Aposel 7:35 - Nyindrou

³⁵ “Iy Moses dah le mene adeh iri badeh, asehek na boho iri anya ‘Are lau atehei ou atondrok ahi ma asehek sahou nyarahan eme tahi?’ Iy le badeh, Kindrei suni iy ili atondrok iri, ma ta akohok iri ame len na seben ta angelo mene asahan hawen udu bolo jih.

Aposel 7:35 Referans Kwoze

Tarou ta Luk 19:14

“Arile, iri lau badu kon tan baseken iy asahan kabin bwe. Eme iri suni iri lau rayah are hamon tan ala, ta tiye i tan anya, ‘Ahi bwale ahi ndramak kede-eh asahan kabin tahi.’

Rebelesen 15:3

Iri badeh, ayah wari ta Moses, lohowan ta Kindrei torowenei, ma wari wariye Nadu Sipsip ta Kindrei, i buku doh, “Laban, ou Kindrei, ou tawi iri boto-on mara-ei. Iri gok mara-ei ou amekes, iri laba tinan labai, ma ahi ale anyolom, ma ahi abudon solo-an labai! Ou badeh, kabin ta boho kamen tiri mwan ma badih mara-ei, ma kandriyen tam badeh, amwenen mara-ei, ma handru labai!

Hiburu 2:2

Bwena mene Kindrei edeu sahou i ta tubu taha iri, eme boho iri angelo. Sahou batanau eme asahan handru ta lau ka-en hamon ta aliy. Are lau iy ba-en hamon ta aliy, o, banuhun bwe, iy kameh akohok maha-an ta kandriyen nane iy amekes.

Kolosi 1:15

Kone Nadu Kindrei badeh, i buku le taman Kindrei, taha winiyan banyolom taman na mada taha bwe. Krais badeh, kadok tan ma iy udu bwele-e iri lakou marakon Kindrei ndrabwidiy.

Aposel 7:51

“Aha badeh, ta tebelese handru en! Ma ndrine aha badeh, ndradah na kindrei ta wasai i buku iri lau tana iri Kindrei handru bwe, ma ndranye aha ndralun ma aha winiyan banuhun sahou handru ta Kindrei, bwe! Aha badeh, i le buku none tama aha oro mene. Aha banuhun sahou ta Malawin Ndrabun bwe!

Aposel 7:30

“Iy udu gwek jaha ma hanoh (40) ano badeh, angelo ari asahan hawen udu bolo jih anya laleyah udu ta kei udu kon lomale an, udu mirihik ta mandrei Sainai.

Aposel 5:31

Kindrei eme tutuni iy ere loken udu loboho limen salin, ma iy asahan kabin ma ndramak ta seben. Ma iy badeh, leheya madasan ta ado winiyan tubuni ndrine ado, ma iy winiyan sikine karei ma lomondra ndra-in tiri Isra-el.

Aposel 3:22

Moses mene tiye anya, ‘Laban Kindrei kameh tutuni ndramak ari badu bolo aha kameh asahan propet taha. Iy kameh suni iy i le buku iy mene suni jo. Ya eme aha badeh, kanuhun sahou tan mari iy asehek i taha.

Aposel 2:36

“Eme ya ado lau mari badu Isra-el ki tana ado kudu mwasin ta lakou doh: Kindrei badeh, ndrabwidi Jises, ado mene atahi iy i bada kei tondreh, iy ndrasahan Laban ma Krais.”

Tarou ta Jon 19:15

Iri lau ame arah ili bwele-e Pailat, “Kadi iy kimek! Kadi iy kimek! Katatahi iy ki bada kei tondreh!” Pailat eme ndremenya iri, “Aha aso-ok jo katatahi kabin taha kede-eh kili ta kei tondreh?” Arile, iri tinan tiri pris anya, “Ahi ari kabin ja bwe. Sisa le ari, kabin tahi.”

Tarou ta Jon 18:40

Iri arah ma aloh i tinan i buku doh, “Iy badeh, bwai. Ahi aso-ok ou ruwani Barabas keme len laleyah.” Barabas badeh, iy ndramak ta bahun ta adai lau amak ma iy ale ta bahana.

Tarou ta Mak 12:26

Handru labai. Iri lau ndramak bwena, hamon kameh iri amak ja. Sebwe aha banyolom ta tarou ta Moses bwe nadeh? Idoh asehek ta nyala len mene Moses atou jih anya udu ta kei. Eme ma Kindrei tiye i ta Moses i buku doh, ‘Jo Kindrei ta Abraham, ta Aisik, ma ta Jekop.’ Eksodus 3:6