Aposel 7:32 - Nyindrou

³² ‘Jo dah badeh, Kindrei ta tamam oro. Jo Kindrei ta Abraham, ta Aisik, ma ta Jekop.’ Eksodus 3:6 Eme Moses totoreh, ma inoh ma madan bala loken bwe.

Aposel 7:32 Referans Kwoze

Metiu 22:32

‘Jo Kindrei ta Abraham, ta Aisik, ma ta Jekop.’ Eksodus 3:6 Sahou doh leheya taha i buku doh: Kindrei atondrok koha oro ma taloh, ma oro ado awas ado hawen kahis le. Eme ma, Kindrei batiye anya iy mene Kindrei tiri lau ndramak, arile na dah, bwe. Bwe! Iy badeh, Kindrei tiri lau koha iri udu aliy kahis le.”

Rebelesen 1:17

Jo anyolom le iy badeh, ma jo taku ili bada katin, jo ndramak ndra buku bada kei. Iy atehei minen salin eme bwele-ek ma iy asehek sahou eme tek i buku doh, “Ou sanoh! Jo ma bwena labai, ma jo ndrobek handru!

Hiburu 11:16

Arile, koha iri ndrapwe ta ala kon mwasin labai ja udu kandrah. Ta idoh le, Kindrei bwilin bama ta iri aloh iy Kindrei tiri bwe. Tasah, iy ndranyuri kon tinan labai ta iri ala ado aliy.

Aposel 3:13

Kindrei ta Abraham uru Aisik hawe Jekop, ma ta tama taha badeh, bwidi lomadan i ta lohowan tan Jises asahan. Aha mene atehei iy ili mine iri lau adai iy. Pailat anya karuwani iy, arile aha badeh, bwale aha, ma aha baseken iy udu mada Pailat bwe.

Tarou ta Luk 5:8

Eme Saimon Pita anyolom lakou dah asahan, ma iy taku i andri na bwili ndru-un udu kati Jises, ma tiye i buku doh, “Ou sado madak Laban, ou au. Jo badeh, kandriyen tek ndra-in!”

Metiu 17:6

Oro lau ta Jises nane anuhun sahou doh, ya oro atehei bwili ndru-u oro i andri, ma bwili oro i bada munyak, ma oro anoh labai.

Jenesis 50:24

Ano Josep tiye i ta nadu tinen oro, “Jo badeh mirihik kimek ai, arile Kindrei kameh tondrokei ado kameh udu mwasin ma iy le kameh winiyan kuhiy ado ame len ma iy kameh tiyani ado ala munyak mene iy tandrakan i ta Abraham, i ta Aisik hawe Jekop.”

Jenesis 26:24

Eme na ben doh badeh Laban asahan hawen tiye, “Jo dah badeh jo Kindrei ta tamam Abraham. Ou sanoh, jo udu hawem; tasah ta i lau ta lahou tek Abraham le, jo kameh atehei nyosowan i tam ma jo kameh edeu kane lundriyem oro kameh a sola.”

Metiu 22:46

Ari toro winiyan basumon boho Jises bwe. Kala le doh, iri anoh ta ndremenya Jises ta randra sahou ja.

Aposel 7:31

Eme Moses anyolom jih doh badeh, manin atur, eme iy edek ili mirihik anya katou kamwenen. Eme iy anuhun boho Laban aloh anya,