Aposel 8:5 - Nyindrou

⁵ Pilip badeh, ili andri bolo kon tinan ari badu loboho Samariya, atiye sahou ili tiri lau ta nyala Jises, ta iy ndramak doh Krais, iy mene Kindrei ndraleheyani iy eme ta aseben taha mari.

Aposel 8:5 Referans Kwoze

Aposel 6:5

Eme iri mari badeh, sekesek ta budon doh. Eme iri lebelei Stiben, ndramak idih na Malawin Ndrabun hawe ndramak ta budon handru; ale hawe Pilip, Prokorus, Nikanor, Timon, Parmenas, hawe Nikolas badu Antiyok. Iy mene badu Juwis bwe, arile udu ja, iy in hamon ta kandriyen tiri Juwis.

Aposel 21:8

Na len ari ja badeh, ahi alakak are Tolomes ala kon tinan Sesariya. Udu loboho doh, badeh aso ala asahan asiu ta lau ta Jises ari nyaran Pilip, ma aso amadin hawen. Iy ta atiye sahou ta Jises na len mari, ma iy badu hawe oro lau ma ndro taloh mene iri lau ta Kindrei hawe oro aposel badu Jerusalem atehei oro ta aseben iri lau ta Kindrei.

Aposel 8:40

Ya Pilip badeh, ili ja asahan Asdot; eme iy ili bolo kon tinan mari atiye sahou mwasin ili ili asahan Sesariya.

1 Korin 3:11

Tasah aha ndratanan, Kindrei ndraleheyani Jises Krais i buku ndru-u asiu alih handru. Ari ndramak ja winiyan basahan ndru ta asiu doh ja bwe.

1 Korin 1:23

Arile ahi atiye iri sahou mwasin ta Krais badeh, iri tatahi iy ili bada kei tondreh. Sahou doh badeh, bokoro-ei budon tiri lau Juwis, ma iri atehei kona iri i tan. Ya, iri lau badu leheleh anya, sahou nane doh ta laleyah le.

Aposel 5:42

Eme len ari buku ari udu bolo asiu lohalak ta Kindrei ma i asiu ra-em i ra-em, oro badeh, baruwani ta leheya ma ta tiye sahou mwasin ta nyala Jises bwe. Oro asehek boto-on labai ta Jises badeh, Mesaya.

1 Korin 2:2

Jo udu hawe aha mene, jo amekes budon tek ta mani iri lakou solo-an. Budon tek mara-ei badeh, ta asehek nyala Jises Krais le, hawe imek tan udu bada kei tondreh.

Aposel 9:20

Ya eme iy ales ili kon ndrahu tukum tiri Juwis, iy asehek ta nyala Jises badeh, Nadu Kindrei handru.

Aposel 8:1

Na len doh Sol badeh, udu aliy anyolom ale ma iy tiye iri ta kadai Stiben kimek. Eme na le bolo len doh badeh, iri lau mwan ma badih nane manyah ado bolo kon tinan Jerusalem amekes ndra-in labai, ili tiri lau nane atehei budon tiri handru in ta Jises, eme ma iri akohok sisi-in laba tinan labai. Eme ma iri atobwak au ala loboho kon munyak tinan Judiya hawe Samariya. Arile, oro aposel le badeh, batobwak bwai.

Aposel 1:8

Arile, ado kameh akohok boto-on na len Malawin Ndrabun kameh ewek la-u ado; ma ado kameh atiye sahou tek ili Jerusalem, ili Judiya, ili Samariya, ano kili kon munyak mari.”

Aposel 8:6

Eme na len iri lau anuhun sahou ta Pilip asehek ma anyolom kalem iy amekes badeh, ma iri atehei ndranye iri irih labai ta anuhun sahou iy asehek.

Aposel 8:26

Eme angelo ari ta Laban eme tiye Pilip anya, “Ou ala san ili loboho kum, kon lomale an ala udu Jerusalem i andri ili kon tinan Gasa.”

Aposel 8:30

Ano, Pilip sakaliye ili mirihik ta bada sau nane anuhun ndramak dah aloh sahou badu bolo tarou ta propet Aisaya. Eme Pilip ndremenya iy anya, “Batum aleu ta sahou ou aloh badeh, deh bwe?”