Aposel 9:40 - Nyindrou

⁴⁰ Eme Pita tiye iri mari ame len ta bolo asiu. Ano iy atehei bwili ndru-un i andri ya iy asolom. Eme iy tubuni batalan i ta bada kei nane dah ma iy anya, “Tabita, ou ales are loken.” Eme madan asak anyolom Pita, ma iy suri iy.

Aposel 9:40 Referans Kwoze

Metiu 9:25

Arile Jises abadok, ma tikahei iri ala manan. Eme ma iy ili bolo asiu, ma iy tawi mine nadu badih nane, ma iy amak ja.

Aposel 7:60

Ano badeh, iy atehei bwili ndru-un udu andri, ma iy aloh i tinan i ta Kindrei i buku doh, “Laban, balem kamani kandriyen ndra-in toro nane amekes eme tek doh.” Iy asehek sahou doh ano le badeh, ma iy imek.

Tarou ta Luk 8:54

Arile, Jises tawi mine badih imek dah, ma iy tiye, “Naduk, ou amak!”

Aposel 20:36

Sahou ta Pol ano le badeh, iy atehei bwili ndru-un i andri hawe iri mari, ta adeu salom ma wurah i ta Kindrei.

Tarou ta Luk 22:41

Ano iy ili bwena sese, reu i buku none ndramak korou bek kili kisos aliy en. Eme iy atehei bwili ndru-un i andri ma iy asolom anya,

Tarou ta Mak 9:25

Eme ya Jises anyolom iri lau solo-an solo-an sakaliye a le se ame, eme iy tiye sahou boto-on i ta malawin ndra-in anya, “Ou malawin ndra-in, ou bohom bwe, ou ndranyem siu, jo tiye tam, ou ame len tan ma ou same hamon ja ai!”

Aposel 21:5

Arile, len ma ndro taloh taso are hawe oro badeh, ndrano ai, eme ma aso ka-au kala hamon kala ndron ja. Eme ma oro lau marakon ta Jises nane, ma udu oro hawe nadu oro, tiyani aso ala babi. Eme ma ahi mari atehei bwili ndru-u ahi i bada on, ma asolom ili ta Kindrei.

Metiu 6:6

Arile, ado anya kasolom, ado kala bolo asiu tado, ya ado kasulu-i kou kili, ma ado kasolom kili ta tama ado, iri lau winiyan batou iy bwe. Ano ya, tama ado udu kandrah ndratou ado amekes lakou i san kabwak, ma idah kameh iy edeu sihine ado.

Aposel 28:8

Tama Publiyus badeh, ibo sik in andri, badan nyarahan, ma walou ere tan. Pol eme ili bolo asiu hawen, iy asolom iy, iy atehei minen i bwele-en ma nyumuri iy amwenen ja.