Aposel 6:7 - Nyindrou

⁷ Eme ya sahou ta nyala Kindrei badeh, aseker. Eme kane iri lau badu Jerusalem atehei budon tiri handru i ta Kindrei i sola suwi suwi. Ma iri pris solo-an badeh, anuhun sahou ma atehei budon handru.

Aposel 6:7 Referans Kwoze

Aposel 19:20

Eme i san le doh badeh, sahou ta Laban aseker ma i tinan, ma amekes iri lau tan abadok le gwek.

Aposel 12:24

Arile, na bolo len doh badeh, sahou ta Laban asahan i tinan ma aseker ili bolo kon mara-ei, ma lau solo-an a-en hamon tan.

Hiburu 5:9

Ma idoh bwidi iy asahan ndramak handru ta in hamon ta sahou ta Kindrei. Eme ma iy asahan kati kandriyen handru ta aseben ma ta akohok are lau iy in hamon ta sahou tan, ta iri kameh are le buku doh.

La-ukei ta Pol atorou ili tiri lau badu kon Rom 16:26

Arile, na dah, sahou handru mene doh ndrasak. Aso atiye sahou doh amwenen le ta sahou udu bolo tarou tiri propet ta Kindrei mene asehek, ma amwenen le ta batanau ta Kindrei ta bano bwe, kameh ta udu le buku doh. Ya eme iri lau badu kon munyak mari katehei budon tiri handru ki-in tan ma hawe kanuhun le iy.

La-ukei ta Pol atorou ili tiri lau badu kon Rom 1:5

Na iy le badeh, Kindrei atehei lahou dah eme kani aso, ma iy atehei seben eme taso ale, eme ma aso asahan aposel i nyara Krais ta atiye sahou, hawe kaliu iri lau badu kon leheleh mari kanuhun sahou, ma katehei budon tiri handru ki ta Kindrei.

Aposel 14:22

Oro ala badeh, batanau iri lau ta budon handru badeh, kabadok ta tanan handru ta bolo budon handru tiri. Eme uru anya, “Taha kameh bwese maha-an solo-an solo-an, ano taha barala baha tondrok ta Kindrei.”

Hiburu 11:8

Abraham atehei budon tan handru in ta Kindrei, eme ma bwidi iy anuhun boho Kindrei aloh iy ta ili kon ari nane doh, Kindrei ndratandrakan ta edeu ili tan. Iy ruwani kon tan amwenen, iy bala tanan saba kon handru kameh iy ili aliy bwe.

2 Timoti 2:9

Ou bwetenei jo ale, ta ales boto-on ma bwese iri maha-an. Jo ndratiye sahou mwasin, eme ma, ta kandriyen le doh iri lau abudon anya jo ndramak ndra-in, ma iri atehei jo ili bolo asiu lulik. Arile, sahou ta Kindrei winiyan bala bado bolo asiu lulik barah bare gwek bwe.

2 Tesalonaika 1:8

Udu bolo len doh kameh iy edeu ndramas ndra-in ili tiri mwan ma badih baso-ok Kindrei bwe, ma iri bwale iri ta a-en hamon ta sahou mwasin ta Laban tataha Jises Krais.

Aposel 21:20

Iri anuhun nyala lahou ta Pol mari, ano iri atudun nyara Kindrei. Ma iri tiye ta Pol i buku doh, “Nadu tine aso, ou anuhun, ou ndratanam kane lau mwan ma badih nyaran bwe badeh, iri badu Juwis ma iri ndratehei budon tiri ndrala ta Jises. Ma iri mwan ma badih doh badeh, budon tiri irih labai ta a-en hamon ta batanau ta Moses.

Tarou ta Jon 12:42

Handru, iri tinan tiri Juwis solo-an atehei budon tiri ili tan. Arile iri anoh iri Parasi, ma iri basehek budon tiri bame len bwe. Iri abudon, kora-on iri katikahei iri kame len ta asiu ta atukum tiri Juwis.

Tarou ta Luk 2:34

Ano, Simiyon atehei nyosowan i la-u oro, ano iy tiye i ta Mariya, “Iy nah le doh, Kindrei le edeu iy, ma idah kameh iy aseben iri lau badu Isra-el rayah, ya iri rayah kameh bwale iri iy. Ma idah kameh, iy i kalem ta lau kameh asehek sahou nyarahan i tan,

Metiu 19:30

Arile lau solo-an na dah areu bwena, iri kameh ame hamon. Ya iri lau solo-an na dah areu hamon iri kameh ame bwena.”

Aposel 2:47

ma atudun Kindrei. Ma, iri badeh, mwasin labai udu mada iri lau ta kon doh. Eme ya udu bolo len mari badeh, kane iri lau asola ala hawe iri rayah mene, tasah Kindrei ibo gok ta akohok iri ame hamon.

Aposel 6:1

Na len doh badeh, kane iri lau nane a-en hamon ta Jises ma atehei budon tiri handru i ta Kindrei i sola le ai. Eme ma iri Juwis nane asehek boho iri Grik badu bolo iri lau ta Kindrei badeh, tebelese hawe iri Juwis rayah nane asehek boho Aramek. Iri Grik anya iri badih nyau tiri badeh, bakohok nyamon sola bwe.

Galesiya 1:23

Arile, iri anuhun le, lau asehek anya, “Iy ndramak mene ta idi taha. Arile, nadah ja badeh, iy ndraruwani kandriyen ndra-in doh ndra-au. Bwena badeh, iy bwalen labai ta sahou mwasin ta Krais, arile, nadah ja badeh, iy ndratiye ndrala ta lau ja ai.”

Galesiya 6:10

Eme ma, na madasan mari Kindrei sihiy, taha kamekes kandriyen mwasin ki ta lau mari. Arile, ma hutuwen badeh, i toro lau ta Kindrei le, ala budon toro ihis handru.

La-ukei atorou Jut 1:3

Wurah lomada ado kawas tek, jo ndrabwetenei ta atorou la-ukei ewek, ta tiye nyala aha ta gok, Kindrei mene amekes ta akohok taha mari. Arile, nadah ja badeh, jo abudon ta atorou sahou randra ja ewek taha i buku doh: Aha kabadok ta aseben ma atondrok iri budon handru, Kindrei mene ndratehei ndrame tataha lau tan. San rasan le, Kindrei mene atehei budon doh, eme tataha mwan ma badih tan.

La-ukei atorou Jut 1:20

Arile, aha nadu tine handru, jo aso-ok aha katehei budon ma hawe ndrine aha kabadok ki-in ta Kindrei. Na bolo len mari aha kasolom kili le ta Kindrei i san ta Malawin Ndrabun.