munyak dah iu.

Metiu 26:28

Tasah, idah ndrayek ta sahou randra le, ndrayek amou ta sikine lau mari ta kandriyen ndra-in tiri.

Hiburu 9:14

Arile, ndraye Krais doh udu bwele-en labai ja, ta ndraye me ma bulumakau. Iy atehei kohan mara-ei amwenen ili ta Kindrei i nyara salom. Eme ma ndrayen doh basikine ndraka-an ta bada taha le bwe, iy sikine taha mara-ei handru, ma ndrine taha batona maha-an ja ta iri ndra-in mwena mene taha amekes, bwe. Ma iy tolowei iri kandriyen solo-an, taha amekes laleyah, ari kohan handru amwenen bwe. Eme ma taha katawiy kihis gok ta Kindrei doh, kohan handru udu aliy. Tasah, Krais ari ndra-in bare tan bwe. Bwe labai. Ma na boto-on ta Malawin Mwasin, iy amekes gok doh kameh ta udu le buku doh.

Hiburu 2:5

Taha kasehek ma katehei budon tataha kili ta munyak ha-un, Kindrei kameh amekes hamon. Iy batehei bala bahandra iri angelo tan bwe.

1 Tesalonaika 3:11

Handru, aso aso-ok anya, tama taha Kindrei amwenen hawe Jises, Laban tataha, kasihi san taso, ma aso winiyan awek hawe aha.

Epesus 6:12

Tasah? Taha badeh, bamekes bahun hawe iri lau le bwe. Taha badeh, amekes bahun hawe iri malawin ndra-in ere bolo kandrah. Ya, taha amekes bahun hawe iri kabin ma iri lau ta bwena, ma iri malawin ndra-in boto-on en, iri ale atondrok kandriyen ta lulik badu kon munyak dah.

Epesus 1:11

Kindrei badeh, in hamon le ta budon tan amwenen, iy andromwei taha, ma atehei taha ala ahis hawe Krais. Ehe, buku Kindrei abudon ta amekes ari lakou, iy kameh amekes le. Saba lakou iy anya kamekes na dah, idoh udu budon tan bwena mene ale.

Galesiya 6:14

Arile, jo le, jo winiyan batudun nyarak o nyara ndramak ari ja bwe. Jo kamasiye kei tondreh ta Laban tataha Jises Krais le. Tasah iy le imek udu bada kei tondreh tan. Ya, na lahou iy amekes doh, boto-on tiri kandriyen mari badu munyak badeh, ndramak ale udu budon tek. Ya, idoh ale, i buku jo imek udu bada kei tondreh hawen, eme ma jo winiyan ba-en hamon ta kandriyen badu munyak ja bwe.

La-ukei ta Pol atorou ili tiri lau badu kon Rom 8:32

Kindrei batawi nadun amwenen ba-en gwek bwe, arile iy atehei nadun eme bwese isi ma imek ta akunoh taha mari. Handru, taha ndranyolom iy badeh, ndratehei nadun oh! Ya, idah kameh, aha abudon anya iy winiyan batehei lakou mwasin mari bame tataha bwe? Bwe, idah kameh, iy atehei laleyah i ta nadun ma i tataha ale.

La-ukei ta Pol atorou ili tiri lau badu kon Rom 8:3

Tasah, batanau malen badeh, boto-on tan winiyan basakalawi boto-on ta karei ma lomondra ndra-in bwe. Iy badeh, nyowonya le karei ma lomondra ndra-in udu bolo oda taha, ma iy winiyan basikine ba-au bwe. Arile, Kindrei le suni nadun amwenen asahan awas i buku taha ndramak ta karei ma lomondra ndra-in, i nyara salom, ma iy imek ta aseben taha mari. Handru, Kindrei le badeh, atehei Krais i buku none ndramak ta amekes karei ma lomondra ndra-in i saluwe taha.

La-ukei ta Pol atorou ili tiri lau badu kon Rom 1:7

Eme ya, jo Pol amwenen atorou la-ukei dah badeh, ewek taha lau mwan ma badih mari badu Rom, ala mene Kindrei aseken aha labai, ma ndraluwi aha mari ndrasahan lau tan amwenen. Ya eme ma, jo aso-ok tama taha Kindrei ma hawe Laban Jises Krais, katehei tikisiy ma mondrei tan kudu taha.

Tarou ta Jon 10:11

“Jo le badeh, jo ndramak mwasin handru ta atondrok iri sipsip. Iy ndramak mwasin ta atondrok sipsip badeh, iy winiyan banoh ta imek ta iri sipsip tan bwe.

Tarou ta Jon 6:38

Jo udu kandrah ndrame andri. Jo eme ta amekes lahou na budon tek le bwe. Jo eme ta amekes iri lahou na budon ta tama, iy nane suni jo eme.

Tarou ta Jon 5:30

“Jo winiyan bamekes lakou na budon tek le ari bwe. Jo edeu iri lau ala ta mada sahou in hamon ta sahou ta tama, iy asehek eme tek. Ma mada sahou tek badeh, amwenen, tasah jo bamekes lakou na budon tek amwenen bwe. Jo amekes lakou in hamon ta tama, iy nane suni jo eme.

Tarou ta Luk 22:42

“Tama, na seken tam le, i buku none ou aseken badeh, ou andrei bwiniu ta isi udu hawek ki-iu. Arile idoh budon tek le, ou amekes ta seken tam le kasahan ki handru.” [

Tarou ta Mak 10:45

Tasah Nadu Ndramak Awas ale eme ta iri lau kamekes gok tan, bwe. Iy eme ta aseben iri, ma ta edeu kohan ta akunoh lau mari.”

Metiu 26:42

San rasan ja Jises iu ili len ma iy asolom, “Tama, buku none maha-an dah winiyan ba-au bwe winiya le jo kanyuwiy, mwasin, tama jo in hamon ta budon tam.”

Metiu 6:9

Ya idah san ta salom ado ka-en hamon ta aliy: Tama aso, ou ado kandrah. Nyaram badeh, ki ndrabun.

Rebelesen 7:9

Iri lakou mara-ei asahan madak nane doh amai iu, ano jo anyolom iri mwan ma badih, solo-an labai atukum are le se, ma ari mwan o badih winiyan bandromwei kane iri bwe. Iri lau doh badu kon munyak tinan mara-ei, ma iri badu boho kamen mari, ma bada iri badeh, randrah, randrah, ma iri badu boho kon rakon rakon badu munyak mara-ei. Iri lau mari doh badeh, ales are bwena ta koyeu ta kabin, ma mirihik ta Nadu Sipsip ta Kindrei. Iri nyosowani iri na awin lawe-en belen mara-ei, ma iri tawi la-u badou udu mine iri.

La-ukei ta Pol atorou ili tiri lau badu kon Rom 8:27

Kindrei anyolom ndrine taha, ma iy tanan budon ta Malawin Ndrabun ma sasah kameh iy ndremenya iy ta aliy ta aseben taha lau tan. Ma Malawin Ndrabun kameh ndremenya iy boto-on boto-on amwenen le ta budon ta Kindrei.

Tarou ta Luk 22:19

Ano Jises kuhi jabi ramen, iy edeu wurah i ta aliy, ano iy boso-ei i noro ma iy anya, “Idah odak amwenen. [Jo edeu ta aseben ado. Ado kamekes kandriyen ki le buku doh ta abudon jo.”

Metiu 13:22

Ya iri buwa wit taku ereu ndrokowa iri malou bobodon, idoh leheya iri lau ale anuhun sahou ta Kindrei, arile iri abudon boto-on ta lakou badu kon munyak. Ya iri abudon boto-on labai ta atukum iri luk, ma iri lakou ra-on ja. Ya idoh sokei sahou ta Kindrei eme ma bwidi iri bato-ou sali iri bwe.

1 Korin 15:3

Jo ndrasehek taha ta sahou laba tinan labai, sahou nane doh jo akohok bwena. Moso sahou nane i buku doh: Krais mene imek badeh, ta talou taha ado ta kandriyen ndra-in tataha marakon ame len, i buku le ndratorowenei udu bolo buk ndrabun ta Kindrei.

Epesus 5:16

Na dah badeh, len tataha ta amekes kandriyen mwasin ta Kindrei. Tasah, len taha are aliy dah badeh, ndrandra-i mara-ei ta kandriyen ndra-in ta balik.

1 Tesalonaika 1:3

Tasah, aso asolom, badeh, aso abudon i ta budon taha ale eme tutuni kandriyen taha nane mwasin, aha a-en hamon ta aliy, ma ta sa-ar taha, aha amekes ta a-en hamon ta kandriyen ta tikisi nadu tine aha iri rayah ja. Aha atondrok le Laban tataha Jises Krais kameh eme hamon ta akohok taha. Idoh le badeh, bwidi ndrine aha abadok ja, ta iri maha-an mari anya kasahan.