Aposel 7:54 - Nyindrou

⁵⁴ Eme na len iri anuhun sahou doh badeh, iri abolosen handru ma lihi iri asenyer i tan.

Aposel 7:54 Referans Kwoze

Aposel 5:33

Ya eme oro kansol anuhun sahou doh badeh, ma bwidi ndrine oro irih mara-ei, ma oro anya kadai oro aposel kamak.

Tarou ta Luk 13:28

“Idah kameh, akeh ado ame len ta baha tondrok ta Kindrei, ala bolo jih, ya ado kameh aden, ma andrebek lihi ado, tasah ado kameh anyolom Abraham, Aisik hawe Jekop ma hawe iri propet mari are baha tondrok tan. Arile, ado le, bwai!

Metiu 25:30

Ya, ta lohowan ndra-in nane, ado kakahei iy kili bolo kon lulik. Kon doh iri kameh aden ma asenyer lihi iri.’ ”

Metiu 13:50

Ya oro kameh akahei iri lau ndra-in nane ala bolo jih ale winiyan bamak bwe-en. In bolo jih doh kameh oro aden ma asenyer lihi oro ta isi tinan labai oro atona.”

Metiu 24:51

Tinan tan kameh sani iy i lunah, ma mesekei iy akohok maha-an buku le iri lau kalime iri la-uh. Iy kameh anyar, ma asenyer lihin.

Metiu 22:13

“Kabin nane tiye toro lau ta ndrokei tan anya, ‘Ado kasawei katin ma minen ya ado kakahei iy ki-iu kili manan bolo lulik. Bolo lulik doh kameh iri lau aden andra-i labai ma lihi iri kameh asenyer andra-i labai.’

Metiu 13:42

Ma oro kameh akahei iri ala bolo jih ale winiyan bamak bwe-en. In bolo jih doh kameh oro aden andra-i labai, ma oro asenyer lihi oro kameh ili ta isi tinan labai kameh oro akohok.

Metiu 8:12

Arile, oro lau ala Kindrei mene tiye oro ala ado bolo tondrok tan kameh akeh oro au ala manan, ala bolo lulik, ya oro kameh aden, ma andrebek lihi oro.”