Galesiya 1:1 - Nyindrou

^1-2 Jo Pol: Jo badeh, aposel tiri lau ta Kindrei. Jo atorou la-ukei dah ewek taha lau mwan ma badih ta Kindrei ale are bolo kon munyak tinan Galesiya. Iri lau nane ahi amekes lahou se badeh, ale are hawek, ma iri ale anya, bada-an mwasin tiri ewek taha. Jo aposel ari, eme ma jo badeh, edek ma atiye sahou ta Kindrei. Idoh badeh, basahan na seken ta ari ndramak, bwe. Idoh badeh, asahan na seken ta Jises Krais hawe taman Kindrei le amwenen. Uru le amwenen badeh, atehei gok dah eme tek ma suni jo ta atiye sahou mwasin ewek taha. Jises mene imek, arile Kindrei ndramete-ei iy udu ta imek tan badeh, ndrame awas ja.

Galesiya 1:1 Referans Kwoze

1 Korin 1:1

Jo Pol, jo aposel ta Krais Jises. Na budon ta Kindrei le iy tiye jo asahan lau ta atiye sahou tan. Aru nadu tine taha Sostenes atorou la-ukei dah ewek taha lau mwan ma badih atudun nyara Kindrei ado kon tinan Korin. Krais Jises andrei aha marakon ame asahan ndrabun ma lau tan amwenen; iy andrei aha hawe iri lau badu kon munyak mara-ei, iri ale atudun iy ma asolom in ta nyaran. Iy Laban tataha ma tiri ale.

La-ukei ta Pol atorou ili tiri lau badu kon Rom 1:1

Jo Pol, jo badeh, lohowan ta Krais Jises. Jo ale aposel, Kindrei tiye jo, ma aloh jo eme ta atiye sahou tan mwasin.

Epesus 3:8

Jo lau laleyah udu ndrokowa iri mwan ma badih ta Kindrei, arile iy tikisi jo, ma iy atehei jo ta atiye sahou mwasin ili tiri mwan ma badih badu leheleh. Sahou mwasin doh ta iri lakou marakon iri mwan ma badih winiyan akohok ta koha iri, buku iri a-en hamon ta Krais. Ma lakou doh kameh winiyan bano bwe.

Taitus 1:3

Ano na len ta aliy asahan badeh, Kindrei, ndramak ta aseben taha atehei sahou dah eme kanik. Ma na le sahou jo tiye doh badeh, mesekei budon tiri lau mari aleu ta nyala Krais.

2 Korin 1:1

Jo Pol, jo aposel ari ta Krais Jises. Ta so-ok ta Kindrei le amwenen, iy atehei jo asahan aposel. Jo hawe nadu tine taha ari Timoti, aru mala-uh atorou la-ukei dah ewek taha mwan ma badih ta Kindrei are kon Korin, hawe iri mwan ma badih ta Kindrei marakon are loboho kon munyak tinan Akaya.

2 Timoti 1:1

Jo Pol, jo aposel ta Krais Jises. Tasah, Kindrei mene ndratiye, iy anya kedeu kohan handru keme tataha mwan ma badih na gok Jises Krais amekes. Eme ma, iy atehei jo asahan aposel tan ta atiye sahou mwasin doh.

La-ukei ta Pol atorou ili tiri lau badu kon Rom 10:9

Ya, i buku none ou asehek na bohom eme lewan anya, “Handru, Jises badeh, iy Laban,” ma ou atehei budon tam handru na ndrinem katiye ta Kindrei badeh, mete-ei Jises ta imek handru, idah kameh, iy akohok ou ame hamon.

Aposel 22:10

“Eme ma jo ndremenya iy ja, ‘Laban, ou aso-ok jo kamekes saba lakou tam handru?’ “Ma Laban tiye sahou eme tek i buku doh, ‘Ya, ou suri ou ma ou ala bolo kon tinan Damaskus, ya ndramak ari kameh tiye tam ta lakou marakon Kindrei aso-ok ou amekes.’

