Aposel 7:52 - Nyindrou

⁵² Are propet asahan bwena mene, ya tama aha oro mene badai iy bwe? Oro mene adai iri propet mene asehek ta nyala ndramak mwasin handru kameh barasahan. Ya eme na dah, iy ndrame, arile aha badeh, atehei sa-oh ma adai iy imek.

Aposel 7:52 Referans Kwoze

Metiu 5:12

Ya, ado kasekesek, tasah ndramas mwasin udu kandrah kodo-oh abe-en ado. Idoh i le buku san iri lau ndradai iri propet mene ndrame bwena tado.”

1 Tesalonaika 2:15

Iri Juwis badu Isra-el le doh, mene adai iri propet, ma adai Laban Jises ale. Eme ma, na len idah badeh, iri amekes ndra-in eme tahi, ma tikahei ahi are bolo kon mara-ei, ma iri tebelese ta kandriyen nane Kindrei aso-ok labai. Handru, iri badeh, asahan lau ta amekes bahun ili ta lau marakon,

Rebelesen 19:10

Eme ma jo atehei bwili ndru-uk i andri udu mirihik ta kati angelo, ta anya katudun iy, arile angelo anya, “Ndri-iy, ou samekes! Jo badeh, ta amekes gok ta Kindrei hawem, ma jo ale badu hawe nadu tinem oro, oro ala atehei budon toro ki-in ta sahou handru ta Jises asehek. Ou atehei bwili ndru-um ki andri ma ou atudun Kindrei le ari kabwai. Ya taha tanan sahou mara-ei iy asehek, idoh le badeh, suri ndrine iri lau mara-ei ta asehek iri sahou propet.”

1 Jon 2:1

Aha naduk, jo atorou la-ukei ramen dah ewek taha, ta aha samekes kandriyen ndra-in. Arile, buku are lau ndramesekei kandriyen ndra-in badeh, Kindrei winiyan mani kandriyen ndra-in tan nane iu, tasah seben tataha badeh, in aliy, nyaran Jises Krais. Iy ari kandriyen ndra-in badan bwe. Ma iy badeh, in hawe tama taha Kindrei, ma iy asehek sahou i tan, ta iy karuwani iri kandriyen ndra-in tataha mari nane ki-iu.

Aposel 22:14

“Iy asehek sahou eme tek i buku doh, ‘Kindrei ale mene, tubu taha iri atudun iy badeh, lebelei ou, ma aseken ou akohok tanan tiri lakou marakon iy aso-ok, ma iy aseken ou anyolom iy. Iy badeh, mwasin labai ta madan, ma ou winiyan anuhun iy asehek sahou na bohon amwenen.

1 Pita 1:11

Malawin Mwasin ta Krais badeh, udu bolo iri propet, ma Malawin Mwasin asehek sahou i boho iri, ta iri sisi-in solo-an labai kameh Krais bwese, ma ta iy kameh akohok nyaran tinan ale. Iri propet badeh, abo gok boto-on ma ndremenya i buku doh, “Saba len handru iy ndramak ta akohok taha, kameh eme hamon?” Ma, “Saba lakou handru kameh asahan na bolo len doh?”

Aposel 4:10

idah kameh, ado ma hawe iri lau badu Isra-el katanan ta ndramak ales udu mada ado ndramwenen dah badeh, na boto-on ta nyara Jises Krais badu Nasaret. Iy mene ado atahi iy i bada kei tondreh ma iy imek. Ano Kindrei mete-ei iy amak eme awas ta imek tan.

Aposel 3:24

“Handru labai, iri propet kabatana Samuwel eme, eme taku dah badeh, mari asehek nyala le len doh.

Aposel 3:18

Arile, sahou mene Kindrei atehei i kani iri propet mari asehek badeh, i buku doh: Krais kameh bwese isi. Ma na kandriyen aha amekes i tan, Kindrei bwidi sahou tiri propet tan i handru.

Aposel 2:23

Bwena mene Kindrei ndratanan iri lakou kameh asahan hamon, ma iy bwidi iri lakou asahan na le tanan ma seken tan. Eme ma, ado badeh, atehei iy i mine iri lau ndra-in, ma iri atahi iy imek i bada kei tondreh.

Rebelesen 3:7

Iy ndramak doh tiye jo ja i buku doh, “Ou atorou rayah sahou kili ta angelo ere bwena tiri lau ta Kindrei are kon Piladelpiya. Sahou kili buku doh: ‘Idah sahou tek amwenen. Jo badeh, ndrabun labai, ma jo kati iri kandriyen handru mari. Jo badeh, boto-on labai udu bolo tondrok ta kabin Debit. Buku jo sihi kou, ari ndramak winiyan basulu-iy ja bwe. Ya, buku jo sulu-i kou, ari ndramak, winiyan basihiy ja bwe.

Tarou ta Luk 6:23

“Ou sekesek ma ou sandroh ta sekesek i buku lakou doh, katok badam, tasah ndramas mwasin ta lakou doh kameh abe-en ou udu kandrah. Tasah, iri doh mene tubu iri amekes i buku aliy, ili tiri propet.

Tarou ta Jon 16:10

Iri ndrandra-i ta lakou mwasin, tasah jo ilih hawe tama, ma aha winiyan batou badak ja bwe.

2 Timoti 3:4

Iri kameh atehei iri kawas tiri ili mine iri lau ndra-in ta bahun, ma a-en hamon ta budon tiri ndra-in. Iri kameh abudon iri le, ma iri aso-ok, ta amekes bada iri kasekesek, ma iri baso-ok Kindrei bwe.