Aposel 9:21 - Nyindrou

²¹ Eme iri are anuhun iy asehek sahou badeh, mani iri atur anya, “Kede-eh iy ndramak mene udu Jerusalem idi iri lau mene aloh i ta nyaran doh i buku iy asehek kede-eh! Ma iy kede-eh eme ta ateu iri lau kala hawe iri tinan tiri pris ma iri kala bolo kou ai.”

Aposel 9:21 Referans Kwoze

Aposel 8:3

Iy ndramak Sol doh badeh, edek ta idi iri lau nane atehei budon tiri handru i ta Kindrei. Iy edek ili asiu ra-em ili ra-em takaleh ma aliu iri mwan hawe iri badih ame, ma adeu iri ala bolo kou.

2 Tesalonaika 1:10

Iri mwan ma badih doh kameh, ano mara-ei udu bolo len ta Krais eme hamon eme munyak ja, ma iri lau marakon ta Kindrei kameh atudun nyaran ta lakou marakon iy amekes ili tiri. Ya, iri lau marakon mene atehei budon tiri handru ndrala tan, iri kameh sekesek. Aha kameh i buku aliy ale. Tasah, aso mene tiye sahou ta Kindrei udu ndrokowa aha amwenen, ma aha atehei budon taha handru in ta sahou doh.

1 Jon 3:1

Aha katou, tama taha Kindrei badeh, tikisiy ma aso-ok taha labai, eme ma iy aloh taha nadun handru. Ehe, idoh handru! Taha nadu Kindrei handru. Iri lau badu munyak ale amekes kandriyen ndra-in, ya iri batehei budon ba-en hamon ta kandriyen mwasin ta Kindrei bwe. Eme ma iri tana iri Kindrei bwe, ma ta kati budon doh iri tana iri, buku taha ndrasahan nadu Kindrei, ma taha a-en hamon ta kandriyen tan mwasin.

Aposel 4:13

Eme oro anyolom Pita uru Jon badeh, banoh se bwe, uru abadok handru. Ma oro atanan uru badeh, mene bakohok tanan tinan bwe, uru badeh lau badu kon laleyah. Eme ya mani oro atur, ma oro atanan, ta uru lau doh mene badu hawe Jises.

Aposel 3:10

ma iri seleyani iy, tasah iy badeh, ndramak ta anyolou lakou. Iy mene manyah udu Madasan Mwasin ta i bolo asiu ta Kindrei. Eme ya, mani iri mari atur ma mada iri atau, ta sasah nane ndrasahan tan.

Aposel 2:12

Eme ya mani iri atur ma budon tiri bameles bwe, ma eme iri ndremenya anya, “Lakou dah, asahan i buku sah handru?”

Aposel 2:6

Eme iri anuhun kurutuwe lakou doh badeh, iri arou ame. Tasah, iri ari ari badeh, boho iri asak ta anuhun oro badeh, asehek sahou na boho kon tiri mari.

Aposel 7:59

Iri badeh, abo gok le ta orou Stiben na bek ai, ta adi iy kimek. Iy eme asolom bohon i tinan ili ta Laban i buku doh, “Laban Jises, ou andrei malawik ai.”

Aposel 9:22

Arile, sahou Sol akeh badeh, i nyarahan nyarahan le gwek ma iy asehek sahou aleu handru i tiri Juwis ado Damaskus, ta Jises badeh, Krais handru, Kindrei suni iy eme. Sahou tan bolowani budon tiri Juwis doh, ma bwidi boho iri ihis.