Aposel 6:5 - Nyindrou

⁵ Eme iri mari badeh, sekesek ta budon doh. Eme iri lebelei Stiben, ndramak idih na Malawin Ndrabun hawe ndramak ta budon handru; ale hawe Pilip, Prokorus, Nikanor, Timon, Parmenas, hawe Nikolas badu Antiyok. Iy mene badu Juwis bwe, arile udu ja, iy in hamon ta kandriyen tiri Juwis.

Aposel 6:5 Referans Kwoze

Aposel 11:24

Iy badeh, ndramak mwasin idih na Malawin Ndrabun hawe budon handru. Ma iy aluwi iri lau solo-an a ta Laban.

Aposel 21:8

Na len ari ja badeh, ahi alakak are Tolomes ala kon tinan Sesariya. Udu loboho doh, badeh aso ala asahan asiu ta lau ta Jises ari nyaran Pilip, ma aso amadin hawen. Iy ta atiye sahou ta Jises na len mari, ma iy badu hawe oro lau ma ndro taloh mene iri lau ta Kindrei hawe oro aposel badu Jerusalem atehei oro ta aseben iri lau ta Kindrei.

Aposel 6:8

Stiben badeh, Kindrei nyosowani iy tinan labai, ma atehei boto-on i tan ta amekes kalem tinan hawe amekes lahou tinan, udu bolo iri lau.

Aposel 7:1

Ano pris tinan ndremenya Stiben anya, “Ou amekes iri lakou doh, handru?”

Aposel 6:3

Ado nadu tine, ado badeh, kalebelei oro lau ma ndro taloh badu bolo ado. Oro lau doh badeh, kadah na Malawin Ndrabun hawe tanan ta aleben budon. Ya to kameh atehei lahou doh kameh i kani oro.

Aposel 13:1

Udu bolo iri lau atehei budon tiri handru in ta Kindrei badu Antiyok badeh, iri propet rayah, ma hawe iri lau ta leheya rayah ale ado aliy. Nyara oro badeh, Banabas, Simiyon iri aloh iy Nijer, Lusiyus badu Sairini, hawe Mana-en iy mene asahan kawas ta kabin Herot na len iy atondrok kon, ma hawe Sol.

Aposel 11:19

Ya oro lau ta budon handru i ta Kindrei mene aseker ta iri mene adai Stiben badeh, iri rayah aseker ala kon munyak tinan Ponisiya, ma busu Saipres ma kon tinan Antiyok atiye sahou i tiri Juwis le.

Aposel 6:10

Arile, Malawin Ndrabun badeh, edeu budon mwasin i ta Stiben asehek sahou, ya oro winiyan basehek sahou bala tan bwe.

Rebelesen 2:15

I buku le aliy ai, lau rayah are bolo aha kede-eh badeh, a-en hamon ta sahou tiri lau ta Nikolas.

Rebelesen 2:6

Handru labai, aha amekes kandriyen ari mwasin labai. Aha badeh, bwale aha kandriyen tiri lau ta Nikolas. Jo ale bwalek kandriyen iri amekes.

Aposel 15:22

Ano iri aposel hawe iri batun tiri lau ta budon handru hawe iri lau ta Kindrei mari amekes budon ta kaleben oro rayah badu bolo iri, ya kasuni oro kala Antiyok hawe Pol uru Banabas. Eme iri lebelei Judas aloh Barsabas ma hawe Sailas. Uru ma la-uh doh badeh, batun badu bolo iri lau ta Kindrei.

Metiu 23:15

“Ado lau tanan ta batanau malen ma ado Parasi, ado kabudon kamwenen! Sisi-in laba tinan doh kameh ewek bwele-e ado! Ado kalime ado la-uh! Ado adek bolo kon ma bwele-e ndras mari ta amekes ndramak ari le ta in hamon taha. Ya buku none iy in hamon taha, ado mesekei iy ndramak ta i bolo jih, i buku none ado le. Ado mesekei kandriyen tan asahan ndra-in, sakalawi tado ja.

Jenesis 41:37

Eme kabin hawe iri lau ta lahou tan ta bolo asiu aseken budon tan, ma tiye i toro, “To winiyan basilahei ari ndramak i buku none Josep kede-eh bwe ai, iy badeh malawi ndrabun ta Kindrei udu tan.”

Aposel 2:4

Eme Malawin Ndrabun anyuhi ndrine oro, ma mesekei oro badeh, asehek boho kon randra doh, randra doh.

Aposel 11:20

Arile, oro lau rayah badeh, badu Sairini hawe badu Saipres ala Antiyok atiye sahou i tiri lau badu Grik ale ta nyala sahou mwasin nyala Laban Jises Krais.

Aposel 11:22

Eme iri lau ta Kindrei badu Jerusalem anuhun nyala lahou doh badeh, ma iri suni Banabas ili Antiyok.

Aposel 11:26

Eme iy ndruni iy badeh, iy kuhi iy eme Antiyok. Ya eme udu bolo jaha ari ma buruwen badeh, Banabas uru Sol atukum hawe iri lau ta budon handru ta Kindrei ma leheya iri lau solo-an. Oro lau ta Laban, iri lau aloh oro “Kristen” ma mwena badeh, udu Antiyok.

Aposel 11:27

Udu bolo len doh badeh, iri propet rayah ale, ado Jerusalem ame andri, ame Antiyok.

Aposel 22:20

Udu bolo len mene iri adi lau tam ari nyaran Stiben, badeh, jo udu aliy ale, anyolom iri adai iy. Jo badeh, ere aliy ta atondrok awin tiri lau nane adai iy imek na bek. Ya, ta madak badeh, iri amekes kandriyen mwasin i tan.’