Aposel 9:19 - Nyindrou

¹⁹ Ano iy aimon nyamon ma nyamun eme hamon ja. Eme Sol badeh, udu hawe oro lau ta Jises udu Damaskus len solo-an sese.

Aposel 9:19 Referans Kwoze

Aposel 26:20

Jo atiye sahou ma bwena handru ili tiri lau badu Damaskus. Ano ja, jo atiye ili bolo kon Jerusalem ma Judiya mara-ei, ma ili bolo kon leheleh ale. Jo atiye sahou, ta iri karuwani kandriyen ndra-in tiri ki-iu, ma iri katubuni ndrine iri kili ta Kindrei. Ma iri kamekes kandriyen mwasin ta leheya iri ndratubuni ndrine iri handru.

Galesiya 1:17

Oro aposel ado Jerusalem badeh, bwena tek labai. Arile, jo bala hawe oro bakohok tanan toro bwe. Jo badeh, ili kon ari doh, lau solo-an bado aliy bwe, iri aloh Arabiya. Jo ili ere aliy ano badeh, jo eme hamon eme kon tinan Damaskus.

Aposel 11:26

Eme iy ndruni iy badeh, iy kuhi iy eme Antiyok. Ya eme udu bolo jaha ari ma buruwen badeh, Banabas uru Sol atukum hawe iri lau ta budon handru ta Kindrei ma leheya iri lau solo-an. Oro lau ta Laban, iri lau aloh oro “Kristen” ma mwena badeh, udu Antiyok.

Aposel 9:18

Eme se nawin bwe, lakou i buku none bwisi ni udu madan taku eme len, ma iy anyolom kon ja. Eme iy ales udu loken ma alomwa iy.

Aposel 9:26

Na len Sol eme Jerusalem badeh, iy anya kili hawe oro lau ta Jises, arile oro mari anoh iy. Ma oro atehei budon anya iy badeh, ndramak badu hawe oro bwe.

Aposel 9:38

Lida doh badeh, udu mirihik ta Jopa. Ya eme oro lau ta Jises anuhun Pita badeh, udu Lida. Eme oro suni uru lau la-uh badeh, ala andrek iy anya, “Ou ame suwi.”

Aposel 11:29

Eme oro lau ta a-en hamon ta Jises tiye anya, idah kameh, oro ari ari kameh abudon ta oro winiyan adeu lakou ili ta aseben nadu tine oro rayah nane ado Judiya. Oro lau lakou toro solo-an badeh, adeu lakou solo-an ta aseben.