Aposel 9:20 - Nyindrou

²⁰ Ya eme iy ales ili kon ndrahu tukum tiri Juwis, iy asehek ta nyala Jises badeh, Nadu Kindrei handru.

Aposel 9:20 Referans Kwoze

Tarou ta Jon 20:28

Tomas eme asumon bohon i buku doh, “Ou Laban tek, ma ou Kindrei tek!”

Galesiya 2:20

Jo mene imek hawe Krais udu bada kei tondreh tan, eme na dah, jo badek ba-en hamon ta so-ok tek le amwenen ja bwai, arile na len dah badeh, Krais manyah udu hawek ma jo edek in hamon ta so-ok tan. Handru, na len dah, jo manyah le na budon tek handru i ta Nadu Kindrei. Tasah, iy le tikisi jo, ma iy le akohok kon tek imek udu ta kei tondreh.

Tarou ta Jon 1:49

Ano Nataniyel asehek sahou i tan ja, “Ndramak ta Leheya, ou kede-eh Nadu Kindrei, ma ou kabin badu Isra-el.”

Metiu 27:43

Iy atehei budon tan in ta Kindrei, ma iy anya, iy badeh, Nadu Kindrei. Mwasin, aso anya katou iy kasebenei iy amwenen na dah

Metiu 4:3

Ya balik eme asahan hawen, ma iy tiye i buku doh, “I buku none ou anya ou Nadu Kindrei, ou asehek sahou kili toro bek dah kasahan jabi ramen.”

Rebelesen 2:18

Iy ndramak doh tiye jo ja i buku doh, “Ou atorou rayah sahou kili ta angelo ere bwena tiri lau ta Kindrei are kon Tayataira. Sahou i buku doh: ‘Jo Nadu Kindrei, madak badeh, anya i buku jih nyarahan labai. Ma bada katik badeh, buku bras nyikilikin ma nyikadin labai. Eme ma, jo amwenen asehek sahou dah ewek taha lau batun ta nyala aliy:

La-ukei ta Pol atorou ili tiri lau badu kon Rom 1:4

Na len Kindrei mete-ei iy amak eme loken ja, Malawin Mwasin ta Kindrei leheya taha buku, Kindrei atehei nyosowan i la-un, ma hawe boto-on i tan ta atondrok lakou tan mari. Iy badeh, Laban Jises Krais.

Aposel 13:14

Ano Banabas uru Sol ado Pega ala Antiyok, kon udu loboho Pisidiya. Eme na len ta amunyau, uru ala ndrahu atukum tiri Juwis, ma uru manyah ado aliy.

Aposel 13:5

Uru ala asos kon Salamis badeh, oro asehek sahou ta nyala Kindrei udu ndrahu tukum tiri Juwis. Ya Jon udu hawe uru, buku ta aseben uru.

Aposel 9:22

Arile, sahou Sol akeh badeh, i nyarahan nyarahan le gwek ma iy asehek sahou aleu handru i tiri Juwis ado Damaskus, ta Jises badeh, Krais handru, Kindrei suni iy eme. Sahou tan bolowani budon tiri Juwis doh, ma bwidi boho iri ihis.

Aposel 8:36

Eme uru sakaliye ado san ala badeh, asahan ta gwa rayah, eme ndramak tinan badu Itiyopiya dah anya, “Ou anyolom se, gwa asah idah. I buku sah handru, balomwani jo bwai?”

Tarou ta Jon 20:31

Arile katin ta jo atorou iri sahou dah, ta aha katehei budon taha kili le ta Jises. Iy Mesaya, ndramak nane Kindrei suni iy eme kon munyak, ta akohok lau tan marakon badu kon munyak ame hamon. Iy nadu Kindrei. Buku aha atehei budon taha marakon in tan, aha kameh akohok koha aha in le ta nyaran.

Tarou ta Jon 19:7

Iri Juwis somolei sahou ta Pailat ja anya, “Ahi badeh, kandriyen tahi malen udu aliy, asehek ta adi ndramak imek, tasah iy le anya, iy Nadu Kindrei.”

Metiu 27:54

Iri lau ta bahun ma tinan tiri nane atondrok Jises nane atou kon totoreh ma iri lakou mari nane asahan, oro anoh labai ma oro anya, “Handru labai, iy kede-eh Nadu Kindrei handru!”

Aposel 13:33

iy ndramesekei ndrasahan handru, ndrame tato nadu oro, i san ta iy suri Jises amak eme loken ja ta imek tan. I buku none ndratorowenei mene udu bolo wari la-uh ta Buk Wari tiye i buku doh: ‘Ou badeh naduk handru. Na dah jo ndrasahan tamam kabwe.’ Wari 2:7

Aposel 13:46

Arile, Pol uru Banabas asehek sahou nyarahan labai i tiri anya, “Aru badeh, kasehek sahou ta Kindrei ki taha Juwis bwena op. Arile, aha badeh, baseken bwe, ma sahou taha badeh, leheya i buku, aha kameh winiyan bakohok manyah mwasin ta Kindrei ta udu le buku doh bwai. Eme ma aru kameh ruwani aha kon dah areu, ya, aru kameh ala aseben iri lau badu kon leheleh ai.

Aposel 14:1

Udu kon Ikoniyum badeh, Pol uru Banabas ala ndrahu tukum tiri Juwis i buku none uru ndramekes ndra-au ndra-au. Eme uru asehek sahou nyarahan labai, eme iri lau solo-an badu Juwis, hawe iri lau badu leheleh atehei budon tiri handru ihis.

Aposel 16:13

Eme na len ta amunyau badeh, aso ame manan ta madasan tinan ta kon tinan ame kapa gwa anya katakaleh ndrahune kon ta asolom. Ya eme aso manyah ado andri ma asehek sahou i tiri badih atukum ame loboho doh.

Aposel 17:2

Eme i buku none kandriyen ta Pol, iy ndramekes ndra-au, ndra-au badeh, iy ili ndrahune tukum. Eme na len taloh ta len ta amunyau ja badeh, iy andres hawe iri ta sahou badu bolo tarou ta Kindrei.

Aposel 17:10

Ano kon ilik le badeh, oro lau ta Kindrei suni Pol uru Sailas au ala kon Beriya. Uru ala asahan badeh, uru ala ndrahu atukum tiri Juwis.

Aposel 17:17

Ya eme Pol ili bolo asiu ta atukum andres hawe oro Juwis ma hawe iri lau badu Grik ala atudun Kindrei. Ma hawe udu mada lau mari na len mari udu ndrahu tukum ta lau.

Aposel 18:4

Na len ta amunyau mari badeh, iy ili ndrahu tukum tiri Juwis badeh, anya kaliu budon tiri Juwis hawe iri lau badu Grik.

Aposel 18:19

Oro ala asos Epesus, eme iy ruwani Prisila uru Akwila ado gwek. Iy le ari badeh, ili ndrahu tukum tiri Juwis andres ta sahou hawe iri.

Aposel 19:8

Udu bolo bun taloh badeh, Pol ili ndrahu tukum tiri Juwis asehek sahou nyarahan labai, ma andres boto-on ta aliu budon tiri ta nyala bolo tondrok ta Kindrei.

Galesiya 1:16

Iy le amwenen leheyani nadun asahan eme madak, ta jo kameh katiye sahou tan mwasin kili tiri lau badu leheleh. Ya jo bala hawe ari ndramak bakohok tanan tan bwe.