Aposel 9:22 - Nyindrou

²² Arile, sahou Sol akeh badeh, i nyarahan nyarahan le gwek ma iy asehek sahou aleu handru i tiri Juwis ado Damaskus, ta Jises badeh, Krais handru, Kindrei suni iy eme. Sahou tan bolowani budon tiri Juwis doh, ma bwidi boho iri ihis.

Aposel 9:22 Referans Kwoze

Aposel 18:5

Eme na len Timoti uru Sailas ado Masadoniya ame badeh, Pol eme ruwani lahou tan ta asereh asiu balei, ma atehei budon tan ihis labai ta atiye sahou i tiri Juwis ta Jises badeh, iy Krais handru, ndramak Kindrei atehei iy ta akohok iri lau tan ame hamon.

Tarou ta Luk 21:15

Jo le kameh edeu sahou hawe budon mwasin ewek tado, ya iri lau kameh winiyan bandres ma tebelese budon nane jo edeu ewek tado ta atiye bwe. Ma winiyan babisini sahou tado bwe.

1 Korin 1:27

Arile Kindrei badeh, andrei oro lau ta laleyah le badu kon munyak ame atehei iri lau ta tanan labai ala ta bwilima. Iy andrei oro lau nyamu oro bwe badu kon munyak, ta atehei iri lau boto-on labai ala ta bwilima.

Aposel 28:23

Eme iri asan len tiri ta ame hawe Pol, ma iri lau solo-an ame hawe Pol ala asiu nane iy udu aliy. Na mandraben ili ano beyeh an amai, iy asehek i tiri ta nyala tondrok ta Kindrei le ai. Iy asehek tiri ta kandriyen malen ta Moses, ma sahou iri torowenei udu bolo buk tiri propet bwena. Na iri sahou doh, iy anya kamekes budon tiri mari kili ta Jises.

Pilipai 4:13

Tasah, jo winiyan amekes lahou mari na boto-on tan iy edeu eme tek.

Aposel 17:3

Ma, na tarou ta Kindrei le doh iy asehek aleu i tiri, ta Krais, iy mene bwese sisi-in, ma iy amak ta imek eme loken. Eme Pol anya, “Iy Jises nane jo asehek iy i tado dah, iy Krais.”

Jenesis 49:24

Arile bonara tan badeh boto-on labai, Ma iy badeh bohan boto-on labai, I doh badeh na boto-on ta mine Kindrei ta Isra-el, Ma na boto-on ta ndramak ta atondrok iri katin haka, iy bek ta Isra-el ta winiyan batokos bwe.

Aposel 9:20

Ya eme iy ales ili kon ndrahu tukum tiri Juwis, iy asehek ta nyala Jises badeh, Nadu Kindrei handru.

Aposel 9:21

Eme iri are anuhun iy asehek sahou badeh, mani iri atur anya, “Kede-eh iy ndramak mene udu Jerusalem idi iri lau mene aloh i ta nyaran doh i buku iy asehek kede-eh! Ma iy kede-eh eme ta ateu iri lau kala hawe iri tinan tiri pris ma iri kala bolo kou ai.”

Aposel 9:23

Eme udu, udu len solo-an iu badeh, iri Juwis atilik nyala iri ta adi iy kimek. Ya ben len ben len badeh, iri atehei mada iri udu madasan ta kon tinan ta anya kadai iy. Arile, iy badeh, ndrandrei bale iri.

Aposel 9:27

Ndramak ari nyaran Banabas eme badeh, andrei iy, ma uru ala hawe oro aposel. Eme iy asehek nyala oro ta sasah asahan ta Sol na len iy edek ili Damaskus, ya iy anyolom Laban, ma Laban asehek sahou i tan. Ma asehek i toro ta iy udu Damaskus badeh, iy banoh ta asehek sahou, ta nyala nyara Jises nyarahan labai bwe.

Galesiya 1:18

Udu bolo jaha ma taloh ano badeh, jo ili kon tinan Jerusalem ta atou aposel ari, nyaran Pita. Jo udu hawen badeh, len ma ronoh limeh (15) le.

1 Timoti 1:12

Jo edeu wurah i ta Krais Jises, Laban tataha, tasah iy le badeh, edeu boto-on eme tek. Iy anyolom jo badeh, ta anuhun sahou, eme iy atehei lahou tan eme kanik jo amekes dah.