Aposel 9:13 - Nyindrou

¹³ Eme Ananayas anya, “Laban, jo badeh, ndranuhun yoyou ta ndramak badeh, ma ndranuhun sisi-in iy amekes i tiri lau ta Kindrei ado Jerusalem.

Aposel 9:13 Referans Kwoze

Aposel 8:3

Iy ndramak Sol doh badeh, edek ta idi iri lau nane atehei budon tiri handru i ta Kindrei. Iy edek ili asiu ra-em ili ra-em takaleh ma aliu iri mwan hawe iri badih ame, ma adeu iri ala bolo kou.

Aposel 9:1

Na bolo len doh, Sol badeh, alohou ta idi iri lau ta Laban marakon kamak ka-au. Eme ma iy amwenen ili hawe batun tiri pris,

La-ukei ta Pol atorou ili tiri lau badu kon Rom 16:15

Ya sekesek ki toro lau doh: Ki ta Pilologus hawe udun Juliya, ki ta Nereyus hawe nadu tinen badeh, ki ta Olimpas ma hawe ki tiri lau mari ta Kindrei atukum are hawe oro ale.

La-ukei ta Pol atorou ili tiri lau badu kon Rom 16:2

I buku none iy kasahan hawe aha, jo aseken aha kasumon iy hawe kakuhi iy kewek hawe aha, ki san ta Laban i buku lau ta Kindrei ala amekes kede-eh. Ya sasah iy aseken ta aliy, aha kaseben iy. Tasah iy mene ndraseben iri lau solo-an solo-an ndra-au ma hawe jo ale.

La-ukei ta Pol atorou ili tiri lau badu kon Rom 15:31

Aha kaseben jo ta salom ya jo sataku sala mine iri lau ta tebelese ado Judiya. Ya eme ma lahou tek jo amekes udu Jerusalem kamekes bolo iri lau ta Kindrei doh kasekesek ta lakou jo edeu i tiri.

La-ukei ta Pol atorou ili tiri lau badu kon Rom 1:7

Eme ya, jo Pol amwenen atorou la-ukei dah badeh, ewek taha lau mwan ma badih mari badu Rom, ala mene Kindrei aseken aha labai, ma ndraluwi aha mari ndrasahan lau tan amwenen. Ya eme ma, jo aso-ok tama taha Kindrei ma hawe Laban Jises Krais, katehei tikisiy ma mondrei tan kudu taha.

Aposel 22:4

Bwena mene jo bokoro-ei iri lau a-en hamon ta San ta Jises, andra-i labai. Ma jo anya kidi iri kamak ka-au. Jo badeh, bawei iri mwan ma badih na sen, ano akahei iri ala are bolo asiu lulik.

Aposel 9:32

Udu bolo tekedek ta Pita ili eme bolo kon munyak doh badeh, ma iy ili selesen oro lau ta Kindrei an kon Lida.

Metiu 10:16

Jises asehek sahou ili ja buku doh, “Ado kanuhun! Jo kasuni ado buku none le sipsip ili bolo iri mwi badu lokei. Arile, ado kamekes budon ki mwasin buku none le mwak amekes, arile ado samekes kandriyen ndra-in ta amekes ndra-in ili bada ndramak ari ja. Aha kasahan ki buku le sirih aloh ban ale ba-um ari lakou bwe.

Aposel 9:21

Eme iri are anuhun iy asehek sahou badeh, mani iri atur anya, “Kede-eh iy ndramak mene udu Jerusalem idi iri lau mene aloh i ta nyaran doh i buku iy asehek kede-eh! Ma iy kede-eh eme ta ateu iri lau kala hawe iri tinan tiri pris ma iri kala bolo kou ai.”

Aposel 9:41

Eme ya Pita tawi minen ma suri iy ales na katin ere loken. Ano, iy aloh i toro lau ta budon handru hawe iri badih nyau ame, ma iy atehei iy i hawe iri, ya kohan ndrame hamon ja.

1 Korin 6:5

Jo asehek sahou dah ta bwili aha kama. Buku sah handru? Sebwe aha kede-eh ari ndramak ta tanan ja bwai, ta amekes ndra-i udu ndrokowa uru nadu tinen kudu mwasin ja?

1 Korin 14:33

Jo kasehek, tasah Kindrei kede-eh winiya bawahei iri lakou laleyah bwe. Iy amekes ndrine taha amwenen, ma manyah tataha kudu mwasin.

1 Korin 16:1

Na idah jo anya katiye ta luk nane aha anya katukum kili tiri lau mwan ma badih ta Kindrei iri ado Jerusalem. Jo ndraleheyani san ta amekes gok nane doh ndrala tiri lau ta Kindrei badu loboho Galesiya, ma aha ale ka-en hamon le ta kandriyen nane iri amekes.

Epesus 1:1

Jo Pol, jo aposel ari ta Krais Jises. Na so-ok tan amwenen, Kindrei atehei jo buku ari aposel, ma jo edek rakon, i rakon ta atiye sahou mwasin ta Jises Krais. Jo atorou la-ukei dah ewek taha mwan ma badih ta Kindrei, aha are kon tinan Epesus. Aha badeh, a-en hamon handru ta Krais Jises, ma aha ahis hawen.

Pilipai 1:1

Aru ma la-uh badeh, lohowan ta Krais Jises, jo Pol hawe Timoti. Jo Pol atorou la-ukei dah badeh, hawe budon ta Timoti ale in se hawek, ta ewek tado lau mari, budon tado ihis in ta Krais Jises, ma ado lau ta Kindrei, ado kon Pilipai badeh. Ma hawe i toro lau ta batun ta Kindrei, ma hawe i tiri lau badu ndrokowa ado, ta aseben iri lau ta Kindrei.

Pilipai 4:22

Ma hawe oro lau ta budon handru, oro ateu lahou ado asiu tinan ta Sisa hawe oro lau ta budon handru ado kon tinan Rom kada-ah, tiye sahou sekesek i tado.

Kolosi 1:2

Jo hawe nadu tine taha ari nyaran Timoti, aru badeh, atorou la-ukei dah ewek taha lau mwan ma badih ta Kindrei, are bolo kon tinan Kolosi. Aha atehei budon taha handru in ta Krais, ma aha badeh, a buku nadu tine mwan ma badih. Aru aso-ok tama taha Kindrei, katikisi aha ma kabwidi kandriyen mwasin kewek taha, ma kabwidi ndrine aha kudu mwasin.

Hiburu 13:24

Aha katiye sekesek taru ma la-uh kili tiri lau ta Kindrei a-en mwena taha, ma hawe iri lau mwan ma badih marakon ta Kindrei. Iri lau badu kon munyak tinan Itali tiye sekesek tiri ewek taha ale.

La-ukei atorou Jut 1:3

Wurah lomada ado kawas tek, jo ndrabwetenei ta atorou la-ukei ewek, ta tiye nyala aha ta gok, Kindrei mene amekes ta akohok taha mari. Arile, nadah ja badeh, jo abudon ta atorou sahou randra ja ewek taha i buku doh: Aha kabadok ta aseben ma atondrok iri budon handru, Kindrei mene ndratehei ndrame tataha lau tan. San rasan le, Kindrei mene atehei budon doh, eme tataha mwan ma badih tan.