Aposel 9:6

Abo, ou suri ou, ya ou ala bolo kon tinan Damaskus. Ma idah kameh ndramak ari eme, tiye tam ta sasah kameh ou amekes.”

Rebelesen 2:8

Iy ndramak doh tiye jo ja i buku doh, “Ou atorou rayah sahou kili ta angelo ere bwena tiri lau ta Kindrei are kon Semena. Sahou i buku doh: ‘Jo ndra bwena, bwena labai, ma jo ndrobek handru. Jo mene imek, arile jo amak eme awas ja, ma jo udu kada-ah. Jo amwenen asehek sahou ewek taha dah:

Rebelesen 1:18

Jo badeh, ta ere le buku don ai! Jo mene imek, arile nadah jo ndrame awas ja ta ere le buku doh, winiya bamak ja bwai. Eme ma jo le ari badeh, boto-on tek winiyan mete-ei iri mwan ma badih ndramak bwena kameh ame awas ja.

1 Pita 1:21

Na Jises le badeh, aha atehei budon taha in ta Kindrei. Iy mene ndramete-ei Jises udu bolo lek ta imek ndrame awas ja, ma iy ndratehei nyosowan ndrabun ndrala la-un. Eme ma, aha atehei budon taha boto-on in ta Kindrei, ma aha abe-en iy ta eme akohok aha ala hawen. Ma aha kameh akohok kohan mwasin ma manyah mwasin hawe Krais.

Hiburu 13:20

Kindrei mene mete-ei Laban tataha Jises. Eme ma iy asahan ndramak mwasin labai ta atondrok taha mwan ma badih buku sipsip. Tasah, ta ndrayen mene amou, eme iy tutuniy ma bwidi sahou randra le doh abadok ta ere le buku doh. Kindrei badeh, kati manyah mwasin tataha. Eme ma, jo aso-ok iy katehei iri kandriyen mwasin mari doh kewek taha, ta aha ka-en hamon ta tanan tan. Ma jo aso-ok, iy kaleheya kandriyen mari kasahan bolo taha, buku iy amwenen aso-ok. Kandriyen doh asahan ta Jises Krais, iy amwenen aseben taha ta amekes. Taha katudun ma kamasiye nyaran kudu le buku doh. Handru!

Galesiya 1:17

Oro aposel ado Jerusalem badeh, bwena tek labai. Arile, jo bala hawe oro bakohok tanan toro bwe. Jo badeh, ili kon ari doh, lau solo-an bado aliy bwe, iri aloh Arabiya. Jo ili ere aliy ano badeh, jo eme hamon eme kon tinan Damaskus.

La-ukei ta Pol atorou ili tiri lau badu kon Rom 14:9

Ya eme ta katin le doh, Krais mene imek, ano iy amak ja, ta iy kasahan Laban ma katondrok lau ndramak ndrasu-u hawe lau bamak bwe.

Tarou ta Jon 20:21

Jises tiye toro ja, “Mondrei kudu hawe ado. Buku le tama suni jo eme, ma jo suni ado ta ala bolo kon munyak.”

Tarou ta Jon 10:30

Jo hawe tama, aru ari le.”

Tarou ta Jon 5:19

Arile, Jises asehek i toro i buku doh, “Handru labai jo tiye tado, Nadu Kindrei winiyan bamekes lakou laleyah bwe. Iy winiyan amekes, buku iy atou taman amekes. Tasah, saba lakou taman amekes, nadun ale amekes.

Aposel 3:15

Aha badeh, adai ndramak ta edeu kohan handru ta udu le buku doh. Arile, Kindrei le mete-ei iy ta imek eme loken. Eme aru badeh, anyolom na mada aru amwenen ma aru asehek nyala aha.

Galesiya 1:15

Jo badeh, in hamon ta kandriyen doh, arile Kindrei baso-ok lakou doh bwe. Arile, jo basahan bwe le, Kindrei badeh, ndratanan jo ai, ma iy ndratehei jo ta amekes lahou tan. Eme ma, na tikisiy tan le badeh, iy atehei jo amekes lahou tan